Malakaus 12
12
Zaj Lus Pivtxwv Txog Cov Neeg Uas Tu Lub Vaj Txivhmab
(Mathais 21:33-46; Lukas 20:9-19)
1Yexus txawm ua lus pivtxwv qhia rau lawv hais tias: “Muaj ib tug txivneej cog ib co txivhmab thiab xov vaj puagncig rau, nws khawb ib lub qhov tsuam txivhmab thiab ua lub chaw tsomfaj zov. Nws muab cov txivhmab ntawd xauj rau ib co neeg tu, ces nws txawm mus rau lwm tebchaws lawm. #Yaxaya 5:1-2 2Thaum txog lub caij de txivhmab, nws txawm txib nws ib tug tubqhe mus cuag cov uas tu lub vaj thiab sau tej txivhmab uas yog nws feem los rau nws. 3Cov neeg uas tu lub vaj txawm muab tus tubqhe ntawd ntes, muab nws ntaus, thiab ntiab nws rov mus tes dawb tes npliag. 4Tus tswv vaj rov txib dua ib tug tubqhe mus; cov neeg uas tu lub vaj muab tus tubqhe ntawd ntaus taubhau thiab ua saib tsis taus nws. 5Tus tswv vaj rov txib dua ib tug tubqhe mus, tiamsis lawv muab tus tubqhe ntawd tua tuag; lawv yeej ua li ntawd rau txhua tus uas tus tswv vaj txib mus; qeeleej raug ntaus thiab muaj qeeleej raug tua tuag.
6“Tshuav tus tswv vaj tus tub uas nws hlub xwb thiaj tsis tau raug xa mus. Thaum kawg tus tswv vaj thiaj txib kiag nws tus tub mus cuag cov neeg uas tu lub vaj. Nws hais tias, ‘Kuv ntseeg tias lawv yeej yuav hwm kuv tus tub xwb.’ 7Tiamsis cov neeg uas tu lub vaj ntawd txawm sibtham hais tias, ‘Tus no ntag lau, yog tus tswv vaj tus tub. Peb ciali muab nws tua povtseg, peb thiajli tau nws tej teejtug!’ 8Lawv txawm ntes kiag tus tub ntawd, muab nws tua thiab muab pov rau sab ntug vaj nraud.”
9Yexus nug hais tias, “Nej xav tias tus tswv vaj yuav ua licas? Nws yeej yuav mus muab cov neeg tu lub vaj ntawd tua povtseg huv tibsi thiab muab lub vaj txivhmab ntawd tso rau lwm cov tu. 10Nej twb nyeem Vajtswv Txojlus uas hais tias:
“ ‘Lub pobzeb uas cov neeg ua tsev muab povtseg lawm,
lub ntawd twb dhau los ua lub uas tseemceeb dua ntais lawm.
11Qhov no yog tus Tswv ua,
yog yam zoo kawg nkaus uas peb pom!’ ” #Nnkauj 118:22-23
12Cov Yudais cov thawjcoj yeej npajsiab yuav ntes Yexus tamsim ntawd, vim lawv paub tias Nws txhobtxwm piav zaj lus pivtxwv ntawd los tawmtsam lawv. Tiamsis lawv kuj ntshai cov neeg coob-coob ntawd, lawv txawm ciali khiav lawm.
Nug Txog Kev Them Se
(Mathais 22:15-22; Lukas 20:20-26)
13Lawv txib cov Falixais qeeleej thiab Helauj cov neeg qeeleej tuaj cuag Yexus thiab nug li ub li no seb Nws puas yuav hais txhaum. 14Lawv txawm nug hais tias, “Xibhwb, peb paub tias Koj yog ib tug neeg ncaj, Koj tsis xaiv leejtwg ntsejmuag thiab tsis tuaj leejtwg tog. Koj tsuas qhia qhov tseeb txog Vajtswv txojkev rau neeg xwb. Koj qhia rau peb seb, yog peb them se rau Xixas puas txhaum peb txoj kevcai los tsis txhaum? Puas tsimnyog peb them rau lawv thiab?”
15Tiamsis Yexus twb paub txog lawv tej tswvyim phem ntawd lawm, Nws thiaj teb lawv hais tias, “Nej tuaj sim Kuv ua dabtsi? Muab ib lub nyiaj los rau Kuv saib seb.”
