ಮತ್ತಾಯ 24 的热门经文

分享

ಇದ್‍ಲ್ಲತೆ ಪಾಪ ದುಂಬಿತ್, ದುಂಬ ಜನಡ ಪ್ರೀತಿ ತಣ್ಂಜ್ ಪೋಪ. ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ದೇವಡ ರಾಜ್ಯತ್‍ರ ಈ ನಲ್ಲ ಸುದ್ದಿ ಎಲ್ಲಾ ಜನಕು ಸಾಕ್ಷಿಯಾಯಿತ್ ಪ್ರಚಾರ ಆಯಿತ್‌ಪ್ಪ. ಅಕ್ಕ ಅಂತ್ಯ ಬಪ್ಪ.

ಯುದ್ದತ್‍ನ ಪಿಂಞ ಯುದ್ದತ್‍ರ ಸುದ್ದಿನ ಕ್‍ೕಪಿರ. ಆಚೇಂಗಿ ನಿಂಗ ಬೊತ್ತತನೆಕೆ ಎಚ್ಚರತ್ ಇರಿ. ಎನ್ನಂಗೆಣ್ಣ್‌ಚೇಂಗಿ ಇನ್ನನೆ ಎಲ್ಲಾ ನಡ್‌ಕಂಡು. ಆಚೇಂಗಿಯು ಅದ್ ಅಂತ್ಯ ಕಾಲವಾಯಿತ್‌ಪ್ಪುಲೆ.

ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಪ, ಬರಗಾಲ ಬಪ್ಪ. ಇದೆಲ್ಲ, ಪೊಣ್ಣಾಳ್‌ಕ್ ಪೆರುವ ನೊಂಬಲ ಸುರು ಆಪನೆಕೆ.

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಎನ್ನಂಗೆಣ್ಣ್‌ಚೇಂಗಿ ನಾಡ ಪೆದ ಎಣ್ಣಿಯಂಡ್, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದುಂಬ ಜನ ಬಂತ್ ಜನಳ ವಂಚನೆ ಮಾಡ್‌ವ.

ಅಕ್ಕ ನಿಂಗಳ ಹಿಂಸೆ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟಿತ್, ನಿಂಗಳ ಕೊಲ್ಲ್‌ಚಿಡುವ. ನಾಡ ಪೆದತ್‍ನಗುಂಡ್ ಎಲ್ಲಾ ದೇಶತ್‍ರ ಜನ ನಿಂಗಳ ದ್ವೇಶ ಮಾಡ್‌ವ. ಆ ಸಮಯತ್‍ಲ್ ದುಂಬ ಜನ ನಂಬಿಕೆಯಿಂಜ ದೂರ ಪೋಯಿತ್, ಒಬ್ಬಂಗ್ ಒಬ್ಬ ಮೋಸ ಮಾಡಿತ್, ಒಬ್ಬಂಡ ಮೇಲೆ ಒಬ್ಬ ದ್ವೇಶ ಮಾಡ್‌ವ. ದುಂಬ ಕಳ್ಳ ಪ್ರವಾದಿಯಂಗಡ ಕೂಟ ಬೊಳ್ಂದಿತ್ ದುಂಬ ಜನಳ ಮೋಸ ಮಾಡ್‌ವ.

ಅದ್ಂಗ್ ಯೇಸು: ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್ ಇರಿ.

ಆನಗುಂಡ್ ನಿಂಗಳು ತಯಾರಾಯಿತಿರಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಗೇನ ಮಾಡತ ಸಮಯತ್‍ಲ್ ಮನುಷ್ಯಕುಮಾರ ಬಪ್ಪ.

ನಿಂಗಡ ಒಡೆಯ ಎಕ್ಕ ಬಪ್ಪಾಂದ್ ಗೊತ್ತಿಲ್ಲತಗುಂಡ್, ಎಚ್ಚರವಾಯಿತಿರಿ.

ಆ ದಿನವು, ಆ ಸಮಯವು ನಾಡ ಅಪ್ಪನಾನ ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತ್‌ಲ್ಲೆ. ಪರಲೋಕತ್‍ಲ್ ಉಳ್ಳ ದೇವದೂತಂಗಕೂ ಪಿಂಞ ಅಂವೊಂಡ ಮೋಂವೊಂಗೂ ಸಹ ಗೊತ್ತಿಪ್ಪುಲೆ.

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ನೋಹಂಡ ದಿವಸತ್‍ಲ್ ಎನ್ನನೆ ನಡ್ಂದತೋ, ಅನ್ನನೆ ಮನುಷ್ಯಕುಮಾರ ಬಪ್ಪ ಕಾಲತ್‍ಲು ನಡ್‍ಪ. ಎನ್ನನೆ ಎಣ್ಣ್‌ಚೇಂಗಿ ಜಲಪ್ರಳಯ ಬಪ್ಪಕ್ ಮಿಂಞ, ನೋಹ ಕಪ್ಪಲ್‍ರ ಒಳ್‍ಕ್ ಪೋಪಕತ್ತನೆ ಜನ ಉಂಡಿತ್, ಕುಡಿಚಿತ್ ಮಂಗಲ ಕಯಿಚಂಡ್ ಮಂಗಲ ಮಾಡಿ ಕೊಡ್‌ತಂಡ್ ಇಂಜತ್. ಜಲಪ್ರಳಯ ಬಂತ್ ಎಲ್ಲಾ ಜನಳ ಒಕ್ಕಿಯಂಡ್ ಪೋಪಕತ್ತನೆ ಅಯಿಂಗ ಅರ್ಥ ಮಾಡತೆ ಇಂಜತ್. ಅನ್ನನೆ ಮನುಷ್ಯಕುಮಾರ ಬಪ್ಪ ಕಾಲತ್‍ಲು ಇಪ್ಪ.