Romans 3 的热门经文

分享

Evribody don sin and wi don fall komot from God glory, but God don make us dey rite with am thru en free gift wey E give us, bikos of Jesus Christ wey save us.

Na di faith wey pesin get for Jesus Christ go make am dey good for God eye. Anybody wey bilive Jesus, God dey make en faith strong, weda e bi Jew or Gentile pesin.

Na God give us Jesus Christ, so dat thru en blood, E go forgive us awa sins wen wi bilive Christ. God do dis to show sey before-before, E dey patient to forgive pipol dia sins. Dis still show sey God dey rite wen E asept pipol wey bilive Jesus Christ. E dey ponish sinnas, so dat wi go know sey en na God wey nor like sin. Like dis, God show sey en dey rite and anybody wey bilive Jesus Christ, E dey make dem dey rite too.

Nobody dey good for God eye, bikos e dey obey di law. But na thru di law, wi take know wetin sin mean.

Just as God word sey, “Nobody dey raitious. Nobody dey wey wise or undastand God. Evribody don turn leave God, all of dem don bi yeye for God eye. Nobody dey do wetin good at-all.

So, na thru faith pesin go dey rite with God, nor bi as e obey di law rish.

Even doh evry human being dey lie, God nor fit lie. God word sey: “Make yu dey tok wetin bi trut; so dat yu go fit win yor kase wen dem dey judge yu.”