Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 8 的热门经文

分享

Rü woo duü̃xü̃gü namaxã tupanaã̱xgu rü namaxã coriã̱xgu i muxü̃ma i ta̱xacü i ñoma i naanewa ngẽxmagüxü̃ rü ta̱xacü i daxũguxü̃ i naanewa ngẽxmagüxü̃, natürü yixema nüxü̃ tacua̱x nax wüxitama yixĩxü̃ ya Tanatü ya Tupana ixĩcü. Rü nüma ya Tanatü nixĩ i naxüaxü̃ i guxü̃ma i ta̱xacü i ngẽxmaxü̃, rü naxca̱x nixĩ i imaxẽxü̃ i yixemax. Rü ngẽxgumarüxü̃ ta nangẽxma i wüxitama ya tórü Cori ya Ngechuchu ya Cristu. Rü yimágagu nixĩ nax nangẽxmaxü̃ i guxü̃ma, rü yimágagu nixĩ i tüxü̃́ nangẽxmaxü̃ i maxü̃.

Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃. Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.

Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.

Natürü i pema i nüxü̃ nax pecuáxü̃ nax tama pecadu yixĩxü̃ nax nangṍxü̃ i ngẽma namachi, ¡rü pexuãẽgü erü ngürüãchi ngẽma nax pengṍxü̃gagu chixexü̃gu tá penayixẽxẽ i ngẽma peenexẽgü i taxũta aixcüma poraexü̃ i norü õwa!