رِسول‍لار 26
26
1آغریپاس پولسه: «اُزونگی قُریماق اوچین، سُزه باشلاپ بیلِرسینگ» دییدی. اینه، شُندا پولس اِل‍لِرینی حِرِکِتلِندیریپ، اُزونی قُریماغا دوردی:
2«اِی آغریپاس پادیشاه! یَهودیلِرینگ مانگا تُهمِتلِیَن هِمّه عاییپلامالاریندان قُرینیپ، بو گون سِنینگ اُوونگده دوریاندیغیم اوچین، مِن اُزومی خوشواقت حاساپلایارین. 3سِنِم یَهودیلِرینگ هِمّه عاداتلاریندان، جِدِلّی فیکرلِریندِن قاوی باش چیقاریارسینگ آخیری. شُنونگ اوچین هِم مِنی صابیرلیق بیلِن دینگلِمِگینگی خاییش اِدیَرین.
4«یاشلیغیمدان باشلاپ، اَوَّل اُز خالقیمینگ آراسیندا، شِیله هِم اورشلیمده گِچیرِن دورموشیمی هِمّه یَهودیلِر بیلیَندیرلِر. 5اُلار مِنی کَن واقتدان بَری تانییارلار، اِگِر ایسلِسِلِر، مانگا دینیمیزینگ اینگ گویچلی مِذهِبینَه گُرَه فَریسی بُلوپ یاشاندیغیما شاهاتلیق اِدیپ بیلِرلِر. 6اِدیل شو واقت هِم خودایینگ آتا-بابالاریمیزا بِرِن واعداسینا اومید باغلایاندیغیم اوچین مَحکِمه‌ده دورون. 7حاقیقاتدا، خالقیمیزینگ اُن ایکی طایفاسی گیجه-گوندیز خودایا تویس یورِکدِن عیبادات اِدیپ، بو واعدانینگ بِرجای بُلماغینا اومید باغلاپدیر. اِی پادیشاهیم، یَهودیلِر بُلسا شو اومید اوچین مِنی عاییپلایارلار. 8نَمه اوچین خودایینگ اُلولِری دیرِلتمِگینی اینانیپ بُلماجاق زات حاساپلایارسینگیز؟
9«دُغروسی، مِنِم ناصِره‌لی عیسانینگ آدینا قارشی کَن یامانلیق اِتمِگی اُز یانیمدان واجیپ بیلیَردیم. 10مِن بو یامانلیغی اورشلیمده اِتدیم هِم. یُلباشچی کاهینلاردان ایختییار آلیپ، ایماندارلارینگ کَنسینی زیندانا سالدیم. اُلار اُلومه مَحکوم اِدیلِنده، مونی ایخلاص بیلِن قُلدادیم. 11مِن بیر کِنیسه‌دِن بِیلِکیسینه آیلانیپ، اُلاری نَچه گِزِک جِزالاندیردیم، ایماندان دَنمَگه مِجبور اِتدیم. اُلارا قارشی قاهار-غاضابا مینیپ، حتّیٰ بیگانه شَهرلِره چِنلی اُلاری آزارلادیم.
12«گونلِرینگ بیر گونی شو ماقصات بیلِن یُلباشچی کاهینلاردان ایختییارناما و تابشیریق آلیپ، دمشقه طاراف یُلا دوشدوم. 13اِی پادیشاهیم، گونُرتان واقتی یُلدا باریارقام، بیردِنکَه آسماندا گوندِن هِم یاغتی نور گُردوم. نور مِنینگ و یُلداشلاریمینگ داش-تُوِرِگینه یالقیم یایراتدی. 14هِمَّه‌میز یِره ییقیلدیق. بیر سِسینگ مانگا عِبرانی دیلینده: ”سولُس، سولُس! نَمه اوچین مانگا آزار بِریَرسینگ؟ چویه دِپمِک سانگا قیندیر“ دییِنینی اِشیتدیم. 15مِن: ”آقام، سِن کیم؟“ دییّپ سُرادیم. اُل: ”مِن سِنینگ آزار بِریَن عیسانگ. 16هانی، تور، آیاق اوستونه قال. مِن سِنی خیدماتکَریم هِم شاهادیم اِدیپ سایلاماق اوچین سانگا گُروندیم. سِن اُز گُرِن و مِنینگ گُرکِزجِک زاتلاریما شاهاتلیق اِدِرسینگ. 17سِنی اُز خالقینگ و باشغا میلِّتلِرینگ اِلیندِن آزاد اِدِرین. باشغا میلِّتلِرینگ گُزلِرینی آچار یالی، مِن سِنی اُلارینگ آراسینا ایبِرِرین. 18شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر. مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“ دییدی.
