Loos 8 的热门经文

分享

Peb paub tas Vaajtswv siv txhua yaam kws tshwmsim lug ua yaam zoo pub rua cov kws hlub Nwg, cov ntawd yog cov kws Nwg tau hu lug lawvle Nwg lub homphaj.

Ruaqhov kuv paub tseeb has tas yeej tsi muaj ib yaam dlaabtsi kws yuav cais tau peb tawm ntawm Vaajtswv txuj kev hlub le: txawm yog kev tuag lossis kev muaj sa nyob, cov timtswv lossis cov kws muaj fwjchim kaav sau nruabntug, nwgnuav lossis yaav tomntej, sau nruabntug lossis huv nruab tivtxwv, yeej tsi muaj ib yaam kws yog Vaajtswv tsim es yuav muaj peevxwm muab peb cais tau tawm ntawm Vaajtswv txuj kev hlub kws nyob rua huv Yexus Khetos tug kws yog peb tug Tswv hlo le.

Ib yaam nkaus le ntawd, thaus peb tsaugmuas Vaaj Ntsujplig lug paab peb. Ruaqhov peb tsi paub tas peb yuav thov yaam twg, tabsis Vaaj Ntsujplig yog tug thov Vaajtswv paab peb ntawm lub suab ntsaaj lawg kws tsi muaj leejtwg yuav pav tau.

Yogle ntawd, peb yuav has lecaag txug tej nuav? Yog Vaajtswv tuaj peb tog lawm, leejtwg tseem yuav tawmtsaam tau peb?

Nwgnuav tsi muaj kev rautxim rua cov kws nyob rua huv Yexus Khetos lawm.

Tug kws ca saab nqajtawv ua tug tswj nwg, thaus kawg nwg yuav raug kev pluj kev tuag, tabsis tug kws ca Vaaj Ntsujplig ua tug tswj nwg, thaus kawg nwg yuav tau txujsa hab kev thaajyeeb.

Tabsis txawm yogle ntawd los, Khetos tug kws hlub peb, tub paab peb kovyeej txhua yaam ntawd huv tuabsi lawm!

Kuv suav has tas txuj kev txomnyem kws taamsim nuav peb raug yeej pev tsi tau tug tshwjchim ci ntsaa-ab kws Vaajtswv tseem yuav pub rua peb yaav tomntej nuav.

Leejtwg tseem yuav cais tau peb tawm ntawm Khetos txuj kev hlub hab? Teebmeem puas cais tau, lossis kev nyuajsab, kev tsimtxom, kev tshaib nqhes, kev tsi muaj khaubdluag naav, kev txhawj-ntshai, lossis kev pluj kev tuag puas cais tau?

Vaajtswv tug kws pum moog rua huv peb lub sab, yeej paub txug Vaaj Ntsujplig tej kev xaav; ruaqhov tej kws Vaaj Ntsujplig thov paab rua Vaajtswv cov tuabneeg, tej ntawd yeej lawvle Vaajtswv lub sab nyam.

Cov kws ca Vaajtswv tug Ntsujplig ua tug coj, cov ntawd yog Vaajtswv cov mivnyuas.

Cov kws ua lub neej lawvle saab nqajtawv, cov ntawd yeej xaavntsoov rua tej kws saab nqajtawv ntshaw. Tabsis cov kws ua lub neej lawvle Vaaj Ntsujplig, cov ntawd yeej xaavntsoov rua tej kws Vaaj Ntsujplig lub sab ntshaw.

Vaajtswv yeej tsi cawm Nwg tug Tub, tabsis Nwg muab Nwg tug Tub lug theej peb suavdlawg lub txhoj! Nwg tub pub tau Nwg tug Tub, es Nwg tseem yuav muab tsi tau txhua yaam pub dlawb rua peb hab nua lov?

Vaajtswv tug Ntsujplig nrug rua peb tug ntsujplig ua timkhawv has tas peb yog Vaajtswv cov mivnyuas. Vim peb yog Vaajtswv cov mivnyuas lawm, peb yuav tau txais tej koobmoov kws Nwg npaaj tseg rua Nwg tsaav tuabneeg, hab peb yuav tau nrug Yexus Khetos txais tej kws Vaajtswv tau npaaj tseg rua Nwg lawm hab; ruaqhov yog peb tub nrug Khetos koom Nwg txuj kev txomnyem lawm, peb yeej yuav tau nrug Nwg koom Nwg tug tshwjchim kws ci ntsaa-ab hab.

Cov tuabneeg kws ca saab nqajtawv ua tug tswj puab, cov ntawd ua yeebncuab rua Vaajtswv; ruaqhov puab tsi ua lawvle Vaajtswv txuj kevcai, qhov tseeb tag, puab yeej coj tsi tau lawvle txuj kevcai ntawd.

Ibpuas tsaavyaam kws Vaajtswv tsim, yeej togntsoov nub kws Vaajtswv yuav qha txug Nwg cov mivnyuas.

Peb paub tas txij thaus u lug txug najnub nua, ibpuas tsaavyaam kws Vaajtswv tsim ntsaaj ntsoogqeeg nrug txuj kev mob, ib yaam le tug quaspuj kws mob plaab yuav yug mivnyuas.