JOŊRE 2 的热门经文

分享

Piyer raw riŋ rage ga : Ɓoɗ we jag go ti ɓlagge ɓayn wo, wosela ɓuy mo yãã ga á mo joŋ batem se go de ɗúu Yeso Kris, maga Baa mo fug ɓil go ne nday ti ɓlagge ɓayn wo day ni nday daʼge fen maga Nenterse ma bay ɗagn hãn ne nday yaŋe.

Á raw wo lagge coʼ sug hadge jar peele Yeson wo no, joŋ wo re ti ngel ɓe doo ga á laa wo no lay, tay wo jag ɓaara boŋ doo hẽẽrebe wo nono, ɓes wo hoole ti yoo kããra de ele, lag wo tos ge tum tumi.

Á wo ɓuy ɓil ɓaara raw bag ge go de Nenterse ma bay ɗag mbaŋ mbaŋ, raw wo tĩĩ wer wãɗ jag dehãy. Nenterse ma bay ɗag hã ne hara ga á mo wãɗ wo doosen no.

Ngel raw sam ge le ciŋ de egre doo leegen no, raw baa ɓil tiŋ maga á wo de lagge ni go ɓuy. Mopo wo doo trum wùu, raw wo age le ti ɓaara, raw dus gi go ne hara ti boŋ boŋ ɓuy. Á wo ɓuy ɓil ɓaara raw bag ge go de Nenterse ma bay ɗag mbaŋ mbaŋ, raw wo tĩĩ wer wãɗ jag dehãy. Nenterse ma bay ɗag hã ne hara ga á mo wãɗ wo doosen no.

Tay wo ɓi tiŋ Baa tum tum, tay wo ɓes hoole le liŋ lay, re wo hoole ɓil go ti kããra feh fehe, ɓil go de fug gi ti kããra feh feh lay. Lag wo togoɗ Baa tum tum, jar ɓuy da ra lay, ti naw tum tum Waŋkluu ɗe jar le, yãɗ ra go jag ɓlagge ɓaaran wo, tay ra ne hara yoo ni.

Baa ga wo day ge ti wur naw ma blam tawn Ndi kaa ge Nenterse ɓin go ne jar téebeere wo ti krub ɓuy, Weere ɓay ma twerpiiri de ma tenaare kol ge wo yaŋ siɗ wããre ɓin go, Fẽẽre mbuɗgi ndar ge nen nen weere jõõre ɓay wo, Lwaɗ ge lwaɗge jar ma de tããrebe ɓayn wo yaŋ.

Jar ma de yãã wããre Yeso Krisn tay wo jag ɓaara boŋ, á raw wo tay fẽẽre ɓaaran ti kẽẽ boŋ lay. Yeɗ wo payre ɓaara go, de fẽẽre ɓaara wo, ɓesn wo go ti yoo ɓaara ma yaɗ re ma see ɓaaran wo.

Day wosela maga yaŋ ɗe ɗúu Waŋkluu jag, á yãã je sen go.

Ndi kol wur ge go diŋ suŋgu, Ndi kol few go cíi lay, Ndi joŋ sen wo go taŋgu maga Waŋkluu wo le fer ge mono, wur sen diŋ wur ma de el debaŋ, Waŋkluu grag wur sen de woore debaŋ.