Roma 5
5
Uneki u ka̱ɗu u tuka̱i m ma̱za̱nga̱
1Ka̱shile ko bonoko tsu ta̱ derere adama a uneki u ka̱ɗu u tsu. Gogo na ci ciya̱ ta̱ ma̱ta̱na̱ n Ka̱shile, adama a ili i na Yesu Kishi Vuzagbayin vu tsu u yaꞋankai tsu. 2U la̱nsa̱ka̱ tsu ta̱ uye, ciya̱ tsu uwa a kasingai ka̱ Ka̱shile adama a na tsu ushuku ta̱ n Kishi. Ci ta̱ kpamu a̱ ma̱za̱nga̱ adama a na ci ta̱ feu punu a tsugbayin tsu Ka̱shile. 3Ci baci n atakaci ci ta̱ feu m ma̱za̱nga̱, adama a na ci yeve ta̱ atakaci a nam pa a tsu zuwa tsu ta̱ tsu lulukpa̱. 4Ɗa kululukpa̱ ku tsu ku zuwai a̱ɗu a̱ tsu a tsurakpai, ɗa utsurakpi u na ci n u ɗa u tuka̱i tsu n a̱pa̱Ꞌa̱. 5Ci baci n a̱pa̱Ꞌa̱ tsu nam pa, a ɗa e kuneke tsu wono ba. Ili i nam pa ra̱ka̱ i yaꞋan ta̱ nannai adama a na Ka̱shile ke neke tsu ta̱ ɗe Ayinviki a̱ Ka̱shile, vuza na u tsu shatangu a̱ɗu a̱ tsu n ucigi u ni.
6Kishi ka̱ kuwa̱ ta̱ adama a̱ tsu a ayin a na tsu kpa̱ɗa̱i kufuɗa kuɓa̱nka̱ ka̱ci ka̱ tsu, ko a na ci aza a unushi. 7Ili i ɗevu i ɗa ba, vuza u kuwa̱ adama a na wi isa wuma u vuza na u tsu tono Wila̱ mayin. Amma u gaꞋan ba, vuza yoku wi ta̱ a̱ kushuku kukuwa̱ adama a na wi isa wuma u vuza na wi m ma̱riki mayun. 8Amma Ka̱shile ko yotsongu ta̱ ucigi u ni ka̱u wa̱ tsu ana u suki Kishi u kuwa̱ adama a̱ tsu, a̱tsu biꞋi aza a unushi.
9Gogo na Ka̱shile ke kece tsu ta̱ tsa aza a na o okpoi m ma̱riki adama a mpasa n Kishi, ci yeve ta̱ kpamu wi ta̱ a kisa tsu a̱ ubuta̱ wu wupa u Ka̱shile. 10Ali n ayin a na ci ishi irala i Ka̱shile, u zuwai tsu tso okpo a̱ja̱Ꞌa̱ a̱ ni, adama a na Maku ma̱ ni ma̱ kuwa̱ ta̱ adama a̱ tsu. Gogo na a na ci a̱ja̱Ꞌa̱ a̱ Ka̱shile, ci yeve ta̱ mayun ɗa a na wi a kisa tsu adama a̱ ubuta̱ u wuma u Maku ma̱ ni. 11Nannai ɗa kpamu koci ba, amma ci yaꞋan ta̱ ma̱za̱nga̱ adama a ili i na Ka̱shile ka yaꞋin adama a Vuzagbayin vu tsu Yesu Kishi, vuza na gogo na u bonokoi tsu a̱ja̱Ꞌa̱ a̱ Ka̱shile.
