Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 8:1-2

Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃. Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.