1 Kauleethaus 2 的热门经文

分享

Lecaag los xij, Vaajtswv Txujlug tau sau tseg has tas: “Tej kws qhovmuag tsi tau pum lossis qhovntsej tsi tau nov, tej kws tuabneeg lub sab xaav tsi txug has tas yuav muaj, tub yog tej kws Vaajtswv npaaj tseg rua cov tuabneeg kws hlub Vaajtswv ntaag.”

Tug kws tsi muaj Vaaj Ntsujplig, tug ntawd yeej txais tsi tau tej kws Vaajtswv tug Ntsujplig pub, ruaqhov nwg yeej tsi totaub txug tej ntawd hab nwg suav has tas tej ntawd yog kev ruag rua nwg; ruaqhov tej ntawd yog has txug saab Ntsujplig.

Tabsis Vaajtswv muab zaaj kws Nwg muab zais ca lawm lug nthuav qha rua peb paub lug ntawm Nwg tug Ntsujplig. Vaaj Ntsujplig tshawb txhua yaam, txawm yog tej kws Vaajtswv muab npug ca nyob tub heev los Nwg yeej paub huv tuabsi.

Peb tsi tau txais nplajteb tug ntsujplig; tabsis peb tau txais tug Ntsujplig kws Vaajtswv khaiv lug, sub peb txhaj totaub txhua yaam kws Vaajtswv muab pub rua peb.

Tej lug kws kuv has hab tej kws kuv qhuabqha yeej tsi yog lug ntawm tuabneeg lub tswvyim txawjntse kuas xwv tau tuabneeg lub sab, tabsis yog tej lug kws qha kuas suavdlawg pum txug Vaajtswv tug Ntsujplig lub fwjchim. Yogle ntawd, mej txuj kev ntseeg txhaj tsi nyob rua ntawm tuabneeg tej kev txawjntse, tabsis nyob rua ntawm Vaajtswv lub fwjchim.