Anhyrɛmɛ̀n timote 4
4
1Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n: 2ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn. 3Ɔmuhi ɛnvra kɛ lɛ và, kɩ anwrɔn ke sɩ̀ vru shrì kè die ankà-yé annanwɔrɛ ankà nukùɛ, tɛ́n yɔ lɛ kɛ́n yɔ dùku y'ankàtro ci-hán ɛsɛ̀n, kɩ yɔ le bɩ́ ankà-yé-bɔ̀ fɛcüè tɔ̀n yɔ gbrɛ̀nkɛn ɔmùan, kɩ kɛ lɛ dɔ́ yɔ ankà léyi yɔ cüɛ̀n, yɔ ji yɔ yá nɔn. 4Yɔ lɛ sî yɔ nukù hɔ̀n lɔ, ankà annanwɔrɛ yá mɛ̀n, ô yɔ díe odùgɔ́n ankà-dɔ̀ hɔ̀n lɔ nukùɛ. 5Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.
6Tɛ́n mɛ tɛn, mɛ̀n krɔn kpehɛ́n, ô ye sɩ́ mɛ̀n ewri-yri; ɛnvra léyi ke ji le mɛ̀n tán ɛnhibù ndɔ lɔ m'ɛyri-hɔ̀n binyan nɔn ncɔa. 7Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n. 8Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.
M'ankà-dɔ̀ tán
9Ɛ̀ hán kekrèmɛ̀n ɛ̀ và cɔ́ mɛ̀n ɛnvra bruemɛ̀n. 10Ɔmuhi Demasɛ̀n teze mɛ̀n, kɩ nɛ̀n zeze nɛ̀n ẅɛn ɛnhibù ndɔ lɔ ci hɔ̀n cüɛ̀n; nɛ́n hɔ́n Tɛsalonikɛ̀n anmàn. Krɛsàn hɔ́n Galasi kpɔsɔ wú kɩ Titɛ̀n tɛn hɔ́n Dalmasi kpɔsɔ wú. 11Lükɛ̀n zri kɩ cɔ́ mɛ̀n mɛhi bɔ̀ yɛ́. È bɩ́ Markɛ̀n mɛhi nyɛ́n và, ɔmuhi nɛ lɛ wá mɛ̀n ɛkɔrɛ̀ tɛ̀ m'ɔkɔ̀hɔ̀n lɔ mɛ̀n nɔn. 12Mɛ̀n hán Tishikɛ̀n hɔ́n Efɛzɛ̀n anmàn. 13Ɛnvra léyi ɛ lɛ và nɔn, è bɩ́ m'ɛceci-she léyi mɛ́n teze Troasɛ̀n anmàn Karpüsɛ̀n nanvrɛn nɔn, ɛ̀ và sɩ́ mɛ̀n; è bɩ́ ɛwrú hɔ̀n lɔ mán ɛ̀ và, annànnàn le yɔ hɔ̀n léyi ye merɛ́n ɔnɔ̀n wrú wú nɔn.
14Ɛcigbrɔ̀-shé-wrɔn Alɛksandrɛ̀n hán eci gbàngbàn m'ɛtɛ̀sɛ̀n; Ɛẅɛnwrɔn ke le di nɛ̀n ɔwɔ̀ɛn eci léyi nɛ̀n hán nɔn hɩ wú. 15Vɛ́n mán ɛ̀ wá n'ankà esùva, ɔmuhi nɛ̀n kɛ́n b'ankà-yé lɔ ezì ɛgbàn-diemɛ̀n nɔn.
16Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ! 17Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́. 18Ɛẅɛnwrɔn ke le vru kè bɩ́ mɛ̀n kè die, kɩ nɛ lɛ hán mɛ̀n me le bru anwɔwɔ mɛ̀n, n'Anhobɩ́ Nɛ̀ncüì-dúyri lɔ. Ɛmrɛ́n kè dú nɛ tɛn ɛnvra lɔ fɛn! Kè dú ɔmu lɔ.
Ɛmɛẅitrɔ binyan
19Ebinyan dú Prisilɛ̀n mán Akilasɛ̀n tɛn, ɔmu zri lɔ de dú Onesifɔrɛ̀n mɛ̀n mɛ̀n bɔ̀ tɛn nɔn. 20Erastɛ̀n yɛ́ Korɛntɛ̀n anmàn, kɩ mɛ́n teze Trofimɛ̀n Milɛ anmàn, ɔmuhi ɔwɔrɔ̀ dú nɛ̀n edomɛ̀n nɔn. 21Ɛ̀ hán kèkrèmɛ̀n ɛ̀ và yakɛ kɛ̀ cɔ́ ɔwɔrɔ vra lɔ.
Ebülüsɛ̀n, Püdansɛ̀n, Linüsɛ̀n, Klodia mán anwrɔn nɛ́n-muan-ẅì hɔ̀n ndɔ hɔ̀n lɔ fɛn ke yüre mɛ́n y'ebinyan.
22Ɛẅɛnwrɔn kɛ̀ cɔ́ vɛ́n mɛhi nyɛ́n dù.
