APAN AQAO: 32 的热门经文

分享

Aiyaug wa ni" mang wa Yaku mangad: lo nae" ngad: ra". Nao wa Mao"So we' re: byu qe we' re: jho" zhaug' aung: pye' ava". Airumung: ni" mang wa Israel ngad: li" nae"- ga: ta" ra".

Ai: yaug wa ngore lhag' ke' la, se,- mug: bo" li" na: ava"- ga: ta" ra". Yaku wa ngore mashaman" byid: byid: wa nao re malhag' ke' nae"- ga: tau" ra".

Ngadqere: yao: wa dayaug za: thao mae thang: gyo" ra". Ailao" byu dayaug joe" li" mung: mug: bo" sho' yao: we' jho" zhaug' ako".

Yaku wa- ngo wa Mao"So re myo, khung: te' te' yao: the' myao va". Ngadqere: ngo ana" joe" sho' daui: na: jo, shi"- ga: ta" ra". Aimung: yao: wa ai: jo, qo re Penie ga: mhang" ra".

Ai: yaug wa yao: makhao" aung: rure myao lao"- yao: wa Yaku nho: paung jhaung re thaung" ke' mung: paung qug: shai" lo" byaug: ra".

Ailao" ai byu yaug wa ni" mang pe" ngad: i? ga: myid' ra". Yao: wa Yaku ngad: ga: phaug' tau" ra".

Ailao" Yaku wa ana" ngore ni" mang ta" kyo: la,- ga: ta" ra". Ngadqere: aiyaug wa nao pe"mung: nga" mang re ba nug: i? ga: tau: mung: ai: thao yao: wa Yaku re shaman" byid' ra".

Ni" jeim pho" ngore nao qhu" byid' ra" nhag' khyag' ru alhab' we' dao:so: zaung: ra" khyo jham re ngo kham: yu man: qi" yaug mangad:- ngo wa Yodan gyaung: re zaung: bao" dalam: za: ci yang: gau" de; li" va". Ana" ngo wa ce: shid' phung: we' daga" dam: tug' lo va".

Israel byumyu" qe wa paung jhaung qug: xo' ra" gatau mae" shogyi: re ana" ba joe" sho' lhao" re: mazo: ngad: ako". Pe"mung:ga"re Yaku nho: paung jhaung shogyi: re thaung" shai" pye' byid: yang: ngad: ra".

Ailao"- Yaku wa- nga" phug' Abraham nho: Mao"So nga" pho" Isag nho: Mao"So we"- ngore tae" gyo: byid: la, wo"- ASANG we" nao wa ngore nga" mug: khyo we' nga" amyu" qejhao" tug' phao: lo" wa,- nao wa ngore ja: khao: ngo" mae gai kad' byid: nae"- ga: ta" to" ra".

Ngo re nga" mao: Eso nho: lo, mae" khyad' yu la,- ein: akyu" mho' ra". Ngo gyaug: ra"- yao: joe" li" mung: ngonhaung" re gye li" kad' yang: ngonhaung" alhab' re li" se' pye' nae". Yao: myhi" qere we' zoshao qere lhao" re: li" se' pye' nae" rure ngo gyaug: ra".