JAKOB 1
1
1 #
Mt 13.55; Mk 6.3; Yunir 15.13; Gal 1.19 Thrünpuh tüsho Atungpuh Jisu khrista tankihrü Jakob kilimnü,
Hiumüzüta lakhi trük thürükheak mahne kilim:
Salüm.
Akin tüsho Lümlung
2Keoniorübo, küyimki nüsanü rükaki aphuaphu shorubanü alala asühkhi ah de lümang, 3tümüde nüsa akin rükakikhinü arümkheam akhiukshihchoh de nüsanü mükheahlah. 4Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.
5Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah. 6Tüshe apinü mudukiuhlode akinnü api ki kheangshang, tümüde shepünü dukiuhlochonü apungnü yüna abükshihkhi keto nangde lah. 7Ju mihtsürünü Atungpuh kilimnü tümükhüh ngüpü mülümbeah; 8api a lümtrüp lakhi mihtsürü, api rhimo alala ching achiaying müla.
Zhochihrü tüsho Alarü
9Abobe kuhi ching lakhi keoniorünü api shuhkihkhi dünkheak dükükheang, 10tüsho alarünü azhihayihkhi ching lashang, tümütüsho mütüm sangbün nangde api tsoabahbah. 11Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.
Rükakheahkhi tüsho Rükaki
12Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah. 13Tüsho api rükaki lachoki, “Thrünpuhnü I rükakido” de shenü she dütha; tümüde amüneannü Thrünpuh rükakipü mukuk tüsho apinü she sheshe rükmakichoh; 14tüshe mihtsürü aban nihbuhnü amütsü künkhinü bephülapde tüsho münityukde lachoki rükakichoh. 15Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.
16Inü amuzhokhi keoniorübo, dümülapyukshih. 17Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh. 18Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.
Asokhi tüsho Rhimokhi
19Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang, 20tümüde mihtsürü bukakhiukkhinü Thrünpuh thiyuro-lungki mühandarüchoh. 21Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.
22Tüshe thiyu yande arhimorü thsang, tüsho nüsa küdahnü mülapyukde asorü lang düthsü. 23Tümüde khürü thiyu sorü thsübah arhimorü yungsho, api ju meayinpung ching miro tsütsü ayinkhi mihtsürü kiphahlah; 24tümüde apinü anihbuh ayina kheahchoh tüsho tsoabahchoh tüsho api küruk lakheanü khülangkinü mihabahchoh. 25Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.
26Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang. 27Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JAKOB 1
1
1 #
Mt 13.55; Mk 6.3; Yunir 15.13; Gal 1.19 Thrünpuh tüsho Atungpuh Jisu khrista tankihrü Jakob kilimnü,
Hiumüzüta lakhi trük thürükheak mahne kilim:
Salüm.
Akin tüsho Lümlung
2Keoniorübo, küyimki nüsanü rükaki aphuaphu shorubanü alala asühkhi ah de lümang, 3tümüde nüsa akin rükakikhinü arümkheam akhiukshihchoh de nüsanü mükheahlah. 4Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.
5Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah. 6Tüshe apinü mudukiuhlode akinnü api ki kheangshang, tümüde shepünü dukiuhlochonü apungnü yüna abükshihkhi keto nangde lah. 7Ju mihtsürünü Atungpuh kilimnü tümükhüh ngüpü mülümbeah; 8api a lümtrüp lakhi mihtsürü, api rhimo alala ching achiaying müla.
Zhochihrü tüsho Alarü
9Abobe kuhi ching lakhi keoniorünü api shuhkihkhi dünkheak dükükheang, 10tüsho alarünü azhihayihkhi ching lashang, tümütüsho mütüm sangbün nangde api tsoabahbah. 11Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.
Rükakheahkhi tüsho Rükaki
12Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah. 13Tüsho api rükaki lachoki, “Thrünpuhnü I rükakido” de shenü she dütha; tümüde amüneannü Thrünpuh rükakipü mukuk tüsho apinü she sheshe rükmakichoh; 14tüshe mihtsürü aban nihbuhnü amütsü künkhinü bephülapde tüsho münityukde lachoki rükakichoh. 15Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.
16Inü amuzhokhi keoniorübo, dümülapyukshih. 17Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh. 18Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.
Asokhi tüsho Rhimokhi
19Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang, 20tümüde mihtsürü bukakhiukkhinü Thrünpuh thiyuro-lungki mühandarüchoh. 21Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.
22Tüshe thiyu yande arhimorü thsang, tüsho nüsa küdahnü mülapyukde asorü lang düthsü. 23Tümüde khürü thiyu sorü thsübah arhimorü yungsho, api ju meayinpung ching miro tsütsü ayinkhi mihtsürü kiphahlah; 24tümüde apinü anihbuh ayina kheahchoh tüsho tsoabahchoh tüsho api küruk lakheanü khülangkinü mihabahchoh. 25Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.
26Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang. 27Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.