Y-Mika 4 的热门经文

分享

Kyuadah jih jang phung ƀuôn sang dưi êbat hlăm anăn yang digơ̆, ƀiădah drei srăng êbat hlăm anăn Yêhôwa Aê Diê drei nanao hlŏng lar.

Lu phung găp djuê mnuih srăng hriê leh anăn lač: “Bơ bĕ, brei drei đĭ nao kơ čư̆ Yêhôwa, kơ sang Aê Diê Yakôp; čiăng kơ Ñu dưi mtô kơ drei êlan Ñu, leh anăn drei dưi êbat hlăm êlan Ñu.” Kyuadah klei bhiăn srăng kbiă hriê mơ̆ng čư̆ Siôn, leh anăn klei Yêhôwa blŭ hriê mơ̆ng ƀuôn Yêrusalem.

Srăng truh hlăm ênuk knhal tuč čư̆ sang yang Yêhôwa arăng srăng mdơ̆ng brei jing čư̆ dlông hĭn, leh anăn mđĭ gơ̆ ti dlông hĭn kơ jih jang kbuôn; leh anăn phung ƀuôn sang srăng kluh nao kơ gơ̆.

Ñu srăng phat kđi hdơ̆ng lu phung găp djuê mnuih, leh anăn srăng phat kđi kơ phung găp djuê mnuih jhŏng ktang dôk kbưi. Leh anăn diñu srăng tia đao gưm diñu mjing kơ wăng kai, leh anăn kju diñu mjing kơ mniă. Sa găp djuê mnuih amâo srăng lŏ suê̆ đao gưm ngă kơ sa găp djuê mkăn ôh, kăn diñu srăng lŏ hriăm klei bi blah rei.