1
Filipɛ̀n anmàn-bɔ̀ 4:6
Ɛmɛẅi ankà ankrànkràn 2003
ƐAA03
Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.
对照
探索 Filipɛ̀n anmàn-bɔ̀ 4:6
2
Filipɛ̀n anmàn-bɔ̀ 4:7
Kɩ anwɔwɔ léyi dú Ɔwɔ mɛ̀n, hɩ ká ankà-tro lɔ fɛn ankɔrɛ̀ nɔn, kɛ lɛ hɛ́n ny'ɛnbɔrɛ hɔ̀n lɔ mán ny'ankà-tro hɔ̀n lɔ Zhezü Krisì bɔ̀sɔ̀ lɔ mɛ̀n.
探索 Filipɛ̀n anmàn-bɔ̀ 4:7
3
Filipɛ̀n anmàn-bɔ̀ 4:8
Ɔtrɔmɛ̀n lɔ, anwrɔn-nɛ́n-muan-ẅì hɔ̀n, ny'esùva wá kè dú eci léyi zrɔ, hɩ ẅɛn vɔ̀nshɛ́ ɛmrɛ́n mɛ̀n nɔn wú: eci lɔ fɛn léyi dú annanwɔrɛ, dú ɔwá, dú ɛnyrɔnnan, dú ɛfifi, dú ɛzrɔ mɛ̀n mán ɛmrɛ́n mɛ̀n nɔn.
探索 Filipɛ̀n anmàn-bɔ̀ 4:8
4
Filipɛ̀n anmàn-bɔ̀ 4:13
Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.
探索 Filipɛ̀n anmàn-bɔ̀ 4:13
5
Filipɛ̀n anmàn-bɔ̀ 4:4
Nyɛ́n dú ɛnvra lɔ fɛn pɔ̀püɛ̀ mɛ̀n, ô nyɛ́n dú Ɛẅɛnwrɔn tɛn. Mɛ sán dɔ̀: Nyɛ́n dú pɔ̀püɛ̀ mɛ̀n!
探索 Filipɛ̀n anmàn-bɔ̀ 4:4
6
Filipɛ̀n anmàn-bɔ̀ 4:19
M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.
探索 Filipɛ̀n anmàn-bɔ̀ 4:19
7
Filipɛ̀n anmàn-bɔ̀ 4:9
Eci léyi nyɛ́n cɔ̀, mán ankà-yé léyi nyɛ́n cɔ́ m'eyri, ndɔ lɔ fɛn, nyɛ́n ẅɛ̀n hɛ́n, ndɔ léyi nyɛ́n yá mɛ́n dɔ̀, mán hɩ léyi nyɛ́n kàn mɛ̀n hán. Kɩ Ɔwɔ léyi kɛ tán anwɔwɔ nɔn, mɛhi nye le dù.
探索 Filipɛ̀n anmàn-bɔ̀ 4:9
8
Filipɛ̀n anmàn-bɔ̀ 4:5
Ke ji le ny'ɛzrɔ lɔ kè di ebɩ anwrɔn lɔ fɛn zìwú. Ɛẅɛnwrɔn kɛ lɛ vá ɛnvra bruemɛ̀n.
探索 Filipɛ̀n anmàn-bɔ̀ 4:5
9
Filipɛ̀n anmàn-bɔ̀ 4:12
Me nyri ẅɛn ɛmian wúvà kɩ ɔmu zri lɔ, mɛ ẅɛn ɛnbɔrɛ-bru wúvà. Mɛ̀n nyri ɔmu le yɛ hán ye dú pɔpüɛ̀ mɛ̀n ɛyri lɔ fɛn mán eci lɔ fɛn mɛ̀n, ɛci mɛ́n ẅɛ̀n me zî hô, ɔmùanwù kɛ ẅɛn mɛ̀n hô, eci bobrebe mɛ́n ẅɛ̀n hô, ɛci kɛ ẅɛn mɛ̀n ɛmiàn hô.
探索 Filipɛ̀n anmàn-bɔ̀ 4:12
10
Filipɛ̀n anmàn-bɔ̀ 4:11
Kɩ mɛ́n sɩ́ dɔ́ ankà ndɔ lɔ ɔmuhi eci kɛ ẅɛn mɛ̀n ɛmìan nɔn. Annanwɔrɛ mɛ̀n lɔ, mɛ̀n nyri ɔmu le mɛ hán mɛ bɔsɔ́ eci léyi dú mɛ tɛn nɔn.
探索 Filipɛ̀n anmàn-bɔ̀ 4:11
主页
圣经
计划
视频