San Mateo 27 的热门经文

分享

Lëhora naꞌtezi uredyiyaꞌ Jesús zidzo unëꞌ: ―Elí, Elí, ¿lama sabactani? ―ta inaro xtiꞌidzaꞌro: Xuzaꞌ Diuzi, Xuzaꞌ Diuzi, ¿bixquienꞌ apsanlaꞌadyoꞌ nëꞌëdiꞌ?

Lëhora naꞌtezi breꞌeza laꞌariꞌ zë gatzo laoꞌ idaoꞌ rnabëꞌra. Babreꞌezan gucan chopa laꞌa. Lëscanꞌ guca uz̃uꞌ ulaꞌan yo yela. Naꞌ beyalo beló yo ga yuꞌu benꞌ huati. Beban ja zë benꞌ baguti, benꞌ bë quie xtiꞌidzaꞌ Diuzi dza uzujëꞌ.

Naꞌ uredyiyaꞌ Jesús zidzo tatula, gutinëꞌ.

Naꞌ cati blëꞌë xanꞌ soldado lënëꞌ ja soldado quienëꞌ cabëꞌ guca uz̃uꞌ len itu ta guca, naꞌra bdzebijëꞌ unajëꞌ rëbijëꞌ laguedyijëꞌ: ―Tali naca benꞌ ni z̃iꞌi Diuzi.

Naꞌ bechula lao duz̃e ciudad naꞌ. Cadu laꞌodza uzulaon, naꞌ beyudyin ca du las tres quie zadzëꞌ.

Naꞌ unaba Pilato rëbinëꞌ lëjëꞌ: ―¿Biz̃i huaꞌ quie Jesús, benꞌ na useꞌelaꞌ Diuzi lëbëꞌ? Naꞌ yugutejëꞌ unajëꞌ rëbijëꞌ Pilato: ―¡Udaꞌloꞌnëꞌ lëꞌë yaga cruzo! Naꞌ una Pilato rëbinëꞌ lëjëꞌ: ―¿Biz̃i xquia bënëꞌ? Pero naꞌ unajëꞌ zidzo rëbijëꞌ lëbëꞌ: ―¡Udaꞌloꞌnëꞌ lëꞌë yaga cruzo!