1 ᑲᕒᐃᑎᔭᓇᒃ 10
10
ᐊᔮᒀᒥᓯᔪᒃ ᐁᑳ ᒪᓂᑑᑫᐎᓂᕽ ᒋᐐᒋᐃᐌᓯᐌᒃ
1 # Ex 13.21-22; 14.22-29. ᓃᒋᐅᑌᐺᑕᒨᒃ! ᒨᔕᒃ ᑭᑖᒫᒥᑲᐎᒻ ᐃᑭᐌᓂᐗᒃ ᑳᑮᐱ ᐃᓈᑎᓯᐙᑯᐸᓀᓐ ᑭᑫᑌᐊᔭᐋᒥᓈᐸᓃᒃ ᑳᑮᐱᒥᓂᔕᐙᐙᒡ ᐃᓂ ᒨᓯᓲᓐ Moses ᔒᐹ ᐗᑸᕽ ᐁᑮᐊᓂᐊᔮᐙᒡ ᐁᑮᑕᐱᓇᐎᔥᑳᑯᐙᒡ, ᑲᔦ ᐁᑮᓂᔖᐳᔥᑲᒧᐙᒡ ᐃᐃ ᑭᒋᑲᒻ᙮ 2ᐃᐃ ᐗᑶ ᐁᑮᐋᑲᐗᑰᑌᓂᒃ ᑲᔦ ᐃᐌ ᑭᒋᑲᒻ ᐁᑮᔖᐴᔥᑲᒧᐙᒡ, ᒦ ᑳᐃᓀᑖᑾᒃ ᐁᑮᓰᑲᐊᑖᓱᐙᒡ ᒨᓯᓯᕽ ᒋᐅᒋ ᑎᐯᑖᑯᓯᐙᒡ᙮ 3#Ex 16.35. ᔑᑾ ᑲᑭᓇ ᐯᔑᑾᓐ ᑳᐊᒑᑯᐗᕽ ᒦᒋᒻ ᑮᐃᔑᐐᓯᓂᐗᒃ᙮ 4#Ex 17.6; Num 20.11. ᑲᔦ ᑲᑭᓇ ᐯᔑᑾᓐ ᑮᐃᔑᒥᓂᑴᐗᒃ ᐁᐊᒑᑯᐗᓂᓂᒃ ᒥᓂᑴᐎᓐ᙮ ᑮᐅᒋᒥᓂᑴᐗᒃ ᐃᒫ ᐁᐊᒑᑴᑖᑯᓯᒡ ᑭᑖᐱᑯᕽ ᑳᐱᒥᐐᒌᐎᑯᐙᒡ, ᐊᒦ ᐊᐌ ᑭᑖᐱᒃ X#10.4 X: ᒦ ᓴ ᑳᐃᒋᑳᓱᒡ ᐊᐊ ᑭᔐᒪᓂᑑᓐ ᑳᑮᐅᓀᓂᒥᑯᒡ ᒋᐱᒫᒋᐃᐌᒡ, ᒥᓯᐌ ᑲᔦ ᒋᑭᒋᐅᑭᒫᐎᒡ᙮ ᐁᐋᐎᒡ᙮ 5#Num 14.29-30. ᐋᓇᐐᓐ ᐃᑯ ᐃᐃᐌ ᑳᐃᔑᐌᐱᓯᐙᒡ, ᓃᐱᐗᐞ ᑳᑕᔑᐙᒡ ᑳᐐᓐ ᐅᑮᒥᓄᓇᐌᐋᓯᐙᐙᓐ ᑭᔐᒪᓂᑑᓐ᙮ ᐊᒦ ᐃᐌ ᑳᐅᒋ ᐹᐲᐌᓯᓂᓂᑭᓐ ᐐᔭᐎᐙᓐ ᐱᑾᑕᑲᒥᑳᕽ᙮
