ROM 2 的热门经文

分享

Midangte a mawhna hangin thu khenin, no zong tua amau mawhnate mah na bawl veve uh ciangin Pasian’ thukhenna tawh kipelh tuan dingin ki-um peuhmah na hi uh hiam? Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Tua ahih ciangin midangte’ thu a khen note pen kuakua hita le-uh cin na suakta tuan kei ding uh hi. Midangte na mawhsakna uh thute mah note zong gamta veve na hih manun, no zong a mawh mah na hi uh hi.

Bang hang hiam cih leh Pasian in kuamah deidan loin mi khempeuh tungah a kibangin thu a khen hi.

Thukham zakna bek hangin Pasian tawh kipawlna a piang hi lo a, thukham sunga Pasian’ genna bangin a gamtate bek Pasian tawh a kipawl thei ahi hi.

Bang hang hiam cih leh Pasian in mi khempeuh a gamtatna uh tawh kizui-in thukkik ding hi.

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.