Mateo 2 的热门经文

分享

Ek'uchiri' xeb'ok pa ri ja, xkil ri ralko ak'a ruk' ruchu María. Xexuki'ik y xkiloq'nimaj uq'ij. Xkijaq k'u uchi' ri kikaxa y xkiya taq sipanik che, wa' re oro, re incienso y re mirra lik ki' ruxlab'.

Ri Jesús xalax chila' Belén re Judea echiri' e rey ri Herodes. Xeb'opon k'u Jerusalem jujun achijab' e petinaq pa releb'al lo ri q'ij. Rike lik k'o kina'oj puwi taq ri ch'umil. Jek'uwa' kakib'i'ij: —¿Pa k'o wi ri rey ke raj judi'ab' alaxinaq? Ma ri'oj xqil ruch'umil k'a pa releb'al lo ri q'ij; yey e wa' oj petinaq cha' ko'lqaloq'nimaj uq'ij —kecha'.

Rike echiri' xkil ri ch'umil, lik xeki'kot che.

Chaq'ab' k'u ri', xq'alajisax chike pa wachik' na ketzelej ta chi pa k'o wi ri Herodes. Ruma k'u ri', xetzelej pa kitinamit pa jun chik b'e. Echiri' rachijab' e aj na'oj eb'elinaq chub'i ruk' ri Jesús, xuk'ut rib' jun ángel re ri Dios pa uwachik' ri José y xub'i'ij che: «Chatyaktajoq, cheb'ak'ama b'i rak'a y ruchu. Chixanimaj b'i k'a Egipto y chixkanaja chila' k'ate kamb'i'ij chiwe jampa kixpetik, ma ri Herodes kutaq utzukuxik rak'a cha' kakamisaxik» xcha'.