16Lawv txawm muab ib lub nyiaj los rau Nws, ces Nws thiaj nug lawv hais tias, “Lub ntsejmuag thiab lub npe uas txaug rau hauv lub nyiaj no yog leejtwg lub?”
Lawv teb tias, “Yog Xixas lub.”
17Yexus thiaj hais tias, “Yam uas yog Xixas li ciali muab rau Xixas, thiab yam uas yog Vajtswv li ciali muab rau Vajtswv.”
Thaum lawv hnov Yexus teb li ntawd, lawv xav tsis thoob li.
Nug Txog Cov Neeg Tuag Uas Sawv Rovqab Los
(Mathais 22:23-33; Lukas 20:27-40)
18Cov Xadukais uas tsis ntseeg tias neeg yuav sawv hauv qhovtuag rovqab los, muaj qeeleej tuaj cuag Yexus thiab nug hais tias, #Teshl 23:8 19“Xibhwb, Mauxes sau txoj kevcai no qhia rau peb hais tias, ‘Yog ib tug txiv twg tuag thaum nws tus pojniam tseem tsis tau muaj menyuam, nws tus kwv yuavtsum yuav tus niamtij thiab muaj tubki rau tus tijlaug.’ #2Kev 25:5 20Zaumno, muaj xya leej kwvtij; tus tijlaug hlob yuav pojniam tiamsis tseem tsis tau muaj menyuam ces nws txawm tuag lawm. 21Tus kwv thib ob yuav tus niamtij ntawd, tsis tau muaj menyuam ces nws txawm tuag lawm. Tus kwv thib peb los kuj ua tibyam li ntawd thiab, 22tagnrho xya leej kwvtij uas yuav tus pojniam ntawd puavleej tuag huv tibsi thiab yeej tsis tau muaj menyuam li. Thaum kawg tus pojniam ntawd kuj tuag lawm thiab. 23Yogli ntawd, thaum txog hnub uas cov neeg tuag sawv rovqab los, tus pojniam ntawd yuav yog leejtwg tus pojniam? Rauqhov lawv xya leej puavleej tau yuav nws huv tibsi lawm.”
24Yexus teb tias, “Nej yuamkev lawm, rauqhov nej tsis paub Vajtswv tej Lus lossis Vajtswv lub hwjchim. 25Thaum cov neeg uas tuag lawm sawv rovqab los, lawv yuav zoo ib yam li cov timtswv uas nyob saum ntuj ceebtsheej, lawv yuav tsis sibyuav lawm. 26Hais txog qhov uas cov neeg tuag sawv rovqab los: nej tsis tau nyeem Mauxes phau ntawv ntu uas hais txog cov nplaimtaws uas cig ntawm tsob ntoo lov? Vajtswv hais rau Mauxes hais tias, ‘Kuv yog Anplahas tus Vajtswv, yog Ixaj tus Vajtswv, thiab yog Yakhauj tus Vajtswv,’ #Khiav 3:6 27Vajtswv tsis yog cov neeg tuag tus Vajtswv, tiamsis yog cov neeg ciaj tus Vajtswv. Nej yuamkev loj heev lawm lau!”
Nqe Kevcai Uas Tseemceeb Heev
(Mathais 22:34-40; Lukas 10:25-28)
28Muaj ib tug xibhwb uas qhia Kevcai nyob ntawd hnov lawv sibcav. Nws pom tias Yexus teb tau cov Xadukais zoo heev, nws txawm los nug Yexus hais tias, “Tagnrho cov kevcai, nqe twg yog nqe uas tseemceeb dua ntais huv tibsi?” #Lukas 10:25-28
29Yexus teb tias, “Thawj nqe uas tseemceeb dua ntais yog nqe no: ‘Cov neeg Yixalayees, nej ua tibzoo mloog! Tus Tswv uas yog peb tus Vajtswv, Nws tibleeg xwb thiaj yog tus Tswv.#12:29: Tus Tswv uas yog peb tus Vajtswv, nws tibleeg xwb thiaj yog tus Tswv; lossis Tus Tswv yog peb tus Vajtswv, tsuas muaj tibtug Tswv xwb. #2Kev 6:4-5 30Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg lajlim tswvyim, thiab kawg dag kawg zog.’ 31Nqe kevcai uas tseemceeb thib ob hais li no tias, ‘Koj yuavtsum hlub koj tus kwvtij zejzog ib yam li koj hlub koj tuskheej.’ Yeej tsis muaj dua lwm nqe kevcai uas yuav tseemceeb tshaj ob nqe no lawm.” #Levi 19:18
32Tus xibhwb uas qhia Kevcai teb Yexus hais tias, “Yog lawm, Xibhwb! Yeej muaj tseeb li Koj hais tiag, tsuas muaj tibtug Tswv uas yog Vajtswv xwb, yeej tsis muaj dua lwmtus vajtswv lawm. #2Kev 4:35 33Thiab koj yuav tau hlub Vajtswv kawg siab kawg ntsws, kawg lajlim tswvyim, thiab kawg dag kawg zog; thiab koj yuavtsum hlub koj tus kwvtij zejzog ib yam li koj hlub koj tuskheej. Qhov uas ua rawsli ob nqes kevcai no tseem tseemceeb dua li muab tej tsiaj tua theej txhoj, thiab muab khoom hlawv fij rau Vajtswv.” #Hauxe 6:6
34Yexus pom tias nws muaj tswvyim teb, ces Yexus txawm hais rau nws tias, “Koj nyob tsis deb Vajtswv lub Tebchaws lawm.”