A̱da̱mu n Kirisiti Kishi
12Unushi u uwa ta̱ a aduniyan adama a ili i na vuma vi te u yaꞋin, ɗa unushi u tuka̱i n ukpa̱. Na va ɗaɗa ili i na i zuwai yaba dem u kukuwa̱, adama a na yaba dem u nusa ta̱. 13Unushi wi ta̱ lo a aduniyan kafu Ka̱shile ke neke Wila̱. Ka̱shile ka ciɓasa n unushi a ayin a nan lo ba, adama a na Wila̱ wi lo ba. 14Punu a ayin a̱ A̱da̱mu ali a kubana a ayin a Musa, Ka̱shile ke neke uma wila̱ ba. A̱da̱mu u iwain ili i na Ka̱shile ka danai ni, amma uma a na a buwai a fuɗa a̱ la̱nga̱sa̱ ili i na i kpa̱ɗa̱i kuyaꞋan lo ba. Amma n nannai dem ra̱ka̱ vi le a̱ kuwa̱i. N ci yoku A̱da̱mu wi ta̱ ci Kirisiti Kishi vuza na u ta̱wa̱i n ka̱ca̱pa̱.
15Amma ele aza e re a, vi te ɗa i ba, adama a na kuneꞋe ku gbani ku Ka̱shile ki tsu unushi wa̱ A̱da̱mu ba. Mayun ɗa uma n a̱bunda̱i a̱ kuwa̱i adama a unushi u vuma vi te vu nan lo. Amma kasingai ka̱ Ka̱shile ka laꞋa ta̱ na lo m gbayin, nannai ɗa uma n a̱bunda̱i a isai kuneꞋe ku Ka̱shile a̱ ubuta̱ u kasingai ka vuma vi te, a̱yi ɗa Yesu Kishi. 16Ili i na vuza u kuciya̱ gbani punu asuvu e kuneꞋe ku Ka̱shile, yi ta̱ kau n ili i na vuza u kuciya̱ punu asuvu a̱ unushi u vuza te vu nan lo va.
Ana A̱da̱mu u yaꞋin unushi, Ka̱shile ka yaꞋan ta̱ afada ɗa ka takacikai uma. Amma Ka̱shile ku ushuku ta̱ n a̱tsu adama e kuneꞋe ku kasingai ku ni, ko ana ci yain unushi n a̱bunda̱i. 17Unushi u vuma vi te vu nam pa, A̱da̱mu, u zuwa ta̱ ukpa̱ u lyaꞋi tsugono wa̱ tsu. Amma ili i na Yesu Kirisiti Kishi u yaꞋin i laꞋa ta̱ na lo ka̱u. Ka̱shile ke neke tsu ta̱ kasingai ka̱ ni ka̱u, ɗa u zuwai tsu tso okpo aza a̱ usuɓi u Yesu. Adama a nannai kpamu, ci ta̱ a̱ kuciya̱ wuma ka̱ta̱ ci lyaꞋa tsugono a̱ ubuta̱ wu ukpa̱.
18Unushi u te wa̱ A̱da̱mu u tuka̱i n atakaci a̱ ukpa̱ u uma ra̱ka̱. Tsu nan lo kpamu, ili i singai i te i na Kirisiti Kishi u yaꞋin i bonokoi uma o okpoi aza a̱ usuɓi n Ka̱shile. Na lo ɗaɗa ta na u tuka̱i n wuma u mayun a kubana u uma ra̱ka̱. 19A̱da̱mu u tono Ka̱shile ba, n tsu nannai ɗa ta na u zuwai uma n a̱bunda̱i o okpoi aza a unushi. Amma Yesu u tono ta̱ Ka̱shile, wi ta̱ kpamu a kuzuwa uma n a̱bunda̱i o okpo aza a̱ usuɓi.
20Ka̱shile ke neke ta̱ Wila̱ adama a na uma ra̱ka̱ a̱ ciya̱ e ene uteku u na ishi n unushi. Amma ana uma i o kudoku n unushi, Ka̱shile tamkpamu o kudoku n kasingai ka̱ ni. 21Unushi u lyaꞋa ta̱ tsugono u uma ra̱ka̱, ɗa u tuka̱i le n ukpa̱. N tsu nan lo gogo na, kasingai ka̱ Ka̱shile ki a kulyaꞋa tsugono, ɗa kpamu wu ushuki n a̱tsu adama e Yesu Kishi Vuzagbayin vu tsu. Ɗa na va u tuka̱i tsu n wuma u babu uteku.
