Loos 5 的热门经文

分享

Tabsis Vaajtswv tau qha Nwg txuj kev hlub rua peb le nuav: thaus peb tseem yog tuabneeg txhum, Khetos tub tuag theej peb lawm!

Txuj kev casab nuav tsi ua rua peb taag kev casab, ruaqhov Vaajtswv tau laub Nwg txuj kev hlub lug rua peb lug ntawm qhov kws Nwg tau pub Vaaj Ntsujplig tug dlawbhuv lug nyob rua huv peb lub sab.

Tsi taag le ntawd xwb, peb tseem zoosab rua peb tej kev txomnyem, ruaqhov peb paub tas kev txomnyem ua rua muaj kev ua taug sabntev tiv, kev ua taug sabntev tiv ua rua muaj kev ua hum Vaajtswv sab, hab kev ua hum Vaajtswv sab ua rua muaj kev casab.

Nwgnuav, lug ntawm txuj kev ntseeg, Vaajtswv suav has tas peb yog tuabneeg ncaajnceeg; peb muaj kev sis raugzoo nrug Vaajtswv yog lug ntawm peb tug Tswv Yexus Khetos. Lug ntawm txuj kev ntseeg, Nwg tau coj peb lug ua neej nyob rua huv Vaajtswv txuj moovhlub. Yogle ntawd, peb txhaj zoosab hab casab has tas peb yuav tau koom nrug Vaajtswv tug tshwjchim kws ci ntsaa-ab!

Thaus kws peb tseem paab tsi tau peb tugkheej, Khetos tau lug tuag txhwv cov kws yog tuabneeg txhum lawv nraim le lub sijhawm kws Vaajtswv tau teem tseg lawm.

Lug ntawm Nwg cov ntshaav, nwgnuav peb txhaj ua tau tuabneeg ncaajnceeg; tshaaj qhov ntawd ntxiv, Nwg tseem yuav cawm kuas peb dlim ntawm Vaajtswv txuj kev chim hab!

Vim tuabtug tsi noog Vaajtswv lug xwb ua rua suavdlawg poob kev txhum huv tuabsi, tuabyaam nkaus le ntawd, vim tuabtug noog Vaajtswv lug xwb ua rua suavdlawg tau lug ua tuabneeg ncaajnceeg huv tuabsi.

Tsi taag le ntawd xwb; peb zoosab heev rua Vaajtswv lug ntawm peb tug Tswv Yexus Khetos, tug kws tau coj peb lug ua Vaajtswv le phoojywg.