Txij ntawd los tsis muaj leejtwg muaj cuabkav nug Yexus ntxiv li lawm.
Nug Txog Tus Mexiyas
(Mathais 22:41-46; Lukas 20:41-44)
35Thaum Yexus tabtom qhia hauv lub Tuamtsev, Nws nug hais tias, “Ua licas cov xibhwb uas qhia Kevcai hais tias, tus Mexiyas#12:35: Mexiyas; lossis Khetos. yog Daviv li cajces? 36Vaj Ntsujplig tus Dawbhuv tshoov Daviv siab, nws thiaj hais tias,
“ ‘Tus Tswv hais rau kuv tus Tswv hais tias:
Los zaum ntawm Kuv sab xis
mus txog thaum Kuv muab Koj cov yeebncuab los tso hauv Koj qab xibtaws.’ #Nnkauj 110:1
37Daviv twb hu Nws hais tias ‘Tus Tswv’; es yuav ua licas hais tau tias tus Mexiyas yog Daviv li cajces?”
Yexus Ceebtoom Txog Cov Xibhwb Uas Qhia Kevcai
(Mathais 23:1-36; Lukas 20:45-47)
Cov neeg coob-coob uas mloog Yexus qhia ntawd zoosiab kawg li. 38Yexus qhia lawv hais tias, “Nej yuavtsum ceevfaj txog cov xibhwb uas qhia Kevcai. Lawv nyiam hnav tej tsho ntev ncig mus ncig los rau ub rau no, thiab nyiam kom neeg hawm lawv tom tej kiab, 39lawv xaiv mus nyob tej rooj uas tseemceeb hauv tej tsev sablaj, thiab thaum muaj rooj noj rooj haus lawv nyiam zaum ntawm tej chaw samxeeb xwb. 40Lawv txhav cov pojntsuam tej vajtse yuav, thiab uatxuj thov Vajtswv ntev-ntev kom sawvdaws qhuas lawv. Lawv cov no yuav raug txim hnyav tshajplaws!”
Tus Pojntsuam Tso Nyiaj
(Lukas 21:1-4)
41Yexus nyob ze rau ntawm lub thawv tso nyiaj hauv lub Tuamtsev, Nws saib cov neeg uas coj lawv tej nyiaj tuaj tso. Muaj ntau tus neeg npluanuj tso nyiaj ntau kawg li; 42thaum ntawd muaj ib tug pojntsuam pluag-pluag tuaj thiab muab ob lub nyuag txiaj toog liab me-me uas raug nqi li ib lub nyuag npib liab tuaj tso rau hauv. 43Yexus txawm hu Nws cov thwjtim los thiab hais rau lawv tias, “Kuv qhia tseeb rau nej hais tias, tus pojntsuam uas pluag-pluag no tseem tso nyiaj rau hauv lub thawv ntau dua lwmtus huv tibsi. 44Rauqhov lwmtus muab tej nyuag uas seem ntawm lawv txoj kev npluanuj tuaj tso xwb; tiamsis tus pojniam no txawm yog nws twb pluag npaum li ntawd los nws tseem muab tagnrho tej uas nws muaj, nws muab kiag qhov nyiaj uas yug nws txojsia tuaj tso.”
© 2022 United Bible Societies. All rights reserved.
