Maʼtɛ́as 24 的热门经文

分享

A kɔbɛ́ kó kólɛ́ɛ́ kosambɛdɛɛ́, nnyɔ́ŋánán yɛ ɛ́fɔlɛ́ ɛ́ pɔɔd ɛlɛ́ɛ́ kodɔɔ. Náa, nyɔ́ adɛndɛ́ɛ́ koʼtiɛngɛlɛdɛɛ́ súʼtə́ə́ a nɛman, nyóon aa Táán alɛ́ɛ́ komoyɔ́yɛɛ́.

Tɔsɔm Tólaŋ tó a Nɛlaamɛʼ tóod, tólɛ́ɛ́ kaálɔɛgɛ a nsí ngim. Tólɛ́ɛ́ kɛɛn mbaasɔ́ a ungim nyɔ́ andɛŋɛnɛɛ́ Táán. Áay anɛ́ɛ́n áa nɛman nɛ́lɛ́ɛ́ kiimií.

Polɛ́ɛ́ koob pɔ́ɔsɔyɔ lɛ́ pɛdá pɛ́lɛ agaánɔɛyɛ áanɛ ndúmiʼ, ɔmbɔ́ lɛ́ kága laálá, podɛʼtámmána. Nkə kɛ́ɛg kiim kígóódi lɛ́ kɛáyɛ́ɛlɛ. Náa, kɛ́dɛndɛ́ɛ́ kɛɛn lɛ́ nɛman nɛ́ nsí aa nɛ́ɛn.

Kɛ́lɛ́ɛ́ kɛɛn lɛ́ nigúu nɛ́ɛnɛ nɛ́lɛ agonɔɛyɛ nɛ́ʼkága pɛdá, kɛsom kɛ́ nɛlaamɛʼ kɛ́ɛnɛ kɛ́anɔɛyɛ kɛ́ʼkága. Məyíi málɛ́ɛ́ kudə́əŋ a ombod ó koon mɔɔd. Nsí ɛlɛ́ɛ́ kəə́nyigən a pɛnɔ piíŋ. Pɛbán pɛ́ɛb piim pɛ́lɛ́ɛ́ kɛɛn wɔnɔ́ ntɔ́b yɛ́ ɔʼkɛ́ɛd alɛanɛɛ́ na yɛ́lɛ́ a kɛnɛŋ kɛ́ ɔsánɛʼ.

Mbálámɔɛn ɛlɛ́ɛ́ kosan, nsí tɛn yɛ́ɛnɛ yɛ́ɛsan, náa tɔgɛ́ɛ́ tóam tólɛ a pəliə́g.»

Kɛ́lɛ lɛ́ ɛ́fɔlɛ́ ɛ́lɛ́ɛ́ kiim na niiŋ nɛ́am a unuʼ. Na nyóon ɔnɔ́ nyɔ́lɛ́ aa alɛɛ́ Məsíi . Pálɛ́ɛ́ kuními ɛ́fɔlɛ́ ɛ́ pɔɔd ngə́.

Pɔɔd pálɛ́ɛ́ koboólɛg lɛ́ ná pə́buúyəʼkəni, páboyóóna. Pandɛŋ Táán piim pálɛ́ɛ́ koboóbɛnɛn a kidíídí kɛ́am. Pɔɔd piíŋ áa pálɛ́ɛ́ kudə́ŋií a kɛnɛŋ kɛ́ɛg. Pálɛ́ɛ́ kolɛganan pɔ́lɛ́ na pɔ́lɛ́, páabɛmbɛnanan. Ɛ́fɔlɛ́ ɛ́ palɔɛgɛʼ pɛbán pá pɛnyaʼ pálɛ́ɛ́ kolónan. Pálɛ́ɛ́ kɛɛlɛ lɛ́ pɔɔd piíŋ pə́nim ngə́.

Yə́sus əyíbuyúlísíni ɔnɔ́: «Lóʼkɔ́dɔɔn óo! Lóʼkɔ́dɔɔn agɛɛlɛ lɛ́ mɔɔd ədiyíbulígə o!

Kólɛ́ aa ndábodɛ́anɛ lɛ́ púləndin poágaáboŋ pɛnɛŋ piim lɛ́ Mɔɔ́n o mɔɔd alɛ́ɛ́ kiim alon a kɛnɛŋ kɛ́ podɛáfɛgɛɛ́ lɛ́ alɛ ugiim.»

Podɛyádóó anɛ́ɛ́n kaádoán lɛ́ podɛálɛŋ naanɛ́g áa Sə́dúk waaŋan əə́ndəgimbuúlinií.

«Náa, mɔɔd na mɔɔd andɛŋɛn wɔɔ́s ogo na kɛnɛŋ kɛ́go kɛ́ pɛbán pɛ́ɛb pɛ́lɛ́ɛ́ kaásánɛ́ɛ́. Ɔmbɔ́ məŋun má maʼtom má málɛɛ́ a mɔɛn mándɛŋɛn, ɔmbɔ́ mɛ nyɔ́ ndɛɛ́ Mɔɔ́n, ntɛlɛŋɛn. Mbáa nyɔ́lɛ́nyɔ́əsíŋ áa aálɛŋ.

Kɛ́lɛ lɛ́, ɛ́fɔlɛ́ ɛ́ pa Məsíi pá pɛfaa, na palɔɛgɛʼ pɛbán pá pɛfaa pálɛ́ɛ́ kiimən. Pálɛ́ɛ́ kɛɛlanɛ ɛ́fɔlɛ́ ɛ́ mangán na pɛálɛ́ʼkán pɛ́ pɛgóón əgulígə pɔɔd. Ngə́ ɛmaʼkɛɛn kɔ, pálɛ́ɛ́ kulígə tɛn ɔmbɔ́ pɔsɔ́g pá Táán əyííyid.

Nkə kɛ́ kɛ́yásánɛ́ɛ́ a kɛnɛŋ kɛ́ Nówə kɛ́lɛ́ɛ́ kaásan tɛn náan yoom ímuʼ ná mɛ Mɔɔ́n o mɔɔd ndɛ́ɛ́ kimbuúlini. Kɛ́lɛ lɛ́, əgín wɔnɔ́ nkə kɛ́ kɛ́yásánɛ́ɛ́ a kɛnɛŋ kɛ́ɛg ná Táán ayɛ́ɛ ədíʼtə́əŋi noó nó noɛ́mɛ́n nsí ngim, pɔɔd páyɛ́ɛ əgín moom mó konɛ kɔɔ́nyɔg, poloʼ koŋo, poban kusiədə, na pɛdɔ́ʼtɔn kɛɛnan súʼtə́ə́ əgiig a wɔɔ́s wó Nówə yɛɛ́sɔ́d a siʼtíməʼ Ɔmbɔ́ mɔɔd ayɛ́ɛ adɛáságɛ́mɛ́ɛ́ yoom. Wɔɔ́s wóow wááság kiim əgiig, noó nuə́də́əŋ, ungim əə́wú Náan tɛn yoom ímuʼ aa kɛ́lɛ́ɛ́ kaásánɛ́ɛ́ ná mɛ Mɔɔ́n o mɔɔd ndɛ́ɛ́ kimbuúlinií.