Mar koq liq 2 的热门经文

分享

Tawd u ve haq Yer suq gha kad thad, yawd i hehd haq kawq koz vid che, “Chehd sa che chaw teq pa naz chuhd sehr phad haq maq lor. Nag che chaw teq pa lehax lor che yaog. Thed che cawd che chaw teq pa haq kug yug tug ngag lag che ma hez. Vend bax yad teq pa haq kug yug tug ngag lag che yaog,” lehd koz vid che yaog.

Yer suq awr lehr i hehd yonr che ni ma haq gha mawg che te yand, khi kud laq kuhr suh vehr che chaw haq, “Yad par-og, nawg ved vend bax phehd kha vehr che yaog,” lehd koz vid che yaog.

Kheh te lehq yawd kawq koz che, “Sa ba to awg ni awr lehr chaw yad awg pun te lar che yaog. Chaw yad awr lehr, Sa ba to awg ni awg pun te lar che ma hez.

Chaw chehd mad che haq te lehq, Yer suq chehd lo i hehd gehe mad gag lehq, Yer suq chehd chehd che awg thang huh beh lar che haq i hehd phaz kha che yaog. Kheh te lehq phaz kha lar kig huh, khi kud laq kuhr suh che chaw yuhq chehd che yuhq phi haq i hehd phehd yaq pe che yaog.

Kheh te cheaq te lehq, chaw yad ve Yad phu awr lehr, mig gig khod-aq lo vend bax phehd kha tug kand pax cawg che haq nig hehd gha sir vid tug,” lehd koz peg lehq, khi kud laq kuhr suh che chaw haq kawq koz vid che, “Ngag nawg haq koz ax laq, tu lor. Nawg ved yuhq phi haq taz ve lehq nawg ved yehg lo koeq lor,” lehz yawd haq koz vid che yaog.

Khi kud laq kuhr suh che chaw te ghad haq tawd khar ve te khuhd a cehax koz vid ver sa hawg le. Nawg ved vend bax phehd kha vehor lehd koz vid che sa hawg la. Ma hez ver, Tu lehq nawg ved yuhq phi haq taz ve lehq yaq kaw tod kae-o lehd koz vid che sa hawg la.

Awg yand u ve haq yawd teq pear lehax tu lehq, yuhq phi haq taz ve lehq chaw kheh ma ve mehz khuhd suhr yawd tuhz veh che yaog. Kheh te lehq, chaw kheh ma ve and lehq Ghig sa haq chid ir chid muh vid lehq, “A nig te pawz-a liz che kheh te che haq mad mawg jaw,” lehd koz che yaog.