Malakaus 12
12
Zaj Lus Pivtxwv Txog Cov Neeg Uas Tu Lub Vaj Txivhmab
(Mathais 21:33-46; Lukas 20:9-19)
1Yexus txawm ua lus pivtxwv qhia rau lawv hais tias: “Muaj ib tug txivneej cog ib co txivhmab thiab xov vaj puagncig rau, nws khawb ib lub qhov tsuam txivhmab thiab ua lub chaw tsomfaj zov. Nws muab cov txivhmab ntawd xauj rau ib co neeg tu, ces nws txawm mus rau lwm tebchaws lawm. #Yaxaya 5:1-2 2Thaum txog lub caij de txivhmab, nws txawm txib nws ib tug tubqhe mus cuag cov uas tu lub vaj thiab sau tej txivhmab uas yog nws feem los rau nws. 3Cov neeg uas tu lub vaj txawm muab tus tubqhe ntawd ntes, muab nws ntaus, thiab ntiab nws rov mus tes dawb tes npliag. 4Tus tswv vaj rov txib dua ib tug tubqhe mus; cov neeg uas tu lub vaj muab tus tubqhe ntawd ntaus taubhau thiab ua saib tsis taus nws. 5Tus tswv vaj rov txib dua ib tug tubqhe mus, tiamsis lawv muab tus tubqhe ntawd tua tuag; lawv yeej ua li ntawd rau txhua tus uas tus tswv vaj txib mus; qeeleej raug ntaus thiab muaj qeeleej raug tua tuag.
6“Tshuav tus tswv vaj tus tub uas nws hlub xwb thiaj tsis tau raug xa mus. Thaum kawg tus tswv vaj thiaj txib kiag nws tus tub mus cuag cov neeg uas tu lub vaj. Nws hais tias, ‘Kuv ntseeg tias lawv yeej yuav hwm kuv tus tub xwb.’ 7Tiamsis cov neeg uas tu lub vaj ntawd txawm sibtham hais tias, ‘Tus no ntag lau, yog tus tswv vaj tus tub. Peb ciali muab nws tua povtseg, peb thiajli tau nws tej teejtug!’ 8Lawv txawm ntes kiag tus tub ntawd, muab nws tua thiab muab pov rau sab ntug vaj nraud.”
9Yexus nug hais tias, “Nej xav tias tus tswv vaj yuav ua licas? Nws yeej yuav mus muab cov neeg tu lub vaj ntawd tua povtseg huv tibsi thiab muab lub vaj txivhmab ntawd tso rau lwm cov tu. 10Nej twb nyeem Vajtswv Txojlus uas hais tias:
“ ‘Lub pobzeb uas cov neeg ua tsev muab povtseg lawm,
lub ntawd twb dhau los ua lub uas tseemceeb dua ntais lawm.
11Qhov no yog tus Tswv ua,
yog yam zoo kawg nkaus uas peb pom!’ ” #Nnkauj 118:22-23
12Cov Yudais cov thawjcoj yeej npajsiab yuav ntes Yexus tamsim ntawd, vim lawv paub tias Nws txhobtxwm piav zaj lus pivtxwv ntawd los tawmtsam lawv. Tiamsis lawv kuj ntshai cov neeg coob-coob ntawd, lawv txawm ciali khiav lawm.
Nug Txog Kev Them Se
(Mathais 22:15-22; Lukas 20:20-26)
13Lawv txib cov Falixais qeeleej thiab Helauj cov neeg qeeleej tuaj cuag Yexus thiab nug li ub li no seb Nws puas yuav hais txhaum. 14Lawv txawm nug hais tias, “Xibhwb, peb paub tias Koj yog ib tug neeg ncaj, Koj tsis xaiv leejtwg ntsejmuag thiab tsis tuaj leejtwg tog. Koj tsuas qhia qhov tseeb txog Vajtswv txojkev rau neeg xwb. Koj qhia rau peb seb, yog peb them se rau Xixas puas txhaum peb txoj kevcai los tsis txhaum? Puas tsimnyog peb them rau lawv thiab?”
15Tiamsis Yexus twb paub txog lawv tej tswvyim phem ntawd lawm, Nws thiaj teb lawv hais tias, “Nej tuaj sim Kuv ua dabtsi? Muab ib lub nyiaj los rau Kuv saib seb.”
