1 ᑲᕒᐃᑎᔭᓇᒃ 5
5
ᐱᔑᒀᑎᓯᐎᓐ ᐁᑕᓈᑐᑌᒃ ᑳᔑᐊᔮᐙᒡ ᐅᑌᐺᑕᒨᒃ
1 # Deut 23.1. ᐋᔩᑎᐎᓐ ᐃᓴ ᑕᔥ ᐱᐃᓈᑐᑌ ᐁᐊᔮᒪᑲᒃ ᑳᔑᐊᔮᔦᒃ, ᐊᐎᔭ ᓴ ᑯ ᐁᐃᔑᐱᔑᒀᑎᓯᒡ ᐃᐃ ᑎᓄ ᒫᐗᒡ ᑳᒪᒋᓈᑾᒃ, ᐊᐴᔥᑫ ᐃᑭᐌᓂᐗᒃ ᑳᐊᓇᒥᐋᓯᒀ ᑫᐃᔑᒋᑫᓯᒀᐸᓐ: ᒦ ᐃᐌ ᐁᐃᑭᑐᕽ ᐊᐎᔭ ᐊ ᐯᔑᒃ ᐁᐐᒌᐙᒡ ᐅᑌᑌᓐ ᐐᐎᓂ᙮ 2ᐋᓃᔛᓐ ᑳᐅᒋᑭᑌᓂᒧᔦᒃ! ᓇᐗᒡ ᐄᑐᒃ ᑭᑖᑮᒫᓀᑖᒻ! ᓇᐗᒡ ᑖᐅᓂᔑᔑᓐ ᒋᐃᓈᑯᓂᑫᔦᑭᐸᓐ ᒋᐐᒌᐎᓯᓄᐌᑭᐸᓐ ᐊᐊ ᑳᑑᑕᕽ᙮ 3ᐋᓇᐐᓐ ᐃᑕᔥ ᐙᓴ ᐅᑌᑎᔮᓐ, ᑭᐐᒌᐎᓂᓂᒻ ᓂᑎᓀᑕᒧᐎᓂᕽ, ᑲᔦ ᑖᐱᔥᑰ ᐁᐐᒌᐎᓇᑰᒃ, ᐋᔕ ᑭᑎᐯᒋᑫᒥᓈᓐ ᒋᓴᔅ ᐅᐐᓱᐎᓂᕽ ᓂᑮᐅᓇᔓᐙᓈ ᐊᐌ ᐃᓂᓂ ᐅᐅ ᐁᒫᓂᓈᑾᓂᓂᒃ ᑳᑑᑕᕽ᙮ 4ᐊᐲᔥ ᐁᒫᐗᒋᐃᑎᔦᒃ ᑭᑲᐐᒌᐎᓂᓂᒻ ᓂᑎᓀᑕᒧᐎᓂᕽ, ᑲᔦ ᑭᑲᐐᒌᐎᑯᒥᓐ ᐅᒪᔥᑲᐎᓰᐎᓐ ᐊᐊ ᑭᑎᐯᒋᑫᒥᓈᓐ ᒋᓴᔅ᙮ 5ᒦᔥ ᐃ ᐊᐲ ᑭᑲᔑᐸᑭᑎᓇᒪᐙᐙ ᐊᐊ ᓭᑕᓐ Satan ᒋᑑᑕᐙᒡ ᐅᓄ ᐃᓂᓂᐗᓐ ᒋᐅᒋᓂᔑᐗᓈᑕᓂᓂᒃ ᐐᔭᐎᓂ᙮ ᒦ ᐅᐌ ᒋᑑᑕᐌᒃ ᐊᐊ ᐃᓂᓂ ᒋᐱᒫᑎᓯᒡ ᐅᑕᒑᑯᕽ ᐹᓂᒫ ᐱᐅᑮᔑᑳᒥᒡ ᑳᑎᐯᒋᑫᒡ᙮
