1 CORINTH 15 的热门经文

分享

Tua ahi ziehin kang itte aw, kiptahin dingin kilawh sih unlen, note in TOPA sunga na nasepna uh a mawhna a hi lo lam thei na hi ziehun TOPA’ nasepna ah a hoi thei penin ma na pang zing un.

Ahi vangin i TOPA Jesu Khris tungtawna guolzawna ei pie Pasien tungah lungdam i ko hi.

Mi kisolsah sih un: “Kigoppi hoi lo in opdan hoite siesah hi.”

Ahi vangin Pasien’ hepina ziehin kei pen ka hi bang ka hi a, ama in kei tunga ei pieh a hepina pen a mawhna suoh lo hi. Tuale mahin amate khatpo sangin zong nasep ka hakat zaw a, - tua khu kei sep hi sih nanle - keima ei ompi Pasien’ hepina in a sep ahi hi.

“Sina aw, na gu hei-ah a om ta a, sina aw, na guolzawna hei-ah a om ta ahei?” ci-a a kigielsa thu ang tangtung ding hi. Sina gu in mawna hi a, mawna’ vanglietna in thukham ahi hi.

Ngai un, thuthuh khat kang gen ding hi! Eite zosie a si sieng ding i hi sih vua, pengkul nukhia pen ang gin ciengin mitphet kal bano khat sungin i unpi-un i kikhel sieng ding uhi. Azieh pen pengkul ang ging ding a, a sisa mite a sie thei nawn lo dingin ang tho ding a, eite i kikhel ding uhi.

Azieh pen mi khat ziehin sina a tun ma bangin mi khat tungtawn ma-in misite thawkiana a tung hi. Bangzieh ahei cile Adam sungah mi zosie a si bangin Khris sungah mi zosie kihingsah ding hi.

Bangzieh ahei cile tami a sie thei pumpi in siet thei lona sil ta ding a, tami a si thei pumpi in zong si thei lona sil ta ding hi.

Bangzieh ahei cile ama in a galte zosie a keng nei-ah a koi masangsie vai a hawm ding hi. A kisusie ding gal nukhia pen sina ahi hi.