2 Kauleethaus 8
8
Cov Ntseeg Txuj Kev Paab
1Cov kwvtij, peb xaav kuas mej paub txug Vaajtswv txuj moovhlub kws Nwg tau muab pub rua cov pawg ntseeg kws nyob rua huv lub xeev Makedaunias. #Loos 15:20 2Puab tau raug sim nyaav kawg lug ntawm tej kev txomnyem; tabsis puab txuj kev zoosab tseem luj heev, txawm yog puab txomnyem kawg le los tseem ua rua puab muaj lub sabdlawb sabzoo luj dlaav kawg le.
3Kuv ua tau timkhawv has tas, puab yeej muab kawg puab lub peevxwm lawm, hab tseem muab tshaaj puab lub peevxwm lawm hab. Lug ntawm puab lub sab dlawbpaug, 4puab tseem thov peb kuas pub puab muaj feem paab cov ntseeg Vaajtswv kws nyob nraag lub xeev Yudas. 5Puab tseem muab ntau tshaaj qhov kws peb xaav tas puab yuav muab tau lawm hab! Uantej tshaajplawg, puab tub xub muab puab tugkheej fij rua tug Tswv lawm; tomqaab ntawd, puab txhaj muab puab tugkheej rua peb, lawvle Vaajtswv pumzoo.
6Yogle ntawd, peb txhaj thov Titus tug kws tub pib ua tegnum nuav lawm, kuas rausab ntso paab mej ua tegnum tshwjxeeb kws yog txuj kev hlub nuav ntxiv moog kuas tav. 7Mej tub muaj txhua yaam nplua-mag lawm: tsi has kev ntseeg, kev haslug, kev txawjntse, kev kubsab lug paab lwmtug hab tej kev hlub kws mej muaj pub rua peb,#8:7: tej kev hlub kws mej muaj pub rua peb; tej phoo ntawv qub kws xuas teg sau, muaj tej kev hlub kws peb muaj pub rua mej. peb xaav kuas mej muaj lub sabdlawb sabzoo ua tegnum kev hlub nuav ib yaam nkaus hab.
8Kuv has le nuav tsi yog kuv yuam mej, tabsis kuv xaav muab lwmtug txuj kev hlub pev rua mej txuj seb mej txuj puas yog txuj tseeb tag. 9Ruaqhov mej yeej paub txug Tswv Yexus Khetos txuj moovhlub, has tas txawm yog Nwg npluanuj los Nwg txaussab txu Nwg tugkheej lug ua tug kws pluag pub rua mej, sub lug ntawm Nwg txuj kev pluag ntawd, mej txhaj dlhau tau moog ua tuabneeg npluanuj.
10Has txug zaaj nuav, mas kuv xaav le nuav: Tseb nua mej tsi yog thawj paab kws pib xwb tabsis mej tseem yog thawj paab kws ua tegnum hab. 11Zagnua, mej cale ua kuas tav! Mej tub npaajsab lawm tes yijmeem kubsab lug ua kuas tav, hab ua lawvle mej ua tau. 12Ruaqhov yog mej txaussab hlo muab lawm, Vaajtswv yeej txaussab txais yuav qhov khoomplig lawvle qhov kws mej muaj, tsi yog lawvle qhov kws mej tsi muaj.
13Tsi yog kuv xaav txu kuas lwmtug lub nraa sib, es ho muab lub nraa nyaav nog rua mej; tabsis kuv xaav kuas suavdlawg lub nraa nyaav sisnpaug xwb. 14Nwgnuav mej muaj ntau lawm, tsimnyog mej yuavtsum paab cov kws tsi muaj. Thaus mej tsi muaj, puab cov kws muaj ntau, ho paab mej. Yog ua le nuav, mas suavdlawg txhaj yuav tau sisnpaug. 15Lawvle Vaajtswv Txujlug tau has tas, “Tug kws sau tau ntau los nwg yeej tsi muaj seem, tug kws sau tau tsawg los nwg yeej tsi tuncua.” #Tsiv 16:18
Titus Hab Cov Kws Nrug Nwg Ua Dlejnum
16Tabsis ua Vaajtswv tsaug kws Nwg ua rua Titus muaj lub sab kublug paab mej ib yaam le kuv hab! 17Titus tuaj paab mej tsi yog vim nwg txais peb lulug thov kuas nwg tuaj xwb, tabsis nwg yeej xyivfaab quas hlo hab yeej zoosab hlo tuaj. 18Peb khaiv ib tug kwvtij nrug Titus tuaj, nwg yog ib tug kws taagnrho cov pawg ntseeg puavleej fwm, vim teg dlejnum qha Txuj Moo Zoo kws nwg tau ua. 19Tsi taag le ntawd xwb, cov pawg ntseeg tau xaiv hab tsaa nwg lug nrug peb taug kev uake moog ua tegnum ntawm kev hlub kws yog ua rua peb tug Tswv tau ntsejmuag hab ua rua suavdlawg paub tas yeej yog peb xaav paab tag.
