མཛད་པ་ལེའུ་ 4 的热门经文

分享

ཡེ་ཤུ་མ་གཏོགས་གཞན་ག་གི་ནང་ལས་ཡང་ཐར་པ་མི་ཐོབ་ ག་ཅི་སྨོ་ཟེར་བ་ཅིན་ ཐར་པ་ཐོབ་པའི་དོན་ལུ་ ཁོ་གི་མཚན་མ་གཏོགས་ དཀོན་མཆོག་གིས་གཞན་ག་གི་མིང་ཡང་ ཞིང་ཁམས་ཀྱི་འོག་ལུ་ཡོད་མི་ཚུ་ལུ་མ་གནང་པས་ཟེར་ཞུ་ནུག

ཁོང་གིས་སྨོན་ལམ་ཞུ་ཚར་བའི་ཤུལ་ལས་ ཁོང་འཛོམས་མི་ས་གནས་འདི་ གནམ་མེད་ས་མེད་གཡོམ་བརྐྱབས་ནུག་ དེ་ལས་ཁོང་ག་ར་ དམ་པའི་ཐུགས་ཉིད་ཀྱིས་གང་སྟེ་ དཀོན་མཆོག་གི་གསུང་འདི་སྤོབས་པ་ཆེ་ཏོག་ཏོ་སྦེ་བཤད་ཚུགས་ནུག།

གཙོ་བོ་ལགས་ ད་ཁོང་གནོད་པ་བཀལ་མི་ཚུ་ལས་ ང་བཅས་ལུ་སྲུང་སྐྱོབས་མཛད་གནང་ལགས་ དེ་ལས་ནཱ་གི་ཕྱག་ཞུ་མི་འདི་ཚུ་ལུ་ ག་དེ་དྲག་དྲག་ ནཱ་གི་གཏམ་བཟང་བཤད་ནི་གི་སྤོབས་གནང་།

ཨ་ནི་ཡེ་ཤུ་འདི་གི་སྐོར་ལས་ གསུང་རབ་ནང་། ཁྱེད་རྩིགཔ་བཟོ་བོ་འདི་ཚུ་གིས་ མིག་ཁར་མ་རྐྱབ་པར་ཕར་བཀོག་བཞག་མི་རྡོ་འདི་ ད་ལྟོ་ཁག་ཆེ་ཏོག་ཏོ་ ཁྱིམ་གྱི་ཟུར་རྡོ་སྦེ་འགྱུར་ཡོདཔ་ཨིན་ཟེར་ དེ་སྦེ་བྲིས་ཏེ་འདུག

ལྷན་ཚོགས་ཆ་ཁྱབ་ཀྱིས་ པེ་ཏྲོ་དང་ ཡོ་ཧ་ནཱན་གྱི་བློ་སླབ་ཐངས་གསནམ་ད་ ཆོས་མ་བལྟ་མི་ མི་གནགཔོ་བཟུམ་གྱིས་ ག་དེ་སྦེ་སྤོབས་པ་ཆེ་ཏོག་ཏོ་སྦེ་བློ་སླབ་སྨོ་ཟེར་ ཁོང་གཉིས་ལུ་བལྟ་སྟེ་ ཡ་མཚན་ཆེ་ནུག་ འདི་ཚུ་ཡེ་ཤུ་དང་མཉམ་གཅིག་སྡོད་དེ་ཤེས་ཤེསཔ་ཨིན་མས་ཟེར་ ཁོང་གིས་མཁྱེན་ནུག

དེ་ཁར་དད་པ་བསྐྱེད་མི་ག་ར་སེམས་དང་མནོ་བསམ་གཅིག་སྦེ་མཐུན་ཏེ་ ཁོང་གི་གྲལ་ལས་གཅིག་གིས་ཡང་ རང་གི་རྒྱུ་ཕྱེད་ཀྲམ་ཨིན་ཟེར་མ་སླབ་པར་ ཁོང་ནང་ག་ཡོད་མི་ ག་ར་གཅིག་ཁར་བསྡོམས་ཏེ་སྦུག་ལུ་བཞག་ནུག