19«شُنونگ اوچین هِم، اِی آغریپاس پادیشاه، مِن آسماندان گِلِن رویایا قولاق آسمازلیق اِتمِدیم. 20دِسلاپ دمشق‌ده، اورشلیمده، سُنگرا تامام یهودیه‌ده، شِیله هِم، باشغا میلِّتلِرینگ آراسیندا: ”گونَه‌لِرینگیز اوچین توبا اِدینگ، خودایا دُلانینگ، توبا اِدِندیگینگیزی قاوی ایشلِرینگیز بیلِن تاصدیق اِدینگ“ دییّپ واغیظ اِتدیم. 21شو سِبَپدِن یَهودیلِر مِنی عیباداتخانادا توتوپ، اُلدورجِک بُلدولار. 22اِمّا شو گونه چِنلی خودای مانگا کُمِک اِتدی. شُنونگ سایه‌سیندا اولودان-کیچَه، هِمّه‌لِره شاهاتلیق اِدیپ گِلیَرین. بُلجاق زاتلاری اُنگدِن خابار بِرِن پیغامبارلارینگ و موسانینگ آیدانلاریندان باشغا هیچ زات اُورِدِن دَلدیرین. 23اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.»
24پولس شِیدیپ، اُزونی قُریپ دورقا، فِستوس قاتی سِس بیلِن: «پولس، سِن دیوانا بُلوپسینگ! کَن عیلیمینگ سِنی عاقیلینگدان آزاشدیریپدیر» دییدی. 25پولس اُنگا: «اِی حُرماتلی فِستوس، مِن عاقیلیمدان آزاشامُق. مِنینگ آیدان سُزلِریم حاقیقات و عاقیلا یِرلِشیَندیر. 26بو زاتلاردان پادیشاهمینگ خابارلیدیغی اوچین، مِن اُنگا آرقایین کِپلِیَرین. بولارینگ هیچ بیرینینگ اُندان گوزگین دَلدیگینه مِن اینانیارین، سِبَبی بولار اُغرینچا اِدیلِن دَلدیر. 27اِی آغریپاس پادیشاه! سِن پیغامبارلارا اینانیارسینگمی؟ اینانیاندیغینگی بیلیَرین-اَ» دییدی. 28آغریپاس پولسه: «مِنی قیسغا واقتینگ ایچینده راضی اِدیپ، مسیحی اِتجِک بُلیارسینگمی؟» دییدی. 29پولس اُنگا: «قیسغا بُلسون، اوزین بُلسون، دینگه سِن دَل، اُندا، شو گون مِنی دینگلِیَنلِرینگ باری مِنینگ یالی بُلسون دییّپ خودایا یالباریارین. اِلبِتّه، بو زینجیرلار سیزده بُلماسین» دییّپ جُغاپ بِردی.
30شوندان سُنگ آغریپاس پادیشاه، فِستوس حاکیم، بِرنیکی و اُلار بیلِن اُتورانلار یِرلِریندِن توردولار. 31اُلار چیقیپ باریارقالار، اُزآرا گورلِشیپ: «بو آدام اُلومه یا-دا زیندانلیغا لاییق هیچ ایش اِتمَندیر» دییّشدیلِر. 32آغریپاس فِستوسا: «بو آدام داعواسینی ایمپِراطُرا عارض اِتمِدیک بُلسادی، اُنی آزاد اِدیپ بُلاردی» دییدی.
