1 Korinito 13 的热门经文

分享

E ‘onosa‘i le alofa, e agamalū, e lē losilosi le alofa, e lē mitamita vale le alofa, e lē fa‘afefeteina, e lē amio matagā, e lē sā‘ilia e ia ana lava mea, e lē fa‘aitaitagofie, e lē faitau leaga ‘ua tu‘uina mai e nisi.

O le alofa e lavātia mea uma, e leai se mea e gata mai ai lona fa‘atuatua, ma lona fa‘amoemoe ma lona ‘onosa‘i.

e lē fiafia i le amio leaga, ‘ae fiafia i le fa‘amaoni.

A o lenei, o tumau le fa‘atuatua, ma le fa‘amoemoe, ma le alofa, o nā mea e tolu; a o le sili o nā mea o le alofa lea.

E lē uma le alofa; ‘ae pe ni perofetaga, o le a fa‘alēaogāina ia; pe ni gagana, o le a mavae ia; po o le iloa, o le a fa‘alēaogāina lea.

A fai ‘ou te tautala i gagana a tagata ‘atoa ma agelu, ‘ae leai so‘u alofa, ‘ua ‘avea a‘u ma ‘apamemea ta‘alili, po o se sumepalo tagitagi.

‘Āfai fo‘i o ‘iā te a‘u ‘ona perofeta ane, ma le iloa o mea lilo uma, ma le malamalama uma lava; ‘āfai fo‘i o ‘iā te a‘u le fa‘atuatua uma e ‘ave ‘ese ai mauga, ‘ae leai so‘u alofa, ‘ou te lē aogā lava.

‘Āfai fo‘i ‘ou te tufatufaina a‘u mea uma e fagaina a‘i ē matitiva; ‘āfai fo‘i ‘ou te tu‘uina atu lo‘u tino ‘ina ‘ia susunuina, ‘ae leai so‘u alofa, e leai lava sona aogā ‘iā te a‘u.

Ona po na ‘ou itiiti ai, na ‘ou tautala ai fa‘atamaitiiti, na ‘ou mānatunatu fa‘atamaitiiti, na ‘ou filifili fa‘atamaitiiti; a ‘ua o‘o ‘ina o‘u tagata matua, ‘ona ‘ou tia‘i lea o mea a tamaiti.