ወንጌል ዘማቴዎስ 24 的热门经文

分享

ወእምብዝኀ ዓመፃ ወእከይ ትሴኵስ ፍቅር እምብዙኃን። ወዘሰ አዝለፈ ትዕግሥቶ ውእቱ ይድኅን።

ወይሰበክ ዝ ወንጌለ መንግሥት ውስተ ኵሉ ዓለም ከመ ይኩን ስምዐ ላዕለ ኵሉ አሕዛብ ወይእተ አሚረ ይበጽሕ ኅልቅት።

ወሀለወክሙ ትስምዑ ቀትለ ወድምፀ ጸባኢት ዑቁ ኢትደንግፁ እስመ ግብር ይከውን ከማሁ ወባሕቱ አኮ በጊዜሃ ዘየኀልቅ።

ወይትነሥኡ ሕዝብ ዲበ ሕዝብ ወነገሥት ላዕለ ነገሥት ወይመጽእ ረኃብ ወብድብድ ወድልቅልቅ ወሀከክ በበ በሓውርቲሁ። ወዝንቱ ኵሉ ቀዳሚሁ ለሕማም።

ሰማይ ወምድር የኀልፍ ወቃልየሰ ኢየኀልፍ።

እስመ ብዙኃን ይመጽኡ በስምየ እንዘ ይብሉ አነ ውእቱ ክርስቶስ ወያስሕትዎሙ ለብዙኃን።

አሜሃ ይትባጽሑክሙ ወይሜጥዉክሙ ለምንዳቤ ወይቀሥፉክሙ ወይቀትሉክሙ ወይጸልኡክሙ ወትከውኑ ጽሉኣነ በኀበ ኵሉ ሰብእ በእንተ ስምየ። ወአሜሃ የዐልዉ ብዙኃን ሃይማኖቶሙ ወይጻልኡ በበይናቲሆሙ ወይትቃተሉ። ወብዙኃን ሐሳውያነ ነቢያት ይመጽኡ ወለብዙኃን ያስሕትዎሙ።

ወአውሥአ እግዚእ ኢየሱስ ወይቤሎሙ ዑቁ ኢያስሕቱክሙ።

ከማሁ አንትሙሂ ድልዋኒክሙ ሀልዉ እስመ በጊዜ ኢተሐዘብክሙ ይመጽእ ወልደ ዕጓለ እመሕያው።

ትግሁ እንከ እስመ ኢተአምሩ በአይ ሰዓት ይመጽእ እግዚእክሙ።

ወበእንተሰ ይእቲ ዕለት ወኪያሃ ሰዓት አልቦ ዘየአምራ ኢመላእክተ ሰማይ ወኢወልድ ዘእንበለ አብ ባሕቲቱ።

እስመ ይትነሥኡ ሐሳውያነ መሲሕ ወሐሳውያነ ነቢያት ወይገብሩ ተአምራተ ወመንክራተ ዐበይተ ለአስሕቶ ሶበሰ ይትከሀሎሙ ለኅሩያንሂ እምአስሐትዎሙ።

ወበከመ ኮነ በመዋዕለ ኖኅ ከማሁ ይከውን ምጽአቱ ለወልደ ዕጓለ እመሕያው። በከመ ይእተ አሚረ እምቅድመ አይኅ ይበልዑ ወይሰትዩ ያወስቡ፥ ወይትዋሰቡ እስከ አመ ቦአ ኖኅ ውስተ ንፍቀ ታቦት። ወኢያእመሩ እስከ አመ መጽአ ማየ አይኅ ወአጥፍአ ኵሎ ከማሁኬ ይከውን ምጽአቱ ለወልደ ዕጓለ እመሕያው።