लुका 14 的热门经文

分享

“हम्‍र चेला बन चाहिलाहारले आप्‍न बाप-मतार, बहु, बेटा-बेटि, दाजुभाइ, दिदि-बहिन आ आप्‍न परानस बेसि हम्‍रा मयाँ नाइ कर्तो त उ हम्‍र चेला हब नाइ सक्‍तो।

जुन मानुकले हम्‍र लागि आप्‍न कुरुस बोकिक दुख भोग तयार नाइ हेतो आ हम्‍रा नाइ पछ्‌याइतो, उ हम्‍र चेला हब नाइ सक्‍तो।

किरकि जुन मानुक बर्कि बन खोज्‍तो, उ कन्‍कि हेतो आ जुन मानुक कन्‍कि बन्‍तो, उ बर्कि हेतो।”

एनाहिमे जुन मानुकले आप्‍नसङ भेल सभे चिज हम्‍र लागि नाइ छोर्तो, उ हम्‍र चेला हब नाइ सक्‍तो।

किरकि तोर्सिभोरिम कोन घर बनाब खोज्‍त खुमा आप्‍नसङ भेल ढेवास घर बनाब पुग्‍तो कि नाइ पुग्‍तो कहिक अगाहि बेठिक हिसाप नाइ कर्तो? तर ओइले हिसापे नाइ करिक घरक जग घाल्‍तो आ पुरा कर नाइ सक्‍तो त देख्‍लाहार मानुकस्‍या ओक्‍रा गिज्‍याइति एनामे कहतो, ‘यि मानुकले घर बनाब त सुरु करल्‍को तर पुरा कर नाइ सकल्‍को।’

तर तुइं भोज धिब त बरु गरिब, लुलह, नेङ्‌रा आ अन्‍धासिका बला। तब तुइं आसिक पाइब किरकि ओकर्स्‍या तोर कर्ल गुन फिर्ता कर नाइ सक्‍तो। तर पर्मेसोरले धर्मि मानुकसिका फेरि जिउँत कर्त खुमा तुइं एक्‍र इनाम पाइब।”

“नुन अस्‍लि चिज स्‍यो तर नुनक स्‍वादे ओराइतो त ओक्‍रा फेरि कथिस नुन्‍गर बनाइब? उ न त जमिनक लागि, न त मलक लागि काम लग्‍तो। ओक्‍रा त मानुकस्‍या फेकि देतो। जक्‍र सुन्‍लाहार कान छो ओइले सुनुस।”