Malika 2 的热门经文

分享

Neke baho umwene Jesu neke alupulikage neke baho avalongelage atigilage: avadzila-fitamwa avo vasisakula umujava-migoda nda, avatamwa avo visakula umujava-mi-goda. Neke unene sindadzile mukuvasakula avagolofu, hamu ndadzile mukuvasakula avahosi.

Neke baho Jesu, avye aluvwene ulufuvo lwana-vo, neke alongage kwa muńitela neke atigilage: ve mwâna vangu uveve, ndikuvodzidze indzanangifu dzako.

Kangi neke ongele-dzage Jesu neke atigilage: ińwabaha jigavilwe ukuta jivedzage ja munu, mutane ukutigila agavilwe umunu ukuta avedzage va ńwabaha.

Neke vavye valemilwe apakumwingihidza, pakuva avanu vali volofu, neke baho vatimulage kukyâńa kwikiṅa neke vateganihidzage, pe pe ali umwene. Neke lino vavye vapangwe pavwingililo, neke baho vamusolotosage baho nulupasa lwakwe, lwe alambalye umuńitela.

Neke lino kye ndesile nigilage: mumumańage lino umwâna va munu ukuva muńa-vutavulilwe vwa kudzivodzehedza indzanangifu kwen’eńi kuno, neke lino ndikukuvu-la uveve nditigila: vwitwikage ulupasa lwako, uhelelage kukâja jako. Lwe lwene lwe alongaga kwa muńitela.

Neke atigilage: lwebepe lulikwi ulwa kulonga kwa muńitela uju, nulwa kuta ndikuvodzidze indzanangifu dzako nulwa kuta vwimage ugendage, vwitwikage nuvulili vwako?

Neke umwene nakalingi neke image neke itwikage nulupasa lwakwe neke ahumage kwivala, pe vilolela vonda. Neke vakuvilage vonda neke vamulumbage Nguluvi neke vatigilage: dzivonike, dze tusina tudzivona ponu.