Vaeburania 10 的热门经文

分享

Gutamërekee ntende ëyoo a utang'ana itambëëmwe, mwino chuu vangëja vëutendaa. Ëgweeso ëgunoneye giarëëya gusoko mwino mughune Itiku ëroo ra Müküü rahumbeeraa.

Gujindame gwa gitendëa nëmaja gwa goongeeya wikunkunyayi wa giarëëya sese gwa sese we giyanja na utenda në maja.

Gukwatëërë ighonje ritu nëguurëhanyaa, gusoko Muungu nëwatendie iraghano rakwe ra tutë tuutë.

Muufenjiwa sa mwina ughimëëyi, mudahe utenda nëuguyafenja Muungu na uhanga gasëë nëwagëvëkie mëhadi.

Gwa uvii gumuhumbeere Muungu gwa nkhoo në njeru na uhuvëi nëukhondekie, gwa nkhoo nëyeeriwe ufuma mu damiri nëmbë, na gwa mëërë nëooyiywe gwa majë në maja.

Uvii, mutauyaghayee, umpampaghu wanyu, gusoko ugumuhangëya gëfewa gëkhuu.

Gusoko nëgwafwaghëëra utenda mahutye gwa ghuyëda kunu gwadahie umëmanyaa tutë, gutie ikumbëko nërëdahëte udwëëywa kangë gusoko a uheya mahutye. Nërësaghie unë gwindëëra gutufu gwa choghofi iramwëëywa ra Muungu na moto nëukharë nëujie uvameeya voong'e nëvëumufëngaa.