Иаков 4
4
Христианнар үргүлчү Бурганга чагыртыр ужурлуг
1Араңарга адаан-өжээн болгаш алгыш-кырыш чүден тыптырыл? Амыдыралыңарга тергиидеп үнер, боттарыңарга таалал чедириксээр күзээшкиннериңерден эвес бе?#1 Пет. 2:11
2Бир-ле чүвени аажок күзээш, холга киирип чадаар силер, оон-на кижи өлүреринге-даа белен боор силер. Аажок алыксааш, дөмей-ле ону чедип албас силер, ынчангаш алгыжып-кыржып, демисежип үнер силер.
Бургандан дилевес болгаш, күзээн чүвеңерни албас силер. 3А дилээш-даа, дөмей-ле албас силер. Чүге дээрге алган чүүлүңерниң төдүзүн бак сагыш-биле – чүгле таалалдарыңар хандырып, төтчеглээр дээш дилеп турар силер#У. ч. 10:3. 4Самыыраан өскерликчилер!#Иер. 3:8; 31:22; Иез. 16:32; Ос. 5:7 Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар#Ин. 15:19; 1 Ин. 2:15; Рим. 8:7. 5Азы силерниң бодалыңар-биле Бижилгениң: «Бурганның бистиң-биле кады чурттадып кааны Сүлдениң#1 Кор. 6:19 биске ынакшылы аажок хүннээчел»#4:5 Азы: «Бурганның иштивиске чаяап кааны сагыш-сеткилди дошкун күзээшкиннер бүргээн». – деп турары хоозун сөстер боор бе? 6Ынчалза-даа Бурган ооң-биле чергелештир биске улам хөй ээ көрүүшкүнүн хайырлап турар. Ынчангаш Бижилгеде:
«Бурган адыыргак улуска удурланыр,
а томаарааннарга ээ көрүүшкүнүн хайырлаар» #
У. ч. 3:34; 1 Пет. 5:5 деп чугаалаан.
7А ындыг болганда, Бурганга чагыртыңар, эрликке удур туржуңар, ол ынчан силерден дезе бээр#1 Пет. 5:8-9; Эф. 4:27. 8Бурганче чоокшулаңар, Ол база силерже чоокшулап кээр#2 Чыл. 15:2; Ыд. ыр. 72:28. Бачыттыг улус, холуңар чуп алыңар. Ийи сагыштыглар#Иак. 1:7-8, чүректериңер арыглаңар#Ыд. ыр. 50:4; Иса. 1:16; Иер. 4:14. 9Кажыыдаңар, ыглап-сыктаңар база кудараңар. Каттырарының орнунга, ыглажыңар, амыраарының орнунга, муңгараңар. 10Дээрги-Чаяакчының мурнунга томаарыңар, Ол ынчан силерни өрү көдүрер#Иса. 57:15.
Бурганга бүзүрээн өске улусту шиитпеңер
11Ха-дуңма, удур-дедир бак сөглешпеңер. Бодунуң эжин бак сөглээр азы буруу шавар кижи ыдыктыг хоойлуну бак сөглээни азы буруу шапканы ол боор#Рим. 14:4, 10. А ыдыктыг хоойлуну буруу шаап турар болзуңза, ооң күүседикчизи эвес, а шииткекчизи сен. 12Хоойлу Берикчизи болгаш Шииткекчи#Иак. 5:9 – чүгле чаңгыс, чүгле Ол камгалап азы чок кылып шыдаар#Лк. 12:5. Чаныңда кижини шиидер мен дээр хире сен чогум кым сен?#Мф. 7:1
Тураның бичези херек
13«Бөгүн азы даарта бир-ле хоорайже чоруптаалы. Аңаа бир чыл чурттааш, садыг-саймаа кылып, хөй ажык-кончаалыг болуулу» – деп чугаалаар хамык улус, мени дыңнаңарам. 14Амыдыралыңар соң-даарта канчап баарын безин билбес-тир силер#У. ч. 27:1; Лк. 12:18-20. Амыдыралыңар деп чүл ол? Хензиг када көзүлгеш, оон эстип чиде бээр туман-дыр#Ыд. ыр. 101:4. 15Ооң орнунга: «Дээрги-Чаяакчы күзээр болза, ам-даа амыдыраар бис, ону азы мону кылып четтигиптер бис» – деп чугаалап чоруңар#Аж.-ч. 18:21. 16А силер ам тураңар улуундан менээргенир-дир силер: ындыг менээргениишкин бүрүзү – бузут-тур! 17Ынчангаш канчаар буян кылырын билир, ынчалза-даа кылбас кижи – бачыт үүлгеткен дээш буруулуг!#Ин. 9:41
© Институт перевода Библии, Москва, 2011