San Mateo 19 的热门经文

分享

Jesú ʉ̃sãrẽ ĩꞌagʉ̃ta ĩꞌa, niwĩ: —Masã na basu weetutuase meꞌrã yʉꞌrʉmasĩtisama. Õꞌacʉ̃ pũrĩcãrẽ basioꞌo. Cʉ̃́ma ne apeyenojõ weeta basiotise marĩꞌi, niwĩ.

Tojo weerã na pʉarã nitima. Niꞌcã upʉta nima. Tojo weerã Õꞌacʉ̃ aꞌmesʉꞌoꞌcãrãrẽ masã dʉcawaaticãꞌrõʉaꞌa, niwĩ Jesú.

Jesú narẽ yʉꞌtiwĩ: —¿Mʉsã Õꞌacʉ̃ ye queti ojáca pũrĩrẽ buꞌemirã, masĩweti? Õꞌacʉ̃ nipeꞌtise cʉ̃ ne waro weenʉꞌcãcateropʉ ʉmʉ, numio weecʉ niwĩ. Tuꞌajanʉꞌcõ, aꞌtiro nicʉ niwĩ: “Tojo weegʉ ʉmʉ cʉ̃ pacʉre, cʉ̃ pacore wija, cʉ̃ nʉmo meꞌrã nigʉ̃sami. Na pʉarã niꞌcã upʉ weronojõ nirãsama”, nicʉ niwĩ Õꞌacʉ̃.

Ʉ̃sã tojo nicã, Jesú ʉ̃sãrẽ niwĩ: —Wĩꞌmarãrẽ yʉꞌʉ tiro aꞌticã duꞌuoꞌoya. Narẽ cãꞌmotaꞌaticãꞌña. Wĩꞌmarã marĩnojõrẽ añurõ ẽjõpeoma. Ãpẽrã quẽꞌrã wĩꞌmarã weronojõ yʉꞌʉre ẽjõpeorã yʉꞌʉ pacʉ wiogʉ nirõpʉ waꞌarãsama, niwĩ.

Tojo nimicã, pãjãrã niꞌcãrõacãrẽ wiorã weronojõ nirã́ beꞌropʉre mejõ nirã nirãsama. Pãjãrã niꞌcãrõacãrẽ mejõ nirã peꞌe quẽꞌrã beꞌropʉre wiorã weronojõ nirãsama, niwĩ.

Ãpẽrã nipeꞌtirã yʉꞌʉre ẽjõpeose buꞌiri na ye wiꞌserire, na acawererãrẽ, na pacʉsʉmʉarẽ, na põꞌrãrẽ, na ye diꞌtare duꞌucũuwãꞌcãrã quẽꞌrãrẽ aꞌtiro waꞌarosaꞌa. Peje waro na cõꞌawãꞌcãꞌque nemorõ ñeꞌenemorãsama. Tojo nicã Õꞌacʉ̃ meꞌrã catinuꞌcũrãsama.

Jesú cʉ̃rẽ niwĩ: —Mʉꞌʉ Õꞌacʉ̃ dutisere weepeꞌosĩꞌrĩgʉ̃, nipeꞌtise mʉꞌʉ cʉosere duapeꞌocjʉ̃ waꞌaya. Duatoja, te duaꞌque wapare pajasecʉorãrẽ oꞌoya. Mʉꞌʉ tojo weegʉ ʉꞌmʉsepʉ peje añuse cʉogʉsaꞌa. Tojo weetojanʉꞌcõ, yʉꞌʉre sirutugʉ aꞌtia, niwĩ.

Jesú cʉ̃rẽ yʉꞌtiwĩ: —¿Deꞌro weegʉ yʉꞌʉre añuse cjasere sẽrĩtiñaꞌti? Niꞌcʉ̃ta añugʉ̃ nimi. Cʉ̃ Õꞌacʉ̃ nimi. Mʉꞌʉ catinuꞌcũsĩꞌrĩgʉ̃, Õꞌacʉ̃ dutise cũuꞌquere weeya, niwĩ.

Apaturi mʉsãrẽ nigʉ̃ti tja. Cameyo wãmetigʉjo awiga yuta da pĩꞌosõrõrĩ pepʉ sãjãa yʉꞌrʉtẽrĩcã, diasa niꞌi. Yʉꞌʉ pacʉ wiogʉ nirõpʉ peje cʉogʉ waꞌacã peꞌema, totá nemorõ diasa niꞌi, niwĩ.

Yʉꞌʉ cʉ̃ nʉmorẽ cõꞌagʉ̃rẽ aꞌtiro nigʉ̃ti. Co apĩ meꞌrã ñaꞌarõ weetimicã, cõꞌagʉ̃nojõ apegore nʉmotigʉ, cʉ̃ nʉmo nitigo meꞌrã aꞌmetãrãgʉ̃ weronojõ tojasami. Noꞌo marãpʉ cõꞌanoꞌcore nʉorẽgʉ̃nojõ quẽꞌrã mejãrõta tja cʉ̃ nʉmo nitigore aꞌmetãrãgʉ̃ weronojõ nisami. Õꞌacʉ̃ core “Nimʉꞌtãꞌcʉ nʉmo nimo yujupʉ”, ni ĩꞌasami. Na tojo wéérã, Õꞌacʉ̃ cʉ̃ dutisere yʉꞌrʉnʉꞌcãrã weema, niwĩ.

Cʉ̃ waꞌáca beꞌro Jesú ʉ̃sãrẽ niwĩ: —Diacjʉ̃ mʉsãrẽ weregʉti. Peje cʉogʉ Õꞌacʉ̃ wiogʉ nirõpʉ ʉꞌmʉsepʉ waꞌacã, diasa niꞌi.