IBRI 6
6
1Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü; 2baptikhi tüsho khah nimkihkhi, asherü arhang kamlokhi tüsho lünnü thiyukhap dünkheak thsangyukhi. 3Tüsho Thrünpuhnü mülüjihsho isanü ha rhimobah. 4Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah; 5arünü Thrünpuh yu atsü tüsho arübe lün wubo tsahkeakheahdo, 6jumonü arünü chamkhide tsosho, arü mulong rholokhi ching belodarüpü mukuk, tümütüsho arünü kheaküshe Thrünpuh tsührü yümkihlochoh tüsho boto ki mungchih kipchoh. 7Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh. 8Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.
9Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah. 10Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah. 11Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah, 12junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.
Thrünpuhnü Alokhikhi Atsütsü
13Küyimki Thrünpuhnü Abraham ki thiyuchihchim thsükhea, apinü thiyuchihchimpü thsüde atobe mülakhinü aküdah thsüde thiyuchihchim thsü, 14“Atsütsü inü nü müngühjihbah tüsho wüh bushihbah.” 15Hanangde arümde aleang dunglim alokhikhi ju Abrahamnü leangkhi. 16Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah. 17Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo, 18junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah. 19Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh. 20Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 6
6
1Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü; 2baptikhi tüsho khah nimkihkhi, asherü arhang kamlokhi tüsho lünnü thiyukhap dünkheak thsangyukhi. 3Tüsho Thrünpuhnü mülüjihsho isanü ha rhimobah. 4Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah; 5arünü Thrünpuh yu atsü tüsho arübe lün wubo tsahkeakheahdo, 6jumonü arünü chamkhide tsosho, arü mulong rholokhi ching belodarüpü mukuk, tümütüsho arünü kheaküshe Thrünpuh tsührü yümkihlochoh tüsho boto ki mungchih kipchoh. 7Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh. 8Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.
9Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah. 10Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah. 11Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah, 12junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.
Thrünpuhnü Alokhikhi Atsütsü
13Küyimki Thrünpuhnü Abraham ki thiyuchihchim thsükhea, apinü thiyuchihchimpü thsüde atobe mülakhinü aküdah thsüde thiyuchihchim thsü, 14“Atsütsü inü nü müngühjihbah tüsho wüh bushihbah.” 15Hanangde arümde aleang dunglim alokhikhi ju Abrahamnü leangkhi. 16Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah. 17Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo, 18junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah. 19Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh. 20Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.