© Turkmen Truth
رِسول‍لار 26
26
1آغریپاس پولسه: «اُزونگی قُریماق اوچین، سُزه باشلاپ بیلِرسینگ» دییدی. اینه، شُندا پولس اِل‍لِرینی حِرِکِتلِندیریپ، اُزونی قُریماغا دوردی:
2«اِی آغریپاس پادیشاه! یَهودیلِرینگ مانگا تُهمِتلِیَن هِمّه عاییپلامالاریندان قُرینیپ، بو گون سِنینگ اُوونگده دوریاندیغیم اوچین، مِن اُزومی خوشواقت حاساپلایارین. 3سِنِم یَهودیلِرینگ هِمّه عاداتلاریندان، جِدِلّی فیکرلِریندِن قاوی باش چیقاریارسینگ آخیری. شُنونگ اوچین هِم مِنی صابیرلیق بیلِن دینگلِمِگینگی خاییش اِدیَرین.
4«یاشلیغیمدان باشلاپ، اَوَّل اُز خالقیمینگ آراسیندا، شِیله هِم اورشلیمده گِچیرِن دورموشیمی هِمّه یَهودیلِر بیلیَندیرلِر. 5اُلار مِنی کَن واقتدان بَری تانییارلار، اِگِر ایسلِسِلِر، مانگا دینیمیزینگ اینگ گویچلی مِذهِبینَه گُرَه فَریسی بُلوپ یاشاندیغیما شاهاتلیق اِدیپ بیلِرلِر. 6اِدیل شو واقت هِم خودایینگ آتا-بابالاریمیزا بِرِن واعداسینا اومید باغلایاندیغیم اوچین مَحکِمه‌ده دورون. 7حاقیقاتدا، خالقیمیزینگ اُن ایکی طایفاسی گیجه-گوندیز خودایا تویس یورِکدِن عیبادات اِدیپ، بو واعدانینگ بِرجای بُلماغینا اومید باغلاپدیر. اِی پادیشاهیم، یَهودیلِر بُلسا شو اومید اوچین مِنی عاییپلایارلار. 8نَمه اوچین خودایینگ اُلولِری دیرِلتمِگینی اینانیپ بُلماجاق زات حاساپلایارسینگیز؟
9«دُغروسی، مِنِم ناصِره‌لی عیسانینگ آدینا قارشی کَن یامانلیق اِتمِگی اُز یانیمدان واجیپ بیلیَردیم. 10مِن بو یامانلیغی اورشلیمده اِتدیم هِم. یُلباشچی کاهینلاردان ایختییار آلیپ، ایماندارلارینگ کَنسینی زیندانا سالدیم. اُلار اُلومه مَحکوم اِدیلِنده، مونی ایخلاص بیلِن قُلدادیم. 11مِن بیر کِنیسه‌دِن بِیلِکیسینه آیلانیپ، اُلاری نَچه گِزِک جِزالاندیردیم، ایماندان دَنمَگه مِجبور اِتدیم. اُلارا قارشی قاهار-غاضابا مینیپ، حتّیٰ بیگانه شَهرلِره چِنلی اُلاری آزارلادیم.
12«گونلِرینگ بیر گونی شو ماقصات بیلِن یُلباشچی کاهینلاردان ایختییارناما و تابشیریق آلیپ، دمشقه طاراف یُلا دوشدوم. 13اِی پادیشاهیم، گونُرتان واقتی یُلدا باریارقام، بیردِنکَه آسماندا گوندِن هِم یاغتی نور گُردوم. نور مِنینگ و یُلداشلاریمینگ داش-تُوِرِگینه یالقیم یایراتدی. 14هِمَّه‌میز یِره ییقیلدیق. بیر سِسینگ مانگا عِبرانی دیلینده: ”سولُس، سولُس! نَمه اوچین مانگا آزار بِریَرسینگ؟ چویه دِپمِک سانگا قیندیر“ دییِنینی اِشیتدیم. 15مِن: ”آقام، سِن کیم؟“ دییّپ سُرادیم. اُل: ”مِن سِنینگ آزار بِریَن عیسانگ. 16هانی، تور، آیاق اوستونه قال. مِن سِنی خیدماتکَریم هِم شاهادیم اِدیپ سایلاماق اوچین سانگا گُروندیم. سِن اُز گُرِن و مِنینگ گُرکِزجِک زاتلاریما شاهاتلیق اِدِرسینگ. 17سِنی اُز خالقینگ و باشغا میلِّتلِرینگ اِلیندِن آزاد اِدِرین. باشغا میلِّتلِرینگ گُزلِرینی آچار یالی، مِن سِنی اُلارینگ آراسینا ایبِرِرین. 18شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر. مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“ دییدی.