© 2012 Wycliffe Bible Translators, Inc. All rights reserved
Roma 5
5
Uneki u ka̱ɗu u tuka̱i m ma̱za̱nga̱
1Ka̱shile ko bonoko tsu ta̱ derere adama a uneki u ka̱ɗu u tsu. Gogo na ci ciya̱ ta̱ ma̱ta̱na̱ n Ka̱shile, adama a ili i na Yesu Kishi Vuzagbayin vu tsu u yaꞋankai tsu. 2U la̱nsa̱ka̱ tsu ta̱ uye, ciya̱ tsu uwa a kasingai ka̱ Ka̱shile adama a na tsu ushuku ta̱ n Kishi. Ci ta̱ kpamu a̱ ma̱za̱nga̱ adama a na ci ta̱ feu punu a tsugbayin tsu Ka̱shile. 3Ci baci n atakaci ci ta̱ feu m ma̱za̱nga̱, adama a na ci yeve ta̱ atakaci a nam pa a tsu zuwa tsu ta̱ tsu lulukpa̱. 4Ɗa kululukpa̱ ku tsu ku zuwai a̱ɗu a̱ tsu a tsurakpai, ɗa utsurakpi u na ci n u ɗa u tuka̱i tsu n a̱pa̱Ꞌa̱. 5Ci baci n a̱pa̱Ꞌa̱ tsu nam pa, a ɗa e kuneke tsu wono ba. Ili i nam pa ra̱ka̱ i yaꞋan ta̱ nannai adama a na Ka̱shile ke neke tsu ta̱ ɗe Ayinviki a̱ Ka̱shile, vuza na u tsu shatangu a̱ɗu a̱ tsu n ucigi u ni.
6Kishi ka̱ kuwa̱ ta̱ adama a̱ tsu a ayin a na tsu kpa̱ɗa̱i kufuɗa kuɓa̱nka̱ ka̱ci ka̱ tsu, ko a na ci aza a unushi. 7Ili i ɗevu i ɗa ba, vuza u kuwa̱ adama a na wi isa wuma u vuza na u tsu tono Wila̱ mayin. Amma u gaꞋan ba, vuza yoku wi ta̱ a̱ kushuku kukuwa̱ adama a na wi isa wuma u vuza na wi m ma̱riki mayun. 8Amma Ka̱shile ko yotsongu ta̱ ucigi u ni ka̱u wa̱ tsu ana u suki Kishi u kuwa̱ adama a̱ tsu, a̱tsu biꞋi aza a unushi.
9Gogo na Ka̱shile ke kece tsu ta̱ tsa aza a na o okpoi m ma̱riki adama a mpasa n Kishi, ci yeve ta̱ kpamu wi ta̱ a kisa tsu a̱ ubuta̱ wu wupa u Ka̱shile. 10Ali n ayin a na ci ishi irala i Ka̱shile, u zuwai tsu tso okpo a̱ja̱Ꞌa̱ a̱ ni, adama a na Maku ma̱ ni ma̱ kuwa̱ ta̱ adama a̱ tsu. Gogo na a na ci a̱ja̱Ꞌa̱ a̱ Ka̱shile, ci yeve ta̱ mayun ɗa a na wi a kisa tsu adama a̱ ubuta̱ u wuma u Maku ma̱ ni. 11Nannai ɗa kpamu koci ba, amma ci yaꞋan ta̱ ma̱za̱nga̱ adama a ili i na Ka̱shile ka yaꞋin adama a Vuzagbayin vu tsu Yesu Kishi, vuza na gogo na u bonokoi tsu a̱ja̱Ꞌa̱ a̱ Ka̱shile.