16Lawv txawm muab ib lub nyiaj los rau Nws, ces Nws thiaj nug lawv hais tias, “Lub ntsejmuag thiab lub npe uas txaug rau hauv lub nyiaj no yog leejtwg lub?”
Lawv teb tias, “Yog Xixas lub.”
17Yexus thiaj hais tias, “Yam uas yog Xixas li ciali muab rau Xixas, thiab yam uas yog Vajtswv li ciali muab rau Vajtswv.”
Thaum lawv hnov Yexus teb li ntawd, lawv xav tsis thoob li.
Nug Txog Cov Neeg Tuag Uas Sawv Rovqab Los
(Mathais 22:23-33; Lukas 20:27-40)
18Cov Xadukais uas tsis ntseeg tias neeg yuav sawv hauv qhovtuag rovqab los, muaj qeeleej tuaj cuag Yexus thiab nug hais tias, #Teshl 23:8 19“Xibhwb, Mauxes sau txoj kevcai no qhia rau peb hais tias, ‘Yog ib tug txiv twg tuag thaum nws tus pojniam tseem tsis tau muaj menyuam, nws tus kwv yuavtsum yuav tus niamtij thiab muaj tubki rau tus tijlaug.’ #2Kev 25:5 20Zaumno, muaj xya leej kwvtij; tus tijlaug hlob yuav pojniam tiamsis tseem tsis tau muaj menyuam ces nws txawm tuag lawm. 21Tus kwv thib ob yuav tus niamtij ntawd, tsis tau muaj menyuam ces nws txawm tuag lawm. Tus kwv thib peb los kuj ua tibyam li ntawd thiab, 22tagnrho xya leej kwvtij uas yuav tus pojniam ntawd puavleej tuag huv tibsi thiab yeej tsis tau muaj menyuam li. Thaum kawg tus pojniam ntawd kuj tuag lawm thiab. 23Yogli ntawd, thaum txog hnub uas cov neeg tuag sawv rovqab los, tus pojniam ntawd yuav yog leejtwg tus pojniam? Rauqhov lawv xya leej puavleej tau yuav nws huv tibsi lawm.”
24Yexus teb tias, “Nej yuamkev lawm, rauqhov nej tsis paub Vajtswv tej Lus lossis Vajtswv lub hwjchim. 25Thaum cov neeg uas tuag lawm sawv rovqab los, lawv yuav zoo ib yam li cov timtswv uas nyob saum ntuj ceebtsheej, lawv yuav tsis sibyuav lawm. 26Hais txog qhov uas cov neeg tuag sawv rovqab los: nej tsis tau nyeem Mauxes phau ntawv ntu uas hais txog cov nplaimtaws uas cig ntawm tsob ntoo lov? Vajtswv hais rau Mauxes hais tias, ‘Kuv yog Anplahas tus Vajtswv, yog Ixaj tus Vajtswv, thiab yog Yakhauj tus Vajtswv,’ #Khiav 3:6 27Vajtswv tsis yog cov neeg tuag tus Vajtswv, tiamsis yog cov neeg ciaj tus Vajtswv. Nej yuamkev loj heev lawm lau!”
Nqe Kevcai Uas Tseemceeb Heev
(Mathais 22:34-40; Lukas 10:25-28)
28Muaj ib tug xibhwb uas qhia Kevcai nyob ntawd hnov lawv sibcav. Nws pom tias Yexus teb tau cov Xadukais zoo heev, nws txawm los nug Yexus hais tias, “Tagnrho cov kevcai, nqe twg yog nqe uas tseemceeb dua ntais huv tibsi?” #Lukas 10:25-28
29Yexus teb tias, “Thawj nqe uas tseemceeb dua ntais yog nqe no: ‘Cov neeg Yixalayees, nej ua tibzoo mloog! Tus Tswv uas yog peb tus Vajtswv, Nws tibleeg xwb thiaj yog tus Tswv.#12:29: Tus Tswv uas yog peb tus Vajtswv, nws tibleeg xwb thiaj yog tus Tswv; lossis Tus Tswv yog peb tus Vajtswv, tsuas muaj tibtug Tswv xwb. #2Kev 6:4-5 30Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg lajlim tswvyim, thiab kawg dag kawg zog.’ 31Nqe kevcai uas tseemceeb thib ob hais li no tias, ‘Koj yuavtsum hlub koj tus kwvtij zejzog ib yam li koj hlub koj tuskheej.’ Yeej tsis muaj dua lwm nqe kevcai uas yuav tseemceeb tshaj ob nqe no lawm.” #Levi 19:18
32Tus xibhwb uas qhia Kevcai teb Yexus hais tias, “Yog lawm, Xibhwb! Yeej muaj tseeb li Koj hais tiag, tsuas muaj tibtug Tswv uas yog Vajtswv xwb, yeej tsis muaj dua lwmtus vajtswv lawm. #2Kev 4:35 33Thiab koj yuav tau hlub Vajtswv kawg siab kawg ntsws, kawg lajlim tswvyim, thiab kawg dag kawg zog; thiab koj yuavtsum hlub koj tus kwvtij zejzog ib yam li koj hlub koj tuskheej. Qhov uas ua rawsli ob nqes kevcai no tseem tseemceeb dua li muab tej tsiaj tua theej txhoj, thiab muab khoom hlawv fij rau Vajtswv.” #Hauxe 6:6
34Yexus pom tias nws muaj tswvyim teb, ces Yexus txawm hais rau nws tias, “Koj nyob tsis deb Vajtswv lub Tebchaws lawm.”
