དེ་ལས་ པེ་ཏྲོ་གིས་ ཨ་ན་ནའི་ཨཱས་ལུ་ ཁྱོད་ཀྱི་སེམས་ཁར་བདུད་ སེ་ཏཱན་གྱིས་ལཱ་འབད་དེ་ ས་གཞི་ བཙོང་བཙོངམ་གི་ཏི་རུ་དེ་ ཁྱོད་རང་གི་དོན་ལུ་ཡང་བཞག་སྦེ་ ཁྱོད་ཀྱིས་དམ་པའི་ཐུགས་ཉིད་ལུ་ག་ཅི་འབད་རྫུན་མ་ཞུཝ་སྨོ། ས་གཞི་འདི་ མ་བཙོང་ཚུན་ཚོད་ ཁྱོད་རང་གི་ཨིན་མེན་ན་ དེ་ལས་བཙོང་ཚརཝ་ད་ཡང་ ཏི་རུ་དེ་ཁྱོད་ཀྱི་དབང་ཚད་ལུ་ཡོདཔ་ཨིན་མེན་ན་ དེ་བཟུམ་ཨིན་པ་ཅིན་ ཁྱོད་ཀྱིས་ལཱ་དེ་ག་དེ་སྦེ་འབད་ཚུགསཔ་སྨོ་ ཁྱོད་ཀྱིས་མི་ལུ་མེན་པར་ དཀོན་མཆོག་ལུ་རྫུན་མ་ཞུ་ཡི་ཟེར་སླབ་ད། ཨ་ན་ནའི་ཨཱས་ཀྱིས་བློ་དེ་གོཝ་ཅིག་ ས་ཁ་འགྱེལ་སྦེ་ཤི་སོང་ནུག་ དེ་ལས་ཨ་ནི་བློ་དེ་གོ་མི་ཆ་ཁྱབ་ག་ར་ གནམ་མེད་ས་མེད་འདྲོག་ཆེ་ནུག