Mathais 2 的热门经文

分享

Thaum lawv mus rau hauv tsev, lawv pom tus Metub thiab Nws niam uas yog Malis, lawv txawm txhoscaug ntua pehawm Nws. Lawv thau lawv tej kub, tej tshuaj tswqab, thiab tej roj tswqab maules hauv lawv cov hnab los pub rau tus Metub.

Yexus tau los yug hauv lub nroog Npelehees uas nyob hauv cov Yudais lub tebchaws, ncaj rau lub sijhawm uas Helauj tabtom ua vajntxwv. Tomqab ntawd tsis ntev, muaj cov neeg uas txawj saib hnubqub txawm tuaj sab hnubtuaj tuaj txog hauv lub nroog Yeluxalees. Lawv nug hais tias, “Tus Metub uas yuav ua cov Yudais tus vajntxwv Nws los yug rau qhovtwg? Peb pom Nws lub hnubqub tawm tim sab hnubtuaj tuaj, mas peb thiaj tuaj pehawm Nws.”

Thaum lawv pom lub hnubqub ntawd lawv zoosiab kawg li.

Lawv txawm rov lwm txojkev mus tsev lawm, vim lawv tau ua npausuav pom Vajtswv los hais rau lawv kom tsis txhob rov mus qhia rau Helauj. Thaum cov neeg txawj saib hnubqub rov mus lawm, Yauxej tau ua npausuav pom Vajtswv ib tug timtswv ceebtsheej los hais rau nws hais tias, “Helauj yuav nrhiav tus Metub no tua. Yogli, koj ciali sawv thiab coj tus Metub thiab Nws niam khiav mus rau nram tebchaws Iziv, thiab nyob nrad mus txog thaum uas kuv kom nej mus rau lwmqhov.”