JOŊRE 1 的热门经文

分享

Nday daʼ ge egre yaŋ ti wur maga Baa ɓoʼ ge Nenterse ɓen le ti ɓay mo ɗa ane. Blam sen nday kol ge diŋ jar siɗ re ɓin go Jerusalem, go ɓi sir Jude ɓuy, go Samari, hãã go ti jag sir taw ge ɓuy lay.

Yeso raw fer wããre ne hara ga : Sen bay diŋ re ɓay ma ko naw wo de wur maga a ge mo wa, werga ngaɓ naw sen diŋ Baa de egre ɓe no.

Ti wur maapo á raw hayge re hoole yoo ɓaara, kal riŋ rage ga : Yaʼ we go se Jerusalem hãã wa, gor we fen maga Baa hay riŋ ti ɓe mono, fen maga ndi hay riŋ nday ti ɓe ga Baa ɓoʼn yaŋ le ne nday mono. Werga Jaŋ joŋ batem jar diŋ de bii, ama ma ɓay naw gwaʼ rab koɗe, á joŋ ge batem ɓay yaŋ diŋ de Nenterse ma bay ɗage.

Blam húulí ɓe se dog ɓaale pur ndar nen see ɓe ne hara naw doo naa, ga á mo ko wo se, ga se yaŋ tenene. Se raw wãɗ wããre ne hara ti twaywaŋ mani Baa no.

Blam wããre sen Yeso kal rawge wo ciŋ, á raw wo lagge ko raw ge ɓe wo ciŋ lagge, swaare raw yoŋ ge ɓe go nen ɓaara.

De maga á caa wo waŋ wo de nen ɓaara ciŋ wer Yeso mo lag, ko la, jar po wo ɓog de õõbe ti depiiri see ɓaara la lagge. Á raw wo wii rage ga : Nday jar Galile no, nday lag ɓay ko nen ɓay wo ciŋ le la? Yeso je maga hay wo yoo ɓay la, day raw wo ciŋ mo caw no, á fer ge yaŋ le doo maga nday de ko ge ɓe wo raw ge ciŋ no caw pa no.