Roma 8 的热门经文

分享

Ci yeve ta̱ kpamu Ka̱shile ka tsu zuwa ta̱ ili dem i yaꞋan ulinga koɓolo mayin adama a ugaꞋin a kubana wa aza a na a cigai ni. Ele ɗa uma a na u ɗekei, adama a na ta u sheshei kuyaꞋan nannai.

N yeve ta̱ a na mayun ɗa ili yi lo a kufuɗa ye pece tsu n ucigi u ni ba: Ukpa̱ wa kufuɗa ba, wuma kpamu wa kufuɗa ba. Alingata, ko wunla̱i u gbani-gbani, ko utsura wa̱ a̱da̱nga̱shile† wi a kufuɗa we pece tsu n ucigi u ni ba. Ili i na yi a kuyaꞋan gogo na, ko ili i na i kuyaꞋan na kelime i kuyaꞋan ili ba. Ci baci zuva na ɗe gaɗi, ko ci ɗaka asuvu a mala, dem wi n ukuna ba, adama a na babu ili i na yi punu aduniyan i na i kufuɗa ye pece tsu n ucigi u Ka̱shile u na u yotsongi a̱ ubuta̱ u Kirisiti Yesu Kishi Vuzagbayin vu tsu.

Ayinviki a̱ Ka̱shile feu a̱ tsu ɓa̱nka̱ tsu ta̱ a̱tsu vu na ci babu utsura. Ci yeve kuyaꞋan avasa uteku u na u yotsoi ba. Amma Ayinviki a̱ Ka̱shile a̱ ka̱ci ka̱ ni a ci yaꞋanka ta̱ Ka̱shile kadanshi adama a̱ tsu, ali u tsu folonoko tsu ta̱ Ka̱shile n yura̱ i na i laꞋi ili i na vuma u kufuɗa kudansa.

Yi ɗa̱i tsa kudana adama a ukuna u nam pa ra̱ka̱? Ka̱shile ki baci n a̱tsu, babu vuza na u kulyaꞋa utsura u tsu.

Adama a nannai, a̱ɗa̱ aza o Kutoni a̱ Kirisiti Kishi a ɗa baci, Ka̱shile ka kuyaꞋanka ɗa̱ afada ka̱ta̱ wi ilukpa̱ ɗa̱ ba.

Mali mu unushi ma vuma ma lyaꞋa baci tsugono wa̱ ni, wi ta̱ a̱ kukuwa̱. Amma Ayinviki a̱ Ka̱shile a lyaꞋa baci tsugono wa̱ ni, wi ta̱ a̱ kuciya̱ wuma m ma̱ta̱na̱.

Amma ko n ili i nam pa ra̱ka̱, ci lyaꞋa ta̱ utsura wi ili gbende, a̱ ubuta̱ u ni vuza na u cigai tsu!

Ci ciɓa baci n tsugbayin tsu na u kuneke tsu a kubana megeshe, atakaci a na ci o kusoꞋo gogo na ili i ɗa ba.

Babu ili i na i kupece tsu n ucigi u na Kirisiti Kishi wi n u ɗa adama a̱ tsu, ko tsu uwa a kadama, ko ci o kusoꞋo atakaci. Ko uma e neke tsu awuya, e kupece tsu n ucigi u Kishi ba. Ko ci babu ilikulyaꞋa, ko ci babu ili i kuꞋuka, ili i nan lo ra̱ka̱ i kupece tsu n ucigi u ni ba. Uma a uka tsu baci wovon, ko a una tsu, a kufuɗa kupece tsu n ucigi u Kishi ba.

Ka̱shile ki ta̱ e kene ili i na yi a̱ a̱ɗu a uma. U yeve ta̱ kpamu ili i na yi a̱ ka̱ɗu ka Ayinviki a̱ Ka̱shile, adama a na Ayinviki a̱ Ka̱shile a ci yaꞋanka ta̱ Ka̱shile kadanshi adama a uma a̱ ni, n adama a ili i na yi derere n ucigi u Ka̱shile.

Muku n Ka̱shile m mayun ele ɗa aza a na a̱ ka̱sa̱kpa̱i Ayinviki a̱ Ka̱shile o tono n ele.

Uma a̱ ka̱sa̱kpa̱ baci ili i na a cikalakai ka̱ci ke le i lyaꞋa tsugono we le, ayin tutu i ta̱ a kuyaꞋan kusheshe ku unushi. Amma aza a na a̱ ka̱sa̱kpa̱i Ayinviki a̱ Ka̱shile a lyaꞋa tsugono we le, ayin tutu i ta̱ e kusheshe ukuna u na Ayinviki a̱ Ka̱shile a kupana uyoꞋo.

Ka̱shile ka̱ sa̱nka̱ m Maku ma̱ ni ba, amma u nekei ni adama a̱ tsu ra̱ka̱. Uteku u na u nekei tsu ɗe Yesu, mayun ɗa u kuneke tsu ili ra̱ka̱.

Ayinviki a̱ Ka̱shile a̱ tsu ushuku ta̱ n ayinviki a̱ tsu a na a̱tsu muku n Ka̱shile n ɗa. Adama a nannai, ci ta̱ a kisa ili i na Ka̱shile u tsu ɓa̱na̱ka̱ uma a̱ ni. Ili ra̱ka̱ kpamu Ka̱shile ke nekei Maku ma̱ ni, Kishi, ili i nam pa i tsu i ɗa feu. Amma ci baci a̱ kuciya̱ tsugbayin uteku na Kishi u ciya̱i tsugbayin, mayun ɗa feu tsu takacika tsu na u yaꞋin.

Mali mu unushi ma vuma mi baci o tsugono, wi ta̱ a̱ vishili n Ka̱shile ayin tutu. U tsu tono ili i na Ka̱shile ka danai u yaꞋan ba. Mayun ɗa, u tsu fuɗa u yaꞋan nannai ba.

Ili dem i na Ka̱shile ka yaꞋin yi ta̱ a kuvana m ma̱za̱nga̱ a ayin a na Ka̱shile ko kuyotsongu e keteshe aza a na i muku n ni m mayun.

Ci yeve ta̱ ali a̱ kuta̱wa̱ ayin o gogo na, ili dem i na Ka̱shile ka yaꞋin yi ta̱ a̱ yura̱ nu mɓa̱la̱, tsa̱ a̱ga̱nda̱ a limata.