Txij ntawd los tsis muaj leejtwg muaj cuabkav nug Yexus ntxiv li lawm.
Nug Txog Tus Mexiyas
(Mathais 22:41-46; Lukas 20:41-44)
35Thaum Yexus tabtom qhia hauv lub Tuamtsev, Nws nug hais tias, “Ua licas cov xibhwb uas qhia Kevcai hais tias, tus Mexiyas#12:35: Mexiyas; lossis Khetos. yog Daviv li cajces? 36Vaj Ntsujplig tus Dawbhuv tshoov Daviv siab, nws thiaj hais tias,
“ ‘Tus Tswv hais rau kuv tus Tswv hais tias:
Los zaum ntawm Kuv sab xis
mus txog thaum Kuv muab Koj cov yeebncuab los tso hauv Koj qab xibtaws.’ #Nnkauj 110:1
37Daviv twb hu Nws hais tias ‘Tus Tswv’; es yuav ua licas hais tau tias tus Mexiyas yog Daviv li cajces?”
Yexus Ceebtoom Txog Cov Xibhwb Uas Qhia Kevcai
(Mathais 23:1-36; Lukas 20:45-47)
Cov neeg coob-coob uas mloog Yexus qhia ntawd zoosiab kawg li. 38Yexus qhia lawv hais tias, “Nej yuavtsum ceevfaj txog cov xibhwb uas qhia Kevcai. Lawv nyiam hnav tej tsho ntev ncig mus ncig los rau ub rau no, thiab nyiam kom neeg hawm lawv tom tej kiab, 39lawv xaiv mus nyob tej rooj uas tseemceeb hauv tej tsev sablaj, thiab thaum muaj rooj noj rooj haus lawv nyiam zaum ntawm tej chaw samxeeb xwb. 40Lawv txhav cov pojntsuam tej vajtse yuav, thiab uatxuj thov Vajtswv ntev-ntev kom sawvdaws qhuas lawv. Lawv cov no yuav raug txim hnyav tshajplaws!”
Tus Pojntsuam Tso Nyiaj
(Lukas 21:1-4)
41Yexus nyob ze rau ntawm lub thawv tso nyiaj hauv lub Tuamtsev, Nws saib cov neeg uas coj lawv tej nyiaj tuaj tso. Muaj ntau tus neeg npluanuj tso nyiaj ntau kawg li; 42thaum ntawd muaj ib tug pojntsuam pluag-pluag tuaj thiab muab ob lub nyuag txiaj toog liab me-me uas raug nqi li ib lub nyuag npib liab tuaj tso rau hauv. 43Yexus txawm hu Nws cov thwjtim los thiab hais rau lawv tias, “Kuv qhia tseeb rau nej hais tias, tus pojntsuam uas pluag-pluag no tseem tso nyiaj rau hauv lub thawv ntau dua lwmtus huv tibsi. 44Rauqhov lwmtus muab tej nyuag uas seem ntawm lawv txoj kev npluanuj tuaj tso xwb; tiamsis tus pojniam no txawm yog nws twb pluag npaum li ntawd los nws tseem muab tagnrho tej uas nws muaj, nws muab kiag qhov nyiaj uas yug nws txojsia tuaj tso.”
© 2022 United Bible Societies. All rights reserved.