Roma 7 的热门经文

分享

N cikpa ta̱ Ka̱shile adama a na Yesu Kirisiti Kishi a̱yi ɗa vuza na u kisa mu. Ta mi nahannai: a̱ ka̱ɗu ka̱ va̱, n ciga ta̱ mo tono wila̱ u Ka̱shile, amma ukambu u va̱ u na u ci ciga n yaꞋan unushi, u tsu zuwa mu ta̱ mo okpo kagbashi a̱ ubuta̱ wu unushi.

Ukambu u va̱ u na wi u kuku ɗa kpamu wi n unushi u ka̱sa̱kpa̱ mu n yaꞋan ili i na i gaꞋin ba. Ko n ciga kuyaꞋan ili i na i gaꞋin, mi a kufuɗa ba.

N ciga baci kuyaꞋan ili i singai, n ci yaꞋan ba. M gbagbala baci kpamu ka̱ta̱ n nusa ba