1 Korinito 12 的热门经文

分享

‘Ua foa‘iina ta‘itasi i tagata le fa‘aaliga o le Agaga e aogā ai.

A o ‘outou, o le tino o Keriso ‘outou, ma itū tino ta‘ito‘atasi.

Pe ‘āfai e tigā le tasi itū tino, ‘ia tigā fa‘atasi ai itū tino uma lava; pe vi‘ia le tasi itū tino, ‘ia ‘oli‘oli fa‘atasi ai itū tino uma lava.

Auā ‘ua foa‘iina mai i le tasi i le ‘upu o le poto e le Agaga; e i le tasi le ‘upu o le malamalama, e tusa ma le Agaga e tasi. E i le tasi le fa‘atuatua e le Agaga e tasi; e i le tasi o mea alofa e fa‘amālōlō a‘i ma‘i e le Agaga e tasi. E i le tasi na te faia vāvega, e i le tasi o le perofeta; e i le tasi o su‘ega o agaga; e i le tasi o gagana ‘ese‘ese; e i le tasi o le fa‘amatalaga o gagana.

E matuā galue fo‘i na mea uma e lea lava Agaga e tasi, o lo‘o o tufatufa i tagata ‘ia ta‘itasi ma lana mea, pei ‘ona finagalo i ai o ia.

‘ina ne‘i i ai i le tino se māseiga, a ‘ia fētausia‘i fa‘atasi uma itū tino.

E matalasi mea alofa, ‘ae tasi lava le Agaga ia. e matalasi fo‘i faiva, ‘ae tasi lava le Ali‘i ia; e matalasi fo‘i mea mamana, ‘ae tasi lava le Atua o lē na te matuā galue i mea uma i tagata uma lava.

‘Ua fa‘atūina fo‘i e le Atua i le ekalesia muamua o ‘aposetolo, o lona lua o perofeta, o lona tolu o a‘oa‘o, pito ane i ai o ē fai vāvega, i le ma ē maua mea alofa e fa‘amālōlō a‘i ma‘i, o ē fesoasoani, o ta‘ita‘i, o ē tautala i gagana.

Auā fo‘i o le tino e lē se itū tino e tasi lea, ‘ae peita‘i o itū tino e lasi.

‘Ae peita‘i e sili lava ‘ona aogā itū tino e ta‘ua e vaivai

‘Āfai o mata uma le tino, pe fa‘apefea ‘ona fa‘alogo? ‘Āfai na o le fa‘alogo lava, pe fa‘apefea ‘ona sogi? A o lenei, ‘ua tu‘uina e le Atua itū tino e ta‘itasi ma lana tu i le tino, pei ‘ona finagalo i ai o ia. ‘Āfai fo‘i o mea uma o le itū tino e tasi ia pe fa‘apefea le tino?