6 # Num 11.4. ᑲᑭᓇ ᑕᔥ ᐅᓄᐌᓂᐗᓐ ᑮᐃᔑᐌᐱᓯᐗᒃ ᑮᓇᐎᓐᑦ ᑭᑭᓇᐙᒋᒋᑲᓐ ᑫᐊᔮᒀᒫᐸᑕᒪᕽ, ᐁᑳ ᑫᑮᓇᐎᓐᑦ ᒋᒥᓴᐌᑕᓯᐗᕽ ᑳᐅᓂᔑᔑᓯᓄᒃ ᐐᓇᐙ ᐋᓂᓐᑦ ᑳᐃᔑᒋᑫᐙᒡ; 7#Ex 32.6. ᐁᑳ ᑲᔦ ᐅᔑᒋᑲᓇᒃ ᒋᒪᓂᑑᑳᑫᓯᐗᕽ, ᐐᓇᐙ ᐋᓂᓐᑦ ᑳᐃᔑᒋᑫᐙᒡ᙮ ᐋᓃᔥ ᒦ ᐅᐌ ᐁᔑᐲᐃᑳᑌᒃ: ᑮᐅᑾᐱᐗᒃ ᐁᑮᑭᒋᐐᓯᓂᐙᒡ ᑲᔦ ᐁᑮᐊᓂᒥᓂᑴᐙᒡ ᐲᓂᔥ ᐁᑮᐊᓂᐅᒻᐺᐃᔑᐊᔮᐙᒡ ᐁᑮᐊᓂᓃᒥᐙᒡ, ᐃᑭᑑᒪᑲᓐ᙮ 8#Num 25.1-18. ᑫᑯ ᑮᓇᐎᓐᑦ ᑭᑖᐱᔑᒀᒋᒋᑫᓰᒥᓐ ᑖᐱᔥᑰ ᐐᓇᐙ ᐋᓂᓐᑦ ᑳᑮᑑᑕᒧᐙᒡ᙮ ᒦ ᐊᐲ ᐯᔑᒃ ᐁᑮᔑᑲᒃ ᓃᔥᑕᓇᔑᓂᓯᓐ ᑕᓱ ᒥᑖᔂᒃ 23,000 ᑮᑕᔑᐗᒃ ᐁᑮ ᑫᑕᑣᐱᓀᐙᒡ ᐁᑮᓂᐳᐙᒡ᙮ 9#Num 21.5-6. ᑳᐐᓐ ᑲᔦ ᑭᑲ ᑲᑳᒋᐋᓯᐙᓈᓐ ᐊᐊᐌ ᑳᑎᐯᒋᑫᒡ, ᐋᓃᓐ ᒥᓂᒃ ᑫᐸᑭᑎᓂᓇᕽ ᒋᑑᑕᒧᐗᕽ, ᐐᓇᐙ ᐋᓂᓐᑦ ᑳᑮᐃᔑᒋᑫᐙᒡ᙮ ᑭᓀᐱᑰᐞ ᐅᑮᓂᓯᑯᐙᐞ᙮ 10#Num 17.6-14. ᑳᐐᓐ ᑲᔦ ᑭᑲᒥᑕᐎᒫᓯᐙᓈᓐ, ᐋᓂᓐᑦ ᐐᓇᐙ ᑳᑮᐃᔑᒋᑫᐙᒡ᙮ ᐅᑮᓂᔑᐗᓈᒋᐃᑯᐙᓐ ᐃᑕᔥ ᐃᓂ ᓂᔑᐗᓈᒋᐃᐌᐎ ᐁᒐᓬᐊᓐ᙮
