Nayoshua 12
12
Mamwene yaakottolhiye ni attu o Uisraeli
1Anottwara alha phi mamwene aakottolhiye ni attu o Uisraeli, ni ukushiya ilhapo aya yonkhaye yaari unoosha nchuwa mwoolhoko wo Uyorodani ukhuma ukhopelhelhe wo mwoolhoko wo Uarnoni mpaka mwaako wo Uhermoni, ni ilhapo yonkhaye yo Uraba yaari mpata unoosha nchuwa. 2Amwene Nasihoni a Aamori yaakhalha Uheshboni uwo ni utawara ukhuma nipuro naya nuulhupalhe Uaroeri uwo, iwani yaari nchereshere yo nikoote no Uarnoni. Ahotawara chiicho uchokholhelha iriyari yo nikoote mpaka mwoolhoko wo Uyaboki waari aya mwiinano wo ilhapo ya attu o Uamoni yaari nusu yo ilhapo yo Ugileadi. 3Chiichammo ahotawara ilhapo yonkhaye yo Uaraba, ukhuma ibahari yo Ukinerothi, mpata unoosha nchuwa mpaka Ubeth yeshimothi ibahari yo Maakha ni ukhelhelha mpaka wuuthi mwaako wo Upisga.
4Akina phi amwene Naoga mmoka a Aarefai yaahalhenlhe aatawara Ubashani, aakhalha Uashtorothi ama Uedrei.
5Umwene aya ahowanelha umwaakoni Uhermoni uwo, Usaleka, Ubashani wonkhaye mpaka miinano cha attu o Ugeshuri ni attu o Umaaka, nusu yo Ugileadi mpaka uwiinanoni mwo ilhapo ya amwene Nasihoni o Uheshboni.
6Ashinna Musa karumiya a Apwiiya Nlhuku vamoka ni attu o Uisraeli yahaakottolha yayo mamwene ayo, nkayaavaha chechiyo ilhapo chiyo makosho a Narobeni, a Nagadi, ni nusu yo nikosho ni Namanase chikhalhe chawaya.
Mamwene aakottolhachiye ni Nayoshua
7Yamalheke Nayoshua vamoka ni attu o Uisraeli yahaakottolha mamwene onkhaye ari uneelhelha nchuwa mwoolhoko wo Uyorodani, uchokholhelha Baali gadi uhito wo Lebanoni mpaka mwaako wo uhikhalhe ittu wo Uhalaki, uchawa vakhiviru ni Useiri. Nayoshua nkayaakawelha makosho a attu o Uisraeli chechiyo ilhapo chiyo chikhalhe chawaya. 8Chechiyo ilhapo chiyo chaari vamoka ni isehemu yo umiakoni, ilhapo chihiri ni miako, ilhapo yo Uaraba, uhito wo miako, ithuphi, ni ilhapo yo Unegebu. Chechiyo ilhapo chiyo chaari cha; attu o Uhiti, Aamori, attu o Ukanaani, attu o Uperizi, attu o Uhiti, attu o Hivi ni Ayebusi. 9Attu o Uisraeli ahaakottolha mamwene o chi ujeriko, amwene o Uai iwani urii vakiviru Ubetheli, ilhapo chi; 10amwene o Uyerusalemu, amwene o Uhebroni, 11amwene o Uyarmuth, amwene o Ulakishi, 12amwene o Uelgoni, amwene o Ugezeri, 13amwene o Udebiri, amwene o Ugederi, 14amwene o Uhorima, amwene o Uaradi, 15amwene o Ulibna, amwene o Uadulamu, 16amwene o Umakeda, amwene o Ubetheli, 17amwene o Utapua, amwene o Usheferi, 18amwene o Uafeka, amwene o Ulasharoni, 19amwene o Umadoni, amwene o Uhazori, 20amwene o Ushimronmeroni, amwene o Uakshafi, 21amwene o Naanaki, amwene o Umegido, 22amwene o Ukedeshi, amwene o Yokneamu iwani irii mwaako wo Ukarmeli, 23amwene o Udori ilhapo yo Unafothdori, amwene o Ugoiimu Ugilgali uwo ni, 24amwene o Utirza. Mamwene onkhaye ayo yaari makhumi mararu ni mmoka.
The Bible Version in Makua @The Word for The World International and Makua Language translators. All rights reserved.