19«شُنونگ اوچین هِم، اِی آغریپاس پادیشاه، مِن آسماندان گِلِن رویایا قولاق آسمازلیق اِتمِدیم. 20دِسلاپ دمشق‌ده، اورشلیمده، سُنگرا تامام یهودیه‌ده، شِیله هِم، باشغا میلِّتلِرینگ آراسیندا: ”گونَه‌لِرینگیز اوچین توبا اِدینگ، خودایا دُلانینگ، توبا اِدِندیگینگیزی قاوی ایشلِرینگیز بیلِن تاصدیق اِدینگ“ دییّپ واغیظ اِتدیم. 21شو سِبَپدِن یَهودیلِر مِنی عیباداتخانادا توتوپ، اُلدورجِک بُلدولار. 22اِمّا شو گونه چِنلی خودای مانگا کُمِک اِتدی. شُنونگ سایه‌سیندا اولودان-کیچَه، هِمّه‌لِره شاهاتلیق اِدیپ گِلیَرین. بُلجاق زاتلاری اُنگدِن خابار بِرِن پیغامبارلارینگ و موسانینگ آیدانلاریندان باشغا هیچ زات اُورِدِن دَلدیرین. 23اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.»
24پولس شِیدیپ، اُزونی قُریپ دورقا، فِستوس قاتی سِس بیلِن: «پولس، سِن دیوانا بُلوپسینگ! کَن عیلیمینگ سِنی عاقیلینگدان آزاشدیریپدیر» دییدی. 25پولس اُنگا: «اِی حُرماتلی فِستوس، مِن عاقیلیمدان آزاشامُق. مِنینگ آیدان سُزلِریم حاقیقات و عاقیلا یِرلِشیَندیر. 26بو زاتلاردان پادیشاهمینگ خابارلیدیغی اوچین، مِن اُنگا آرقایین کِپلِیَرین. بولارینگ هیچ بیرینینگ اُندان گوزگین دَلدیگینه مِن اینانیارین، سِبَبی بولار اُغرینچا اِدیلِن دَلدیر. 27اِی آغریپاس پادیشاه! سِن پیغامبارلارا اینانیارسینگمی؟ اینانیاندیغینگی بیلیَرین-اَ» دییدی. 28آغریپاس پولسه: «مِنی قیسغا واقتینگ ایچینده راضی اِدیپ، مسیحی اِتجِک بُلیارسینگمی؟» دییدی. 29پولس اُنگا: «قیسغا بُلسون، اوزین بُلسون، دینگه سِن دَل، اُندا، شو گون مِنی دینگلِیَنلِرینگ باری مِنینگ یالی بُلسون دییّپ خودایا یالباریارین. اِلبِتّه، بو زینجیرلار سیزده بُلماسین» دییّپ جُغاپ بِردی.
30شوندان سُنگ آغریپاس پادیشاه، فِستوس حاکیم، بِرنیکی و اُلار بیلِن اُتورانلار یِرلِریندِن توردولار. 31اُلار چیقیپ باریارقالار، اُزآرا گورلِشیپ: «بو آدام اُلومه یا-دا زیندانلیغا لاییق هیچ ایش اِتمَندیر» دییّشدیلِر. 32آغریپاس فِستوسا: «بو آدام داعواسینی ایمپِراطُرا عارض اِتمِدیک بُلسادی، اُنی آزاد اِدیپ بُلاردی» دییدی.
© Turkmen Truth