Titɛ̀n 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn.
Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú, 2ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru; 3ɛnvra léyi nɛ̀n wá nɔn, nɛ̀n hán tán bɔ́ nyri n'ankà-dɔ̀ léyi nɛ̀n tán mɛ̀n, ô mɛ̀n sɩ́ ɔmùan ɛwú n'ɛkɔrɛ̀levri mɛ̀n, mɛ̀n dɔ̀, nɛ́n léyi nɛ̀n dú b'Ɔwɔ mán bɔ́ Ebɩdie-wrɔn nɔn.
4Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.
Ɔkɔ̀hɔ̀n léyi yɛ tán Titɛ̀n Krɛtɛ̀n kpɔsɔ wú nɔn
5Mɛ́n teze mɛ́n Krɛtɛ̀n kpɔsɔ wú, ô ɛ̀ bɔ̀sɔ ɛci hɔ̀n léyi wɔrɔ, hɩ yɛ vá hán nɔn, ô ɛ̀ hɛ́n Ɔwɔ-cüìcüì-bɔ̀, anmàn cüìcüì hɔ̀n lɔ fɛn mɛ̀n. È kro v'edomɛ̀n ankà hɔ̀n lɔ fɛn léyi mɛ̀n dɔ́ mɛ́n nɔn: 6Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n. 7Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn. 8Ke ji le nɛ̀n nyrì ẅɛn nɛ̀nnyàn-bɔ̀, ô nɛ̀n ji eci léyi zrɔ nɔn. Ke ji le nɛ̀n ẅɛn ankà-nyrì, nɛ̀n dú ɛnyrɔnnan-wrɔn, nɛ̀n dú prɔnprɔn, ô nɛ̀n nyrì ẅɛn n'edomɛ̀n. 9Ke ji le nɛ̀n ẅɛn ɛshishiemɛ̀n ɛmɛẅi ankà léyi dú ankàẅì-bùtan ci nɔn nɛ̀n hɛ́n, kè dù kɛ hán Ɔwɔ kɔ̀hɔ̀n léyi nɛ́n cɔ̀ nɔn. Ɔmu lɔ de ne le yɩ́ anwrɔn nyàntɛn hɔ̀n edù ankà annànwɔrɛ yé mɛ̀n kɩ, ne le yé anwrɔn hɔ̀n léyi kɛ kɛ́n nɛ̀n ezì nɔn, y'ɛzɛ̀n ci-hán.
10Annànwɔrɛ mɛ̀n lɔ yɔ dú bobrebe, annànnàn le Zhüifɛ̀n-bɔ̀ léyi srɔ Zhezü krisì sɛ̀nkɛn-bɔ̀ hɩ kɛ kɛ́n Ɔwɔ-mùan-ankà-dɔ̀ ezì, kɩ kɛ frɛ́n anwrɔn nyàntɛn hɔ̀n y'ankà-gbàngbàn-dɔ́ mɛ̀n. 11Ke ji le yɔ kɛ́n yɔ ankà-dɔ̀ anmùan mɛ̀n yɔ hɛ́n, ɔmuhi yɔ jrɛ́ ɛmɛ̀n bobrebe ɛnkruemɛ̀n kɩ yɔ yé ankà léyi ke sɩ́ ji le yɔ yé nɔn, kɩ yɔ hán ndɔ lɔ ɔkùa-yerɛ kɔ̀hɔ̀n kruhú. 12Krɛtɛ̀n kpɔsɔ wú wrɔn tɔ̀n dú nɛ̀n, nɛ́n dú Ɔwɔ-mùanwú-ankà-dɔ́-wrɔn tɔ̀n, kɩ nɛ́n dɔ̀ le: “Krɛtɛ̀n kpɔsɔ wú bɔ̀ dú ɛnvra lɔ fɛn anhyɔ̀n-bɔ̀, ye dú annɔ̀n hɔ̀n léyi kɛ hán anbɔrɛci, ye dú ɛjɛ-bɔ̀ léyi ɛci-zî ankà kɩ ke tro nɔn.” 13Kɩ ankà ndɔ léyi nɛ dɔ̀ nɔn dú annànwɔrɛ. Hɩ le kruhú de ke ji le ɛ̀ dɔ́ yɔ ankà ɛshishiemɛ̀n, ô yɔ ẅɛn ankàẅì-bùtan annànwɔrɛ, 14ô ye bɩ́ vru bɩ́ Zhüifɛ̀n-bɔ̀ ɛyɔ̀n-dùgɔn-ankà mán anwrɔnẅì nyànmàn hɔ̀n léyi crɛ́ ejüi sɔ́n annànwɔrɛ ankà nɔn. 15Eci lɔ fɛn nfi tán anwrɔn hɔ̀n léyi nfì nɔn; tɛ́n efì bàdà anwrɔn hɔ̀n léyi ɛnbrá dú edomɛ̀n, hɩ kè sɩ̀ ẅɛ̀n ankàẅì-bùtan, ɔmuhi y'ɛnkruemɛ̀n-ẅɛ̀n mán yɔ wàwúyɛ dú ɛnbrá mɛ̀n nɔn. 16Yɔ dɔ̀ le yɔ nyri Ɔwɔ, tɛ́n y'eci-hán ke yé eci nyàntɛn. Yɔ hán egbri ci, yɔ sɩ́ crɔn rɔa kɩ yɔ sɩ́ hán eci ankrànkràn zriɛmɛ́n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Titɛ̀n 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn.
Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú, 2ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru; 3ɛnvra léyi nɛ̀n wá nɔn, nɛ̀n hán tán bɔ́ nyri n'ankà-dɔ̀ léyi nɛ̀n tán mɛ̀n, ô mɛ̀n sɩ́ ɔmùan ɛwú n'ɛkɔrɛ̀levri mɛ̀n, mɛ̀n dɔ̀, nɛ́n léyi nɛ̀n dú b'Ɔwɔ mán bɔ́ Ebɩdie-wrɔn nɔn.
4Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.
Ɔkɔ̀hɔ̀n léyi yɛ tán Titɛ̀n Krɛtɛ̀n kpɔsɔ wú nɔn
5Mɛ́n teze mɛ́n Krɛtɛ̀n kpɔsɔ wú, ô ɛ̀ bɔ̀sɔ ɛci hɔ̀n léyi wɔrɔ, hɩ yɛ vá hán nɔn, ô ɛ̀ hɛ́n Ɔwɔ-cüìcüì-bɔ̀, anmàn cüìcüì hɔ̀n lɔ fɛn mɛ̀n. È kro v'edomɛ̀n ankà hɔ̀n lɔ fɛn léyi mɛ̀n dɔ́ mɛ́n nɔn: 6Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n. 7Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn. 8Ke ji le nɛ̀n nyrì ẅɛn nɛ̀nnyàn-bɔ̀, ô nɛ̀n ji eci léyi zrɔ nɔn. Ke ji le nɛ̀n ẅɛn ankà-nyrì, nɛ̀n dú ɛnyrɔnnan-wrɔn, nɛ̀n dú prɔnprɔn, ô nɛ̀n nyrì ẅɛn n'edomɛ̀n. 9Ke ji le nɛ̀n ẅɛn ɛshishiemɛ̀n ɛmɛẅi ankà léyi dú ankàẅì-bùtan ci nɔn nɛ̀n hɛ́n, kè dù kɛ hán Ɔwɔ kɔ̀hɔ̀n léyi nɛ́n cɔ̀ nɔn. Ɔmu lɔ de ne le yɩ́ anwrɔn nyàntɛn hɔ̀n edù ankà annànwɔrɛ yé mɛ̀n kɩ, ne le yé anwrɔn hɔ̀n léyi kɛ kɛ́n nɛ̀n ezì nɔn, y'ɛzɛ̀n ci-hán.
10Annànwɔrɛ mɛ̀n lɔ yɔ dú bobrebe, annànnàn le Zhüifɛ̀n-bɔ̀ léyi srɔ Zhezü krisì sɛ̀nkɛn-bɔ̀ hɩ kɛ kɛ́n Ɔwɔ-mùan-ankà-dɔ̀ ezì, kɩ kɛ frɛ́n anwrɔn nyàntɛn hɔ̀n y'ankà-gbàngbàn-dɔ́ mɛ̀n. 11Ke ji le yɔ kɛ́n yɔ ankà-dɔ̀ anmùan mɛ̀n yɔ hɛ́n, ɔmuhi yɔ jrɛ́ ɛmɛ̀n bobrebe ɛnkruemɛ̀n kɩ yɔ yé ankà léyi ke sɩ́ ji le yɔ yé nɔn, kɩ yɔ hán ndɔ lɔ ɔkùa-yerɛ kɔ̀hɔ̀n kruhú. 12Krɛtɛ̀n kpɔsɔ wú wrɔn tɔ̀n dú nɛ̀n, nɛ́n dú Ɔwɔ-mùanwú-ankà-dɔ́-wrɔn tɔ̀n, kɩ nɛ́n dɔ̀ le: “Krɛtɛ̀n kpɔsɔ wú bɔ̀ dú ɛnvra lɔ fɛn anhyɔ̀n-bɔ̀, ye dú annɔ̀n hɔ̀n léyi kɛ hán anbɔrɛci, ye dú ɛjɛ-bɔ̀ léyi ɛci-zî ankà kɩ ke tro nɔn.” 13Kɩ ankà ndɔ léyi nɛ dɔ̀ nɔn dú annànwɔrɛ. Hɩ le kruhú de ke ji le ɛ̀ dɔ́ yɔ ankà ɛshishiemɛ̀n, ô yɔ ẅɛn ankàẅì-bùtan annànwɔrɛ, 14ô ye bɩ́ vru bɩ́ Zhüifɛ̀n-bɔ̀ ɛyɔ̀n-dùgɔn-ankà mán anwrɔnẅì nyànmàn hɔ̀n léyi crɛ́ ejüi sɔ́n annànwɔrɛ ankà nɔn. 15Eci lɔ fɛn nfi tán anwrɔn hɔ̀n léyi nfì nɔn; tɛ́n efì bàdà anwrɔn hɔ̀n léyi ɛnbrá dú edomɛ̀n, hɩ kè sɩ̀ ẅɛ̀n ankàẅì-bùtan, ɔmuhi y'ɛnkruemɛ̀n-ẅɛ̀n mán yɔ wàwúyɛ dú ɛnbrá mɛ̀n nɔn. 16Yɔ dɔ̀ le yɔ nyri Ɔwɔ, tɛ́n y'eci-hán ke yé eci nyàntɛn. Yɔ hán egbri ci, yɔ sɩ́ crɔn rɔa kɩ yɔ sɩ́ hán eci ankrànkràn zriɛmɛ́n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.