1 Kauleethaus 1 的热门经文

分享

Tabsis Vaajtswv xaiv yaam kws tuabneeg nplajteb suav has tas ruag kawg nkaus lug ua kuas cov txawjntse txaajmuag; hab Nwg xaiv yaam kws tuabneeg nplajteb suav has tas tsi muajzug lug ua kuas cov tuabneeg muajzug txaajmuag.

Rua cov tuabneeg kws taabtom yuav puamtsuaj moog, mas qhov kws has txug tug ntoo khaublig yog ib qhov kws ruam heev rua puab; tabsis rua peb cov kws taabtom txais txuj kev cawmdlim, mas qhov ntawd yog Vaajtswv lub fwjchim ntaag.

Ruaqhov Vaajtswv txuj kev ruag tseem ntse dlua le tuabneeg lub tswvyim, hab Vaajtswv txuj kev tsaugmuas tseem muajzug dlua le tuabneeg lub zug.

Vaajtswv yog tug kws ncaajnceeg, Nwg yog tug kws tau hu mej lug koom nrug Nwg tug Tub Yexus Khetos kws yog peb tug Tswv.

Cov kwvtij, lug ntawm peb tug Tswv Yexus Khetos lub npe, kuv thov kuas mej ib leeg noog ib leeg has sub txhaj yuav tsi ua rua mej tawg ua paab ua pawg. Mej yuavtsum koom ib lub sab, koom ib txuj kev xaav hab muaj ib lub homphaj xwb.

Yogle ntawd, cov tuabneeg muaj tswvyim nyob qhovtwg? lossis cov xwbfwb kws qha Kevcai nyob qhovtwg? lossis cov tuabneeg kws txawj siscaav txug tuabneeg tam nuav tej tswvyim nyob qhovtwg? Vaajtswv tub ua rua tuabneeg nplajteb lub tswvyim ruag lawm!