1 PETER 3
3
Niuberübo tüsho Niubuhrübo
1 #
Efi 5.22; Kol 3.18 Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah, 2tümütüsho nüsa yakli küdükhüh atsangkhit a tüsho wüntrebe lanü arünü angübah. 3#1 Tim 2.9Nüsa jak tsükhi ju aleanglim kuyü müchekhi, suna züt thsükhi, tüsho khimmih atsü yihkhinü dülashih, 4tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang. 5Junangde ahokhi ching Thrünpuh kheak mulonglam larü amüsüh liberübonü arü niubuhrü bukkhüp lakhinü arü jak tsüde kamshih. 6Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.
7 #
Efi 5.25; Kol 3.19 Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.
Alungki Rhimo dün Thsünükhi
8Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang. 9Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah. 10Amüsühyunü thachoh,
“Shepünü rhangdung muzhola tüsho atsü nimungbo ngüpü künlanü
amütsü asukpü tüsho akeangyu thapü tuklobeah.
11Apinü amütsü chingnü rholobah atsü rhimobeah;
apinü mungtsü yimbeah tüsho ju müshambeah.
12Tümüde thiyuro-lungkirü kheak Atungpuh mükbo lah,
tüsho api nükhünbo arü tamkhüntamnükhi lim lah.
Tüshe Atungpuh miro amütsü rhimorü azhihde lah.”
13Kheakü nünü atsü rhimopü künsho shenü nü trünthsüpüla le? 14#Mt 5.10Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan. 15Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang; 16tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah. 17Tümüde amülim rhimopü dün a, Thrünpuh lümkhi thsüsho alungki rhimokhi dün thsünükhi atsübe ah. 18Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah; 19shepü hode apinü rihyam ching yübah mebo ki thsangyuthsangra, 20harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit, 21tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh, 22shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 PETER 3
3
Niuberübo tüsho Niubuhrübo
1 #
Efi 5.22; Kol 3.18 Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah, 2tümütüsho nüsa yakli küdükhüh atsangkhit a tüsho wüntrebe lanü arünü angübah. 3#1 Tim 2.9Nüsa jak tsükhi ju aleanglim kuyü müchekhi, suna züt thsükhi, tüsho khimmih atsü yihkhinü dülashih, 4tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang. 5Junangde ahokhi ching Thrünpuh kheak mulonglam larü amüsüh liberübonü arü niubuhrü bukkhüp lakhinü arü jak tsüde kamshih. 6Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.
7 #
Efi 5.25; Kol 3.19 Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.
Alungki Rhimo dün Thsünükhi
8Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang. 9Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah. 10Amüsühyunü thachoh,
“Shepünü rhangdung muzhola tüsho atsü nimungbo ngüpü künlanü
amütsü asukpü tüsho akeangyu thapü tuklobeah.
11Apinü amütsü chingnü rholobah atsü rhimobeah;
apinü mungtsü yimbeah tüsho ju müshambeah.
12Tümüde thiyuro-lungkirü kheak Atungpuh mükbo lah,
tüsho api nükhünbo arü tamkhüntamnükhi lim lah.
Tüshe Atungpuh miro amütsü rhimorü azhihde lah.”
13Kheakü nünü atsü rhimopü künsho shenü nü trünthsüpüla le? 14#Mt 5.10Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan. 15Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang; 16tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah. 17Tümüde amülim rhimopü dün a, Thrünpuh lümkhi thsüsho alungki rhimokhi dün thsünükhi atsübe ah. 18Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah; 19shepü hode apinü rihyam ching yübah mebo ki thsangyuthsangra, 20harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit, 21tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh, 22shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.