लुका 13 的热门经文

分享

येसुले जबाफ देति ओकर्सिका कहल्‍के, “साँक्‍र मुह्‌रास भित्‍रि ढुक लागि कोसिस कर् किरकि थुप्‍रे मानुकसब ओइम ढुक लागि कोसिस कर्तो तर नाइ सक्‍तो।

ओइलग अठार बरिसस भुत लगिक कुभ्‍र निकल्‍ल एक जना जनि छले। उ जनि कनेक सना पनि सिधा भइक ठेर्याब नाइ सकेक। जब येसुले ओक्‍रा देखल्‍के त आप्‍नलग बलाइक एनामे कहल्‍के, “गे जनि, आब् तुइं यि समस्‍यास छुट्‌करा पाइल स्‍या।”

तब येसुले ओक्‍र उप्‍रिम आप्‍न हाथ राखल्‍के त उ चट्‌दबर सिधा भेले आ पर्मेसोरक पर्संसा कर लग्‍ले।

तर तोर्स्‍या यि जान् कि अगा भेल्‍हारसब पछा हेतो आ पछा भेल्‍हारसब अगा हेतो।”

जब घरक मालिकले उठिक केबारिका बन् कर्तो त तोर्स्‍या बाहारम ठेर्याइक एनामे कहति केबारिका ढक्‍ढकाइब, ‘हे प्रभु, हमर्सिक लागि केबारि खोलि देन।’ तर ओइले तोर्सिका कहतो, ‘तोर्स्‍या कतस आइल स्‍या? हम तोर्सिका नाइ चिन्‍स्‍यो।’

हम तोर्सिका कह स्‍यो, ओना नाइ स्‍यो तर तोर्स्‍याहु पस्‍चताप नाइ कर्ब त ओनाहिमे मोर्ब।”

तर घरक मालिकले फेरि जबाफ देति एनामे कहतो, ‘तोर्स्‍या कतस आइल स्‍या? हम तोर्सिका नाइ चिन्‍स्‍यो। ए पाप कर्लाहारसब तोर्स्‍या हम्‍रलगस गइहाल।’

तब येसुले ओकर्सिका कहल्‍के, “पर्मेसोरक राज्‍ये कथि जक्‍या छो? ओक्‍र तुलना हम कथिसङ करुँ? उ त राइ सागक बिचन जक्‍या स्‍यो, जक्‍रा एक जना मानुकले आप्‍न बारिम छिर्याइछे त जर्मिक एगो गाछ हब्‍छे। अनि ओक्‍र डार-बखारम फुदिसब आइक खोँट्‌रा बनाइछे।”