11ᐃᓇᔥᑫ ᑲᑭᓇ ᐅᓄᐌᓂᐗᓐ ᑮᐃᔑᐌᐱᓯᐗᒃ, ᐸᑳᓐ ᐊᐎᔭᒃ ᑫᐅᒋᐊᔮᒀᒥᓯᐙᒡ᙮ ᔑᑾ ᑮᓇᐎᓐᑦ ᑮᐅᔑᐲᐃᑳᑌᐗᓐ ᒋᐊᔮᒀᒥᒥᑯᔭᕽ᙮ ᓅᑯᒻ ᐃᑯ ᐋᓃᔥ ᐁᔑᐱᒫᑎᓯᔭᕽ, ᐱᒌᓇᒃ ᐐᐊᓂ ᐃᔥᒀᓭᐗᓐ ᐅᓄ ᑳᐱᒥᓭᑭᓐ ᐅᐅᒫ ᐊᑮᕽ᙮ 12ᐃᓇ ᑕᔥ, ᐊᐊᐌ ᓂᓱᑭᑳᐸᐤ ᑳᐃᓀᓂᑎᓱᒡ, ᐌᐌᓂ ᑖᐊᔮᒀᒥᓯ ᐁᑳ ᒋᐸᑭᔑᓯᒃ᙮ 13ᑲᑭᓇ ᑯᒋᐃᑰᐎᓐ ᐊᓂᐙᐸᑕᒣᒃ, ᒦ ᐯᔑᑾᓐ ᑲᑭᓇ ᐊᐎᔭ ᒋᓂᐅᑎᑕᕽ᙮ ᐊᐌ ᑕᔥ ᑭᔐᒪᓂᑑ ᑳᐐᓐ ᐐᑳ ᐅᐐᐋᒋᑑᓰᓐ ᑳᔑᐊᔓᑕᒫᑫᒡ᙮ ᑳᐐᓐ ᐊᐗᔑᒣ ᑭᑲᐸᑭᑎᓇᒫᑯᓰᐙ ᒋᑲᑴᒋᐃᑰᔦᒃ ᑫᔑᒪᔥᑲᐎᑳᐸᐎᔦᒃ᙮ ᐊᐲ ᑕᔥ ᐁᑲᑴᒋᐃᑰᔦᒃ, ᑭᔐᒪᓂᑑ ᑭᑲᑌᐊᐲᒌᐃᑯᐙ ᒋᑌᑲᔥᑭᑑᔦᒃ᙮ ᒦ ᐃᐌ ᑭᑲᐃᔑᒦᓂᑯᐙ ᐋᓃᓐ ᑫᔑᔖᐴᔥᑲᒣᒃ᙮
14ᐊᐤ ᐃᑕᔥ ᑳᓵᑭᐃᓇᑰᒃ! ᑫᑯ ᐊᐙᒡ ᐸᑮ ᐐᒋᑣᑫᒃ ᐃᐃ ᒪᓂᑑᑫᐎᓐ᙮ 15ᑭᑎᔑᑲᓅᓂᓂᓂᒻ ᐁᑲᑮᑖᐌᑕᒣᒃ᙮ ᑮᓇᐙ ᑯ ᒋᐅᓀᑕᒣᒃ ᐅᐅ ᑳᐃᓂᓇᑰᒃ᙮ 16#Mat 26.26-28; Mark 14.22-24; Luke 22.19-20. ᐃᐃᐌ ᐅᔕ ᒥᓂᒀᑲᓐ ᑳᓂᑖ ᐅᑖᐱᓇᒪᕽ ᐁᑕᑯᒦᑴᒋᐎᐊᕽ ᑭᔐᒪᓂᑑ, ᐊᐲ ᐅᒋᒥᓂᑴᔭᕽ, ᑳᐐᓐ ᐃᓇ ᑭᐐᑑᑲᒧᐙᓰᒥᓐ X ᐅᒥᔅᑸᒻ? ᐊᐊᐌᔥ ᑲᔦ ᐸᑴᔑᑲᓐ ᑳᓂᑖ ᐸᐸᑴᐱᓇᕽ, ᐊᐲ ᐁᐊᒶᕽ, ᑳᐐᓐ ᐃᓇ ᑭᐐᑑᑲᒧᐙᓰᒥᓐ X ᐅᐐᔭᐤ? 17ᐯᔑᒃ ᐁᑕ ᐋᐸᑎᓯ ᐊᐌ ᐸᑴᔑᑲᓐ᙮ ᒦᑕᔥ ᐃᐌ ᐋᓇ ᐹᑏᓄᔭᕽ, ᑲᑭᓇ ᑭᒫᒪᐎᑑᒥᓐ ᐃᐃ ᐯᔑᒃ ᐐᔭᐎᒫ, ᐋᓃᔥ ᐯᔑᒃ ᐊᐊ ᐸᑴᔑᑲᓐ ᑭᑑᑕᒫᓈᓐ᙮
