1 PETER 2
2
Arhang Lung tüsho Amüsüh Trükshih
1Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang. 2Aso zübekhi khungarübo nangde, me niuhke müthsün yungang, junü nüsa akhümkhit ching zokihbah; 3tümüde nüsanü Atungpuh mihmuzho tsahkeakheahdo.
4Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang; 5tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang. 6Tümüde amüsühyu ching ha thachoh,
“Kheahang, amokhitkhi tüsho shoto lung khülang inü Zion ching zochoh,
tüsho shepü api kheak kinbanü achih müngü.”
7Jumonü nüsa akinrübo ki api ju shoto ah, tüshe amükinrü thsungkheak,
“Thüyam-thsürünü abahyukkhi lung thsü amühit-lung adungtobe kamdo,”
8tüsho
“Arü jing mükhebe lung khülang,
arü angakshihbe lungto khülang”;
arü jing mükhechoh tümütüsho Thrünpuhnü alümjihkhi nangde arünü thiyu mani.
9 #
Tit 2.14
Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah. 10Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.
Thrünpuh Azhorübo
11I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh. 12Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.
13Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü, 14yungsho amülim rhimorü thsümüchipü tüsho alim rhimorü shijihpü apinü thiyikhi kovünorbo. 15Tümüde alim rhimokhinü makha mihtsürü yakli mümükheahde athakhi nüsanü zhikde akamshihpü Thrünpuh lümkhi lah. 16Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang. 17Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.
Khrista Thsünükhi Amütsan
18Yamlarübo, nüsa putungrübo, muzhode tüsho amüthsümrü ki lang yung tüshe amüküprü ki she khide wüntre jihang. 19Mihtsürü khürünü alim-mülakhi thsünü ching arümsho api athülünkhi lah tümütüsho apinü Thrünpuh anikhitlah. 20Tümütüsho nüsanü amülim rhimobah ju dün arümkhi nüsa tsakamkhi tümü la? Tüshe küyimki nüsanü alim rhimobah ju dün thsünükhi arümbanü Thrünpuh miki nüsa mungshipü lah. 21Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü. 22Apinü neak müyihbeak; amünnü akeangyu mütha. 23Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la. 24Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu. 25Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 PETER 2
2
Arhang Lung tüsho Amüsüh Trükshih
1Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang. 2Aso zübekhi khungarübo nangde, me niuhke müthsün yungang, junü nüsa akhümkhit ching zokihbah; 3tümüde nüsanü Atungpuh mihmuzho tsahkeakheahdo.
4Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang; 5tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang. 6Tümüde amüsühyu ching ha thachoh,
“Kheahang, amokhitkhi tüsho shoto lung khülang inü Zion ching zochoh,
tüsho shepü api kheak kinbanü achih müngü.”
7Jumonü nüsa akinrübo ki api ju shoto ah, tüshe amükinrü thsungkheak,
“Thüyam-thsürünü abahyukkhi lung thsü amühit-lung adungtobe kamdo,”
8tüsho
“Arü jing mükhebe lung khülang,
arü angakshihbe lungto khülang”;
arü jing mükhechoh tümütüsho Thrünpuhnü alümjihkhi nangde arünü thiyu mani.
9 #
Tit 2.14
Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah. 10Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.
Thrünpuh Azhorübo
11I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh. 12Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.
13Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü, 14yungsho amülim rhimorü thsümüchipü tüsho alim rhimorü shijihpü apinü thiyikhi kovünorbo. 15Tümüde alim rhimokhinü makha mihtsürü yakli mümükheahde athakhi nüsanü zhikde akamshihpü Thrünpuh lümkhi lah. 16Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang. 17Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.
Khrista Thsünükhi Amütsan
18Yamlarübo, nüsa putungrübo, muzhode tüsho amüthsümrü ki lang yung tüshe amüküprü ki she khide wüntre jihang. 19Mihtsürü khürünü alim-mülakhi thsünü ching arümsho api athülünkhi lah tümütüsho apinü Thrünpuh anikhitlah. 20Tümütüsho nüsanü amülim rhimobah ju dün arümkhi nüsa tsakamkhi tümü la? Tüshe küyimki nüsanü alim rhimobah ju dün thsünükhi arümbanü Thrünpuh miki nüsa mungshipü lah. 21Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü. 22Apinü neak müyihbeak; amünnü akeangyu mütha. 23Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la. 24Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu. 25Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.