Ɔwɔ boafɔ̀n kɛ̀ cɔ́ nyɛ̀n mɛhi nyɛ́n dù.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Anhyrɛmɛ̀n timote 4
4
1Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n: 2ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn. 3Ɔmuhi ɛnvra kɛ lɛ và, kɩ anwrɔn ke sɩ̀ vru shrì kè die ankà-yé annanwɔrɛ ankà nukùɛ, tɛ́n yɔ lɛ kɛ́n yɔ dùku y'ankàtro ci-hán ɛsɛ̀n, kɩ yɔ le bɩ́ ankà-yé-bɔ̀ fɛcüè tɔ̀n yɔ gbrɛ̀nkɛn ɔmùan, kɩ kɛ lɛ dɔ́ yɔ ankà léyi yɔ cüɛ̀n, yɔ ji yɔ yá nɔn. 4Yɔ lɛ sî yɔ nukù hɔ̀n lɔ, ankà annanwɔrɛ yá mɛ̀n, ô yɔ díe odùgɔ́n ankà-dɔ̀ hɔ̀n lɔ nukùɛ. 5Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.
6Tɛ́n mɛ tɛn, mɛ̀n krɔn kpehɛ́n, ô ye sɩ́ mɛ̀n ewri-yri; ɛnvra léyi ke ji le mɛ̀n tán ɛnhibù ndɔ lɔ m'ɛyri-hɔ̀n binyan nɔn ncɔa. 7Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n. 8Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.
M'ankà-dɔ̀ tán
9Ɛ̀ hán kekrèmɛ̀n ɛ̀ và cɔ́ mɛ̀n ɛnvra bruemɛ̀n. 10Ɔmuhi Demasɛ̀n teze mɛ̀n, kɩ nɛ̀n zeze nɛ̀n ẅɛn ɛnhibù ndɔ lɔ ci hɔ̀n cüɛ̀n; nɛ́n hɔ́n Tɛsalonikɛ̀n anmàn. Krɛsàn hɔ́n Galasi kpɔsɔ wú kɩ Titɛ̀n tɛn hɔ́n Dalmasi kpɔsɔ wú. 11Lükɛ̀n zri kɩ cɔ́ mɛ̀n mɛhi bɔ̀ yɛ́. È bɩ́ Markɛ̀n mɛhi nyɛ́n và, ɔmuhi nɛ lɛ wá mɛ̀n ɛkɔrɛ̀ tɛ̀ m'ɔkɔ̀hɔ̀n lɔ mɛ̀n nɔn. 12Mɛ̀n hán Tishikɛ̀n hɔ́n Efɛzɛ̀n anmàn. 13Ɛnvra léyi ɛ lɛ và nɔn, è bɩ́ m'ɛceci-she léyi mɛ́n teze Troasɛ̀n anmàn Karpüsɛ̀n nanvrɛn nɔn, ɛ̀ và sɩ́ mɛ̀n; è bɩ́ ɛwrú hɔ̀n lɔ mán ɛ̀ và, annànnàn le yɔ hɔ̀n léyi ye merɛ́n ɔnɔ̀n wrú wú nɔn.
14Ɛcigbrɔ̀-shé-wrɔn Alɛksandrɛ̀n hán eci gbàngbàn m'ɛtɛ̀sɛ̀n; Ɛẅɛnwrɔn ke le di nɛ̀n ɔwɔ̀ɛn eci léyi nɛ̀n hán nɔn hɩ wú. 15Vɛ́n mán ɛ̀ wá n'ankà esùva, ɔmuhi nɛ̀n kɛ́n b'ankà-yé lɔ ezì ɛgbàn-diemɛ̀n nɔn.
16Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ! 17Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́. 18Ɛẅɛnwrɔn ke le vru kè bɩ́ mɛ̀n kè die, kɩ nɛ lɛ hán mɛ̀n me le bru anwɔwɔ mɛ̀n, n'Anhobɩ́ Nɛ̀ncüì-dúyri lɔ. Ɛmrɛ́n kè dú nɛ tɛn ɛnvra lɔ fɛn! Kè dú ɔmu lɔ.
Ɛmɛẅitrɔ binyan
19Ebinyan dú Prisilɛ̀n mán Akilasɛ̀n tɛn, ɔmu zri lɔ de dú Onesifɔrɛ̀n mɛ̀n mɛ̀n bɔ̀ tɛn nɔn. 20Erastɛ̀n yɛ́ Korɛntɛ̀n anmàn, kɩ mɛ́n teze Trofimɛ̀n Milɛ anmàn, ɔmuhi ɔwɔrɔ̀ dú nɛ̀n edomɛ̀n nɔn. 21Ɛ̀ hán kèkrèmɛ̀n ɛ̀ và yakɛ kɛ̀ cɔ́ ɔwɔrɔ vra lɔ.
Ebülüsɛ̀n, Püdansɛ̀n, Linüsɛ̀n, Klodia mán anwrɔn nɛ́n-muan-ẅì hɔ̀n ndɔ hɔ̀n lɔ fɛn ke yüre mɛ́n y'ebinyan.
22Ɛẅɛnwrɔn kɛ̀ cɔ́ vɛ́n mɛhi nyɛ́n dù.
Ɔwɔ boafɔ̀n kɛ̀ cɔ́ nyɛ̀n mɛhi nyɛ́n dù.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.