A̱da̱mu n Kirisiti Kishi
12Unushi u uwa ta̱ a aduniyan adama a ili i na vuma vi te u yaꞋin, ɗa unushi u tuka̱i n ukpa̱. Na va ɗaɗa ili i na i zuwai yaba dem u kukuwa̱, adama a na yaba dem u nusa ta̱. 13Unushi wi ta̱ lo a aduniyan kafu Ka̱shile ke neke Wila̱. Ka̱shile ka ciɓasa n unushi a ayin a nan lo ba, adama a na Wila̱ wi lo ba. 14Punu a ayin a̱ A̱da̱mu ali a kubana a ayin a Musa, Ka̱shile ke neke uma wila̱ ba. A̱da̱mu u iwain ili i na Ka̱shile ka danai ni, amma uma a na a buwai a fuɗa a̱ la̱nga̱sa̱ ili i na i kpa̱ɗa̱i kuyaꞋan lo ba. Amma n nannai dem ra̱ka̱ vi le a̱ kuwa̱i. N ci yoku A̱da̱mu wi ta̱ ci Kirisiti Kishi vuza na u ta̱wa̱i n ka̱ca̱pa̱.
15Amma ele aza e re a, vi te ɗa i ba, adama a na kuneꞋe ku gbani ku Ka̱shile ki tsu unushi wa̱ A̱da̱mu ba. Mayun ɗa uma n a̱bunda̱i a̱ kuwa̱i adama a unushi u vuma vi te vu nan lo. Amma kasingai ka̱ Ka̱shile ka laꞋa ta̱ na lo m gbayin, nannai ɗa uma n a̱bunda̱i a isai kuneꞋe ku Ka̱shile a̱ ubuta̱ u kasingai ka vuma vi te, a̱yi ɗa Yesu Kishi. 16Ili i na vuza u kuciya̱ gbani punu asuvu e kuneꞋe ku Ka̱shile, yi ta̱ kau n ili i na vuza u kuciya̱ punu asuvu a̱ unushi u vuza te vu nan lo va.
Ana A̱da̱mu u yaꞋin unushi, Ka̱shile ka yaꞋan ta̱ afada ɗa ka takacikai uma. Amma Ka̱shile ku ushuku ta̱ n a̱tsu adama e kuneꞋe ku kasingai ku ni, ko ana ci yain unushi n a̱bunda̱i. 17Unushi u vuma vi te vu nam pa, A̱da̱mu, u zuwa ta̱ ukpa̱ u lyaꞋi tsugono wa̱ tsu. Amma ili i na Yesu Kirisiti Kishi u yaꞋin i laꞋa ta̱ na lo ka̱u. Ka̱shile ke neke tsu ta̱ kasingai ka̱ ni ka̱u, ɗa u zuwai tsu tso okpo aza a̱ usuɓi u Yesu. Adama a nannai kpamu, ci ta̱ a̱ kuciya̱ wuma ka̱ta̱ ci lyaꞋa tsugono a̱ ubuta̱ wu ukpa̱.
18Unushi u te wa̱ A̱da̱mu u tuka̱i n atakaci a̱ ukpa̱ u uma ra̱ka̱. Tsu nan lo kpamu, ili i singai i te i na Kirisiti Kishi u yaꞋin i bonokoi uma o okpoi aza a̱ usuɓi n Ka̱shile. Na lo ɗaɗa ta na u tuka̱i n wuma u mayun a kubana u uma ra̱ka̱. 19A̱da̱mu u tono Ka̱shile ba, n tsu nannai ɗa ta na u zuwai uma n a̱bunda̱i o okpoi aza a unushi. Amma Yesu u tono ta̱ Ka̱shile, wi ta̱ kpamu a kuzuwa uma n a̱bunda̱i o okpo aza a̱ usuɓi.
20Ka̱shile ke neke ta̱ Wila̱ adama a na uma ra̱ka̱ a̱ ciya̱ e ene uteku u na ishi n unushi. Amma ana uma i o kudoku n unushi, Ka̱shile tamkpamu o kudoku n kasingai ka̱ ni. 21Unushi u lyaꞋa ta̱ tsugono u uma ra̱ka̱, ɗa u tuka̱i le n ukpa̱. N tsu nan lo gogo na, kasingai ka̱ Ka̱shile ki a kulyaꞋa tsugono, ɗa kpamu wu ushuki n a̱tsu adama e Yesu Kishi Vuzagbayin vu tsu. Ɗa na va u tuka̱i tsu n wuma u babu uteku.
© 2012 Wycliffe Bible Translators, Inc. All rights reserved