1 Kauleethaus 15 的热门经文

分享

Yogle ntawd cov kwvtij kws kuv hlub, mej yuavtsum sawv khovkho hab ruaj nreeg. Rausab ntso ua tug Tswv tegnum, ruaqhov mej tub paub lawm has tas, tej dlejnum kws mej ua nyob rua huv tug Tswv yeej yuav tsi nkim mej lub zug le.

Tabsis ua Vaajtswv tsaug, vim Nwg tau pub txuj kev muajyeej rua peb lug ntawm peb tug Tswv Yexus Khetos!

Tsi xob pub leejtwg ntxag tau mej: “Kev nrug tej tuabneeg phem, yuav ua rua puag tug cwjpwm kws zoo.”

Tabsis vim Vaajtswv txuj moovhlub es kuv txhaj muaj nyob zoole nuav, hab txuj moovhlub kws Vaajtswv tau muab pub rua kuv ntawd tsi yog taag dlawb taag dlo. Tabsis kuv tseem ua num nyaav dlua taagnrho cov timthawj huv tuabsi, tseeb tag, tsi yog kuv ua ntawm kuv tugkheej, tabsis yog Vaajtswv txuj moovhlub kws nyob rua huv kuv ua tug ua.

“Txuj kev tuag, koj txuj kev muajyeej nyob qhovtwg? Txuj kev tuag, koj tej taug nyob qhovtwg?” Tej taug ntawm txuj kev tuag yog kev txhum, hab lub fwjchim ntawm txuj kev txhum yog tej kevcai.

Mej cale ua tuabzoo noog, kuv yuav qha ib zaaj kws muab npug ca lawm rua mej paub: Peb txhua tug yuav tsi tuag huv tuabsi, tabsis thaus lub raajxyu nrov ua zag kawg, tuab ntsais muag xwb peb yuav hloov dlua tshab. Ruaqhov thaus lub raajxyu ntawd nrov, tes cov kws tuag lawm yuav sawv rovqaab lug, yuav tsi tuag ib zag ntxiv le lawm, hab peb txhua tug yuav hloov dlua tshab.

Vim txuj kev tuag tau tshwm lug ntawm ib tug tuabneeg lug lecaag, txuj kev sawv huv qhovtuag rovqaab lug, kuj yuav tshwm lug ntawm ib tug tuabneeg ib yaam le ntawd hab. Txhua tug raug kev pluj kev tuag vim koom nrug Adaas lecaag, txhua tug yuav sawv huv qhovtuag rovqaab lug vim koom nrug Khetos ib yaam le ntawd hab.

Ruaqhov lub cev kws txawj lwj yuav hloov ua lub kws tsi txawj lwj; lub cev kws txawj tuag yuav hloov ua lub kws tsi txawj tuag.

Ruaqhov Khetos yuavtsum kaav moog txug thaus Vaajtswv muab txhua tug yeebncuab tso rua huv Nwg qaab xibtaws. Tug yeebncuab kawg kws Vaajtswv yuav muab rhuav kuas puamtsuaj moog yog txuj kev tuag.