Нүүдл 7 的热门经文

分享

Зуг Деед Эзн Мошед келҗәнә: – Хәлә, Би чамаг хаана төлә Бурхн болдгар, чини ах Ахарон чини әәлдәч болдгар кенәв.

Зуг Би хаана зүркнь догшн болдгар кенәв. Би Египетд өвәрц кесг тоот болн темдг учранав, болв хан тадниг соңсшго. Тер цагт Би Мини һариг Египет деер тәвнәв. Би Египетәс Мини цергиг, Мини улсиг – Израилин улсиг көтлҗ һарһнав. Мини цааҗ әәмшгтә!

Мини һарин күндәс көлтә Египетд кен Деед Эзн болҗахинь медх, – Би Израилин улсиг эднә һазрас һарһҗ йовулнав.

Болв хан цецн болн илвтә эврә улсан дуудна. Тедн, Египетин илвтә улс, эврәннь илв һарһхларн, әдл тиим юм кев: күн болһн эврә тайган һазрт хайхла, тер тайгуднь моһаст хүврв. Зуг Ахарона тайгнь эднә цуг тайгудынь зальгчкна.

Деед Эзн Танд келҗәнә: Деед Эзн кен болҗахинь ода чи медхич! Би эн һартан бәрҗәсн тайгарн һолын усар цокхла, усн цусн болх.

– Өвәрц юм үзүл, гиҗ хан таднас сурхла, хаана өмн эврә тайган хайхинь Ахаронд заквр өгхлә, тайг моһад хүврх. Моше болн Ахарон хаанд ирәд Деед Эзнә келсәр кев: хаана болн энүнә мухласин өмн һазрт Ахарон тайган хайна. Тайгнь моһад хүврҗ одна.