18 # Lev 7.6. ᐃᓇ ᐃᐌ ᑳᐃᔑᒋᑫᐙᒡ ᐃᔅᕒᐃᔭᓬ Israel ᐃᓂᓂᐗᒃ: ᐃᑭᐌᓂᐗᒃ ᑳᐅᑕᑕᒧᐙᒡ ᐃᐃ ᑳᐸᑭᑎᓈᔂᓂᐗᓂᓂᒃ, ᐅᐐᑑᑳᓈᐙ ᐃᐌ ᐁᐸᑭᑎᓈᓱᑲᑕᐎᓐᒡ ᑭᔐᒪᓂᑑ᙮ 19ᐋᓃᓐ ᑕᔥ ᐁᑭᑐᔮᓐ? ᐊᐊᐌ ᐅᔑᒋᑲᓐ ᑳᒪᓂᑑᑳᑳᓂᐎᒡ, ᑌᐺ ᓇ ᐱᒫᑎᓯ? ᑳᐐᓐ ᐅᔕ ᑫᑰᓐ ᐃᓈᐸᑎᓯᓰ᙮ ᐃᐃᐌ ᑕᔥ ᑲᔦ ᒦᒋᒻ ᑳᐸᑭᑎᓈᓱᑲᑕᐎᓐᒡ ᐅᔑᒋᑲᓐ, ᑫᑰᓐ ᐃᓇ ᐃᓈᐸᑕᓐ? 20#Deut 32.17. ᑳᐐᓐ ᑫᑰᓐ! ᐃᓇᔥᑫ ᓴ ᐃᐃᐌ ᑳᐸᑭᑎᓈᓱᐙᒡ ᐅᒪᓂᑑᑫᒃ ᐁᑕᔑᐸᑭᑎᓂᑫᐙᒡ, ᒪᒋᐊᒑᑾᐞ ᒪᔮ ᑳᒦᓂᒥᓐᒡ᙮ ᑳᐐᓐ ᑕᔑᒦᓈᓰ ᑭᔐᒪᓂᑑ᙮ ᔑᒀ ᑳᐐᓐ ᑭᓇᑕᐌᓂᒥᓯᓅᓂᓂᒻ ᒪᒋᐊᒑᑾᒃ ᒋᐐᑑᑲᐌᒀ᙮ 21ᑳᐐᓐ ᐐᓐ ᑭᑖᑲᔥᑭᑑᓰᒻ ᒋᐅᒋᒥᓂᑴᔦᑭᐸᓐ ᒥᒋᓃᔥ ᑳᑎᐯᒋᑫᒡ ᐅᒥᓂᒀᑲᓂᕽ ᑲᔦ ᒪᒋᐊᒑᑾᒃ ᐅᒥᓂᒀᑲᓂᐙᕽ᙮ ᑳᐐᓐ ᑭᑖᑲᔥᑭᑑᓰᒻ ᒥᒋᓃᔥ ᑳᑎᐯᒋᑫᒡ ᐅᐐᓯᓂᐎᓈᑎᑯᕽ ᒋᐅᒋᐐᓯᓂᔦᑭᐸᓐ ᑲᔦ ᒪᒋᐊᒑᑾᒃ ᐅᐐᓯᓂᐎᓈᑎᑯᐙᕽ᙮ 22#Deut 32.21. ᑫᒫ, ᑭᑖᑲᑳᒋᐋᓈᓐ ᑳᑎᐯᒋᑫᒡ ᒋᐅᑌᑕᕽ? ᓇᐗᒡ ᐃᓇ ᑭᒪᔥᑲᐎᓰᒥᓐ ᐊᐲᒡ ᐐᓐ ᑳᑎᐯᒋᑫᒡ ᑭᑖᐃᓀᑖᒥᓐ?