6 # Gal 5.9. ᑳᐐᓐ ᐅᓂᔑᔑᓯᓅᓐ ᒋᒪᒦᒀᓂᑎᓱᔦᑭᐸᓐ᙮ ᑭᑭᑫᑖᒻ ᐅᐅᐌ ᐁᓂᑖᐃᑭᑐᕽ: ᐸᑮ ᐊᒋᑳᑌᒃ ᐃᐃ ᐅᐱᓯᑲᓀᔅ, ᒥᓯᐌ ᑭᒋᐸᑴᔑᑲᓐ ᐃᔑᐅᐱᔥᑳ ᐁᑮᔑᓱᒡ᙮ 7#Ex 12.5. ᑖᐱᔥᑰ ᐅᐱᓯᑲᓀᓯᕽ#5.7 ᐅᐱᓯᑲᓀᓯᕽ: ᒪᒋᒋᑫᐎᓐ ᑳᑕᔑᑌᒃ ᐁᐃᓀᒋᑳᑌᒃ ᐃᐃᒫ ᐅᐱᓯᑲᓀᓯᕽ᙮ ᑖᐱᔥᑰ ᒥᓯᐌ ᑳᐃᓂᔥᑳᒃ ᐃᐃ ᐅᐱᓯᑲᓀᔅ ᐸᑴᔑᑲᓂᕽ, ᒦ ᐃᐌ ᒪᒋᑑᑕᒧᐎᓐ ᐁᔑᐊᔮᒃ ᒥᓯᐌ ᐁᐃᓂᔥᑳᒃ ᑳᐱᒫᑎᓯᐙᒡ ᐅᐱᒫᑎᓯᐎᓂᐙᕽ᙮ ᐃᓀᑖᑾᓐ ᐃᐃ ᒪᒋ ᐃᔑᐌᐱᓯᐎᓐ, ᒦ ᐃ ᐅᒋᐌᐱᓇᒧᒃ ᐃᐃ ᑳᑮᐱᐋᐸᒋᑑᔦᒃ ᐅᐱᓯᑲᓀᔅ, ᒥᓯᐌ ᒋᐯᑳᑎᓯᔦᒃ, ᑖᐱᔥᑰ ᐅᔥᑭᐸᑴᔑᑲᓂᕽ ᒋᐃᓀᑖᑯᓯᔦᒃ ᐁᑳ ᐁᐊᔮᓯᓄᒃ ᐃᐃ ᐅᐱᓯᑲᓀᔅ᙮ ᐋᓃᔥ ᒦ ᐃᐌ ᐋᔕ ᐁᑎᓄᐎᔦᒃ᙮ ᐋᔕ ᑮᑮᔑᒋᑳᑌ ᑮᓇᐎᓐᑦ ᑫᔑᐐᑾᑎᔭᕽ, ᐋᔕ X ᐁᑮᐸᑭᑎᓈᔂᓂᐎᒡ, ᑭᒫᓇᒑᓂᔐᓯᒥᓈᓐ ᐁᐃᓀᑖᑯᓯᒡ ᑎᓄ ᑳᓂᓯᓐᒡ ᐁᐱᒫᒋᐃᑰᐎ ᐐᑾᑎᓈᓂᐗᕽ᙮#5.7 ᐁᐱᒫᒋᐃᑰᐎ ᐐᑾᑎᓈᓂᐗᕽ: ᐊᐲ ᑕᔥ ᒎᐗᒃ ᐁᐐᐱᒫᒋᐃᑰᐎ ᐐᑾᑎᐙᒡ ᑲᑭᓇ ᐅᑮᐌᐱᓈᐙᐞ ᐸᑴᔑᑲᓇᐞ ᑳᐅᐱᓯᑲᓂᐎᓂᒡ, ᑲᑭᓇ ᑲᔦ ᐅᑮᐌᐱᓈᓈᐙ ᐅᐱᓯᑲᓀᓴᓐ ᐃᐃᒫ ᑳᔑᑖᐙᒡ᙮ ᐊᐲ ᑕᔥ ᑳᐐᐐᑾᑎᐙᒡ ᒦ ᐁᑕ ᑳᐋᐸᒋᑑᐙᒡ ᐁᑮᐊᒸᐙᒡ ᑳᐅᐱᓱᓯᓂᒃ ᐸᑴᔑᑲᓇᓐ᙮ ᑕᑲ ᑲᓇᐙᐸᑕᓐ ᑳᔑᑕᔑᑌᒃ ᐱᒫᒋᐃᑰᐎ ᐐᑾᑎᐎᓐ ᐌᑎ ᑳᔑᐅᔑᐲᐃᑳᑌᑭᓐ ᐃᑭᑐᐎᓇᓐ᙮ 8#Ex 13.7; Deut 16.3. ᒦᑕᔥ ᐅᐅ ᑫᐃᔑᓈᑯᓯᔭᕽ ᑖᐱᔥᑰ ᐁᐃᔑᐐᑾᑎᔭᕽ ᐅᐱᓯᑲᓀᔅ ᐁᐊᔮᓯᓄᒃ᙮ ᑳᐐᓐ ᒦᓇᐙ ᒪᒋ ᐃᓀᑕᒧᐎᓐ, ᒪᒋᒋᑫᐎᓐ ᑭᑲᐋᐸᒋᑑᓰᒥᓐ, ᐅᑖᓈᕽ ᑳᑮᐱ ᐃᓈᑎᓯᔭᕽ᙮ ᑾᔭᑯᐃᓀᑕᒧᐎᓐ, ᑾᔭᑯᒋᑫᐎᓐ ᑭᑲᐋᐸᒋᑑᒥᓐ, ᑖᐱᔥᑰ ᐁᐊᒧᓐᒡ ᐊᐊ ᐸᑴᔑᑲᓐ ᐁᐅᐱᓯᑲᓂᐎᓯᒃ᙮
9ᐸᑳᓐ ᐃᐃ ᐊᐲ ᐁᑮᐅᔑᐲᐊᒪᐎᓇᑰᒃ: ᑫᑯ ᐐᒋᐋᑫᒀᓂᒃ ᐊᐎᔭᒃ ᑳᐱᔑᒀᑎᓯᐙᒡ, ᑭᑮᐃᓂᓂᓂᒻ᙮ 10ᑳᐐᓐ ᐐᓐ ᐃᐃ ᓂᑎᑭᑐᓰ ᐃᑭ ᑳᐊᓇᒥᐋᓯᒀ ᒋᒪᓈᐐᒌᐌᒀ, ᑮᔥᐱᓐ ᐱᔑᒀᑎᓯᐙᒡ ᑲᔦ ᐁᐊᔫᓵᒥᓯᐙᒡ ᑲᔦ ᐁᑭᒨᑎᔥᑭᐙᒡ ᑲᔦ ᐁᒪᓂᑑᑫᐙᒡ᙮ ᑳᐐᓐ ᑭᑖ ᐴᓂᐙᐸᒫᓯᐙᐙᒃ ᐃᑭ ᑎᓄ ᐅᒫ ᐊᑮᕽ ᐊᔮᔦᒃ᙮ 11ᐃᐃᐌᔥ ᑳᐃᔑᐲᐊᒫᓐ, ᐊᐎᔭ ᑳᐃᑎᓱᒡ ᒋᐅᐐᒋᔖᓂᒥᓐᒡ ᐊᓇᒥᐋᐎᓂᕽ, ᐱᔑᒀᑎᓯᒡ ᐃᑕᔥ ᑫᒫ ᐊᔫᓵᒥᓯᒡ ᑫᒫ ᑲᔦ ᒪᓂᑑᑫᒡ, ᑕᔑᒥᐌᒡ, ᓂᑖᑮᐗᔥᑴᐲᒡ, ᒪᑲᑗᒡ: ᑫᑯ ᐊᐌ ᐐᒋᐋᑫᒃ᙮ ᐊᐴᔥᑫ ᑳᐐᓐ ᑭᑖ ᐐᒋᐐᓯᓃᒫᓯᐙᐙ ᐊᐊ ᑎᓄ᙮
12-13ᐃᓇᔥᑫ ᑳᐐᓐ ᓃᓐ ᓂᑑᐸᐹᒥᓯᐎᓂᓰ ᒋᐅᓇᔓᐙᓇᒀ ᑳᐐᒋ ᑎᐯᑖᑯᓰᒥᓯᓅᐗᒀ᙮ ᐐᓐ ᐅᔕ ᐅᑲᐅᓇᔓᐙᓈᐞ ᐊᐌ ᑭᔐᒪᓂᑑ᙮ ᑮᓇᐙ ᑕᔥ ᐐᓐ ᑭᑖ ᐅᓇᔓᐙᓈᐙᒃ ᐃᑭ ᑳᐐᒋ ᑎᐯᑖᑯᓰᒣᒀ᙮ ᒦ ᐃᐌ ᑳᐅᔑᐲᐃᑳᑌᒃ: ᐊᐊᐌ ᑳᓂᑖ ᒪᒋᒋᑫᒡ, ᐃᑯᒋ ᐃᔑᓂᔕᐅᒃ!
Ojibwe Shorter Bible (Syllabic Script) © 2008 Canadian Bible Society