20Peb yeej ua tuabzoo saib kuas tsi xob muaj leejtwg thuam tau qhov kws peb nqaa cov nyaj sabdlawb nuav. 21Peb lub homphaj yog xaav ua qhov kws ncaajnceeg; tsi yog yuav ua rua Vaajtswv pum xwb, tabsis ua rua tuabneeg pum hab. #Paaj 3:4
22Yogle ntawd, peb yuav khaiv ib tug kwvtij nrug obtug moog. Nwg yog tug kws peb tub sim ntau zag lug lawm, peb pum tas nwg yeej muaj lub sab kubsab lug xaav paab. Nwgnuav nwg casab rua mej heev, nwg tseem hajyam xaav paab mej dlua qub. 23Has txug ntawm Titus, nwg yog ib tug kws nrug kuv ua num paab mej. Nyob le ntawm obtug kwvtij kws nrug nwg tuaj, obtug yog cov kws sawvcev cov pawg ntseeg hab yog cov kws ua rua Khetos tau ntsejmuag. 24Yogle ntawd, mej yuavtsum ua kuas puab pum mej txuj kev hlub, sub txhua pawg ntseeg txhaj yuav paub meej tas tej lug kws peb khaav txug mej ntawd yeej muaj tseeb tag.
© 2022 United Bible Societies. All rights reserved.
2 Kauleethaus 8
8
Cov Ntseeg Txuj Kev Paab
1Cov kwvtij, peb xaav kuas mej paub txug Vaajtswv txuj moovhlub kws Nwg tau muab pub rua cov pawg ntseeg kws nyob rua huv lub xeev Makedaunias. #Loos 15:20 2Puab tau raug sim nyaav kawg lug ntawm tej kev txomnyem; tabsis puab txuj kev zoosab tseem luj heev, txawm yog puab txomnyem kawg le los tseem ua rua puab muaj lub sabdlawb sabzoo luj dlaav kawg le.
3Kuv ua tau timkhawv has tas, puab yeej muab kawg puab lub peevxwm lawm, hab tseem muab tshaaj puab lub peevxwm lawm hab. Lug ntawm puab lub sab dlawbpaug, 4puab tseem thov peb kuas pub puab muaj feem paab cov ntseeg Vaajtswv kws nyob nraag lub xeev Yudas. 5Puab tseem muab ntau tshaaj qhov kws peb xaav tas puab yuav muab tau lawm hab! Uantej tshaajplawg, puab tub xub muab puab tugkheej fij rua tug Tswv lawm; tomqaab ntawd, puab txhaj muab puab tugkheej rua peb, lawvle Vaajtswv pumzoo.
6Yogle ntawd, peb txhaj thov Titus tug kws tub pib ua tegnum nuav lawm, kuas rausab ntso paab mej ua tegnum tshwjxeeb kws yog txuj kev hlub nuav ntxiv moog kuas tav. 7Mej tub muaj txhua yaam nplua-mag lawm: tsi has kev ntseeg, kev haslug, kev txawjntse, kev kubsab lug paab lwmtug hab tej kev hlub kws mej muaj pub rua peb,#8:7: tej kev hlub kws mej muaj pub rua peb; tej phoo ntawv qub kws xuas teg sau, muaj tej kev hlub kws peb muaj pub rua mej. peb xaav kuas mej muaj lub sabdlawb sabzoo ua tegnum kev hlub nuav ib yaam nkaus hab.
8Kuv has le nuav tsi yog kuv yuam mej, tabsis kuv xaav muab lwmtug txuj kev hlub pev rua mej txuj seb mej txuj puas yog txuj tseeb tag. 9Ruaqhov mej yeej paub txug Tswv Yexus Khetos txuj moovhlub, has tas txawm yog Nwg npluanuj los Nwg txaussab txu Nwg tugkheej lug ua tug kws pluag pub rua mej, sub lug ntawm Nwg txuj kev pluag ntawd, mej txhaj dlhau tau moog ua tuabneeg npluanuj.
10Has txug zaaj nuav, mas kuv xaav le nuav: Tseb nua mej tsi yog thawj paab kws pib xwb tabsis mej tseem yog thawj paab kws ua tegnum hab. 11Zagnua, mej cale ua kuas tav! Mej tub npaajsab lawm tes yijmeem kubsab lug ua kuas tav, hab ua lawvle mej ua tau. 12Ruaqhov yog mej txaussab hlo muab lawm, Vaajtswv yeej txaussab txais yuav qhov khoomplig lawvle qhov kws mej muaj, tsi yog lawvle qhov kws mej tsi muaj.
13Tsi yog kuv xaav txu kuas lwmtug lub nraa sib, es ho muab lub nraa nyaav nog rua mej; tabsis kuv xaav kuas suavdlawg lub nraa nyaav sisnpaug xwb. 14Nwgnuav mej muaj ntau lawm, tsimnyog mej yuavtsum paab cov kws tsi muaj. Thaus mej tsi muaj, puab cov kws muaj ntau, ho paab mej. Yog ua le nuav, mas suavdlawg txhaj yuav tau sisnpaug. 15Lawvle Vaajtswv Txujlug tau has tas, “Tug kws sau tau ntau los nwg yeej tsi muaj seem, tug kws sau tau tsawg los nwg yeej tsi tuncua.” #Tsiv 16:18
Titus Hab Cov Kws Nrug Nwg Ua Dlejnum
16Tabsis ua Vaajtswv tsaug kws Nwg ua rua Titus muaj lub sab kublug paab mej ib yaam le kuv hab! 17Titus tuaj paab mej tsi yog vim nwg txais peb lulug thov kuas nwg tuaj xwb, tabsis nwg yeej xyivfaab quas hlo hab yeej zoosab hlo tuaj. 18Peb khaiv ib tug kwvtij nrug Titus tuaj, nwg yog ib tug kws taagnrho cov pawg ntseeg puavleej fwm, vim teg dlejnum qha Txuj Moo Zoo kws nwg tau ua. 19Tsi taag le ntawd xwb, cov pawg ntseeg tau xaiv hab tsaa nwg lug nrug peb taug kev uake moog ua tegnum ntawm kev hlub kws yog ua rua peb tug Tswv tau ntsejmuag hab ua rua suavdlawg paub tas yeej yog peb xaav paab tag.
20Peb yeej ua tuabzoo saib kuas tsi xob muaj leejtwg thuam tau qhov kws peb nqaa cov nyaj sabdlawb nuav. 21Peb lub homphaj yog xaav ua qhov kws ncaajnceeg; tsi yog yuav ua rua Vaajtswv pum xwb, tabsis ua rua tuabneeg pum hab. #Paaj 3:4
22Yogle ntawd, peb yuav khaiv ib tug kwvtij nrug obtug moog. Nwg yog tug kws peb tub sim ntau zag lug lawm, peb pum tas nwg yeej muaj lub sab kubsab lug xaav paab. Nwgnuav nwg casab rua mej heev, nwg tseem hajyam xaav paab mej dlua qub. 23Has txug ntawm Titus, nwg yog ib tug kws nrug kuv ua num paab mej. Nyob le ntawm obtug kwvtij kws nrug nwg tuaj, obtug yog cov kws sawvcev cov pawg ntseeg hab yog cov kws ua rua Khetos tau ntsejmuag. 24Yogle ntawd, mej yuavtsum ua kuas puab pum mej txuj kev hlub, sub txhua pawg ntseeg txhaj yuav paub meej tas tej lug kws peb khaav txug mej ntawd yeej muaj tseeb tag.
© 2022 United Bible Societies. All rights reserved.