23 # 1 Cor 6.12. ᒫᑭᔖ ᐊᐎᔭ ᐃᑭᑐᒡ: ᑲᑭᓇ ᑫᑰᓐ ᓂᐸᑭᑎᓇᒫᑰᒥᓐ ᒋᑑᑕᒫᕽ᙮ ᑌᐺ, ᓂᑖᐃᓈ, ᑳᐐᓐ ᐃᑕᔥ ᑲᑭᓇ ᑫᑰᓐ ᐅᓂᔑᔑᓯᓅᓐ ᒋᑑᑕᒫᓐ᙮ ᐋᓇᐐᓐ ᐁᐃᑭᑐᕽ ᑲᑭᓇ ᑫᑰᓐ ᐁᐸᑭᑎᓇᒫᑰᔭᕽ, ᑳᐐᓐ ᑕᔥ ᑲᑭᓇ ᑫᑰᓐ ᐁᑑᑕᒪᕽ ᐅᑲᐐᒋᐃᑯᓰᓐ ᐸᑳᓐ ᐊᐎᔭ᙮ 24ᑳᐐᓐ ᐋᓃᔥ ᑭᑖᐊᑕᐌᑕᓰᒥᓐ ᐁᑕ ᒋᐯᔑᑯᒥᓄᓭᔭᕽ, ᐸᑳᓐ ᐃᑕᔥ ᐊᐎᔭᒃ ᑲᔦ ᐐᓇᐙ ᒋᒥᓄᓭᐙᒡ᙮
25ᐱᑯ ᑫᑰᓐ ᑭᑲᒦᒋᒻ ᑳᑕᓇᑖᐙᑫᕽ ᐃᐃᒫ ᒦᒋᒥᑲᒥᑯᕽ᙮ ᑫᑯ ᒣᒬᒡ ᑲᑴᑗᑫᒃ ᐋᑎ ᑳᐅᑎᓂᑳᑌᒃ, ᒦ ᐃ ᐁᑳ ᒋᐅᒋᒫᓀᑕᓯᐌᒃ᙮ 26#Psa 24.1. ᐋᓃᔥ ᑲᑭᓇ ᐅᑎᐯᑖᓐ ᑳᑎᐯᒋᑫᒡ ᐅᐅ ᐊᑭ, ᑲᑭᓇ ᑲᔦ ᑫᑰᓐ ᐗᑭᑕᑲᒥᒃ ᑳᐊᔮᓂᒃ, ᐃᔑᐲᐃᑳᑌ᙮
27ᐊᐎᔭ ᑕᔥ ᑳᑌᐺᑕᓯᒃ ᐊᑐᒥᓀᒃ ᒋᐐᒋᐐᓯᓃᒥᓀᒃ, ᐃᓀᑕᒣᒃ ᐃᑕᔥ ᒋᐃᔖᔦᒃ, ᐱᓵᓂᑯ ᒦᒋᔪᒃ ᐃᐃ ᑳ ᐊᔕᒥᑰᔦᒃ᙮ ᑫᑯ ᑲᑴᑗᑫᒃ ᑳᒦᒋᔦᒃ, ᒫᑭᔖ ᑭᑖᐅᒋᒫᓀᑖᒻ ᓅᑕᒣᒃ᙮ 28ᒫᑭᔖᔥ ᐊᐎᔭ ᑭᑲᐃᑯᐙ: ᒦ ᐅᐌ ᒦᒋᒻ ᒪᓂᑑᑳᓂᕽ ᑳᑮᐃᔑ ᐸᑭᑎᓂᑳᑳᓂᐗᕽ᙮ ᑮᔥᐱᓐ ᐅᐅ ᐃᓂᓀᒃ, ᑳᐐᓐ ᑭᑖᒦᒋᓰᒻ, ᐁᑳ ᑫᑰᓐ ᒋᐃᓀᑕᓯᒃ ᐊᐊᐌ ᑳᐐᑕᒪᐎᓀᒃ, ᑲᔦ ᐁᑳ ᒫᓀᓂᑎᓱᐎᓐ ᒋᐅᒌᒪᑲᓯᓄᒃ᙮ 29ᑳᐐᓐ ᑳᐃᑕᒫᓐ ᑮᓇᐙ ᐃᐃᐌ ᒋᒫᓀᑕᒣᒃ ᑮᔥᐱᓐ ᒦᒋᔦᒃ, ᐊᐊᐌ ᓴ ᑳᑮᐐᑕᒪᐎᓀᒃ ᒫᑭᔖ ᑕᐅᒋᒥᑯᔥᑳᑌᑕᒻ ᐙᐸᒥᓀᒃ᙮ ᒫᑭᔖ ᑕᐃᑭᑐ ᐊᐎᔭ: ᓃᓐ ᑫᑰᓐ ᐁᐸᑭᑎᓇᒪᐙᑕᒫᓐ, ᐋᓃᔛᓐ ᑫᐅᒋᑭᐱᔥᑲᐎᐸᓐ ᐸᑳᓐ ᐊᐎᔭ ᐁᒫᓈᓯᓇᕽ ᒋᒪᓈᒫᓀᑕᒥᐊᒃ? 30ᑮᔥᐱᓐ ᒦᑴᒡ ᐁᑮᐃᓇᒃ ᑭᔐᒪᓂᑑ ᐃᐃᐌ ᑳᐐᒦᒋᔮᓐ, ᐋᓃᔛᓐ ᐊᐎᔭ ᑫᑰᓐ ᑫᐅᒋᐃᔑᐸᓐ ᐋᔕ ᐁᑮᐅᒋᓇᓈᑯᒧᔮᓐ ᐃᐃ ᒦᒋᒻ? 31ᒦ ᐃ ᐁᑭᑐᔮᓐ, ᐌᑯᓀᓐ ᓴ ᑯ ᐁᔑᒋᑫᔦᒃ, ᒫᑭᔖ ᐐᓯᓂᔦᒃ, ᒫᑭᔖ ᒥᓂᑴᔦᒃ, ᑲᑭᓇ ᑯ ᐃᔑᒋᑫᔪᒃ ᑭᔐᒪᓂᑑ ᒋᑭᑌᑖᑯᐃᓐᒡ᙮ 32ᒦ ᐃᐌ ᐃᓈᑎᓯᒃ, ᐁᑳ ᑫᑰᓐ ᒋᐃᓀᓂᒥᓯᓄᐌᒀ ᒎᐗᒃ ᑲᔦ ᑳᒎᐎᐎᓯᒀ, ᑲᔦ ᑭᔐᒪᓂᑑ ᐅᒫᐗᒋᐋᑲᓇᐞ᙮ 33ᓃᓐ ᐁᔑᒋᑫᔮᓐ, ᒦ ᐃᐌ ᑑᑕᒧᒃ᙮ ᑲᑭᓇ ᐊᐎᔭ ᓂᑲᑴ ᓇᓇᐁᑕᒥᐋ ᐋᓃᓂᑯ ᐁᔑᒋᑫᔮᓐ, ᑳᐐᓐ ᐁᑕ ᒋᑲᑴᐯᔑᑯᒥᓄᓴᐃᑎᓱᔮᓐ, ᐃᑭᔥ ᐐᓐ ᑲᑭᓇ ᒋᒥᓄᓴᐃᑣ ᒋᐱᒫᒋᐃᑣ᙮
Ojibwe Shorter Bible (Syllabic Script) © 2008 Canadian Bible Society