Ƀiădah bi kơ kâo, kâo bŏ hŏng klei myang,
bŏ hŏng Mngăt Yang Yêhôwa,
leh anăn hŏng klei djŏ leh anăn klei ktang,
čiăng hưn kơ phung Yakôp klei diñu gao klei bhiăn,
leh anăn kơ phung Israel klei soh diñu.

Phung khua ñu phat kđi kyua ngăn sun,
phung khua ngă yang ñu mtô kyua ênoh mưn,
phung khua pô hưn êlâo ñu bi êdah klei hgăm kyua prăk.
Ƀiădah diñu knang kơ Yêhôwa leh anăn lač,
“Amâo djŏ hĕ Yêhôwa dôk ti krah drei?
Amâo mâo klei jhat ôh srăng truh kơ drei.”

Hlăk anăn diñu srăng ur kơ Yêhôwa,
ƀiădah Gơ̆ amâo srăng lŏ wĭt lač kơ diñu ôh.
Hlăm ênuk anăn Gơ̆ srăng mdăp ƀô̆ mta kơ diñu,
kyuadah klei jhat diñu ngă leh.

Y-Mika 3 的热门经文分享

Y-Mika 3 的热门经文