1 Kauleethaus 13 的热门经文

分享

Kev hlub yog kev ua sabntev hab muaj lub sabzoo; kev hlub tsi muaj khib, tsi khaavtheeb lossis tsi muabhlub; kev hlub tsi yog kev uanruj uatsiv, tsi yog xaam pum yug tugkheej xwb, tsi laam npautawg yoojyim; tsi cimntsoov luas tej kev txhum

Kev hlub yeej tiv taag moog le, ntseeg taag moog le, casab taag moog le, hab sabntev taag moog le.

kev hlub yeej tsi zoosab rua txuj kev phem, tabsis zoosab rua txuj kev tseeb.

Nwgnuav muaj peb yaam kws tseem muaj nyob: kev ntseeg, kev casab, hab kev hlub; tabsis yaam kws luj tshaajplawg huv tuabsi yog kev hlub.

Kev hlub yuav nyob moog ibtxhis. Tabsis kev cev Vaajtswv Txujlug yuav txawj xaus moog; kev haslug txawv-txawv yuav txawj tsum tsi has ntxiv lawm; hab tej kev txawjntse yuav txawj pluj moog.

Txawm yog kuv has tau tuabneeg tej lug hab timtswv ceebtsheej tej lug los, yog kuv tsi muaj kev hlub, tes tej kws kuv has ntawd zoole tej suab tswb tooj tswb hlau kws nrov-nrov xwb.

Txawm yog kuv tau qhov khoomplig kws muaj cuabkaav cev Vaajtswv lug, hab muaj txhua yaam kev txawjntse hab totaub txug txhua yaam kws tsi muaj tuabneeg paub; hab txawm yog kuv muaj txuj kev ntseeg kws muab tau tej tojroob hauvpeg txaav moog rua lwmqhov los, yog kuv tsi muaj kev hlub, tes kuv yeej tsi muajnqes dlaabtsi hlo le.

Txawm yog kuv yuav muab txhua yaam kws kuv muaj pub rua lwmtug, hab tuamyeem muab kuv lub cev rua luas hlawv los, yog kuv tsi muaj kev hlub, tes tej nuav yeej tsi muajnqes dlaabtsi rua kuv hlo le.

Thaus kuv tseem yog ib tug mivnyuas yau, kuv tej kev haslug, kev xaav, hab kev coj tseem zoole mivnyuas yau; tabsis thaus kuv hlub tav txiv lawm, kuv tsi ua le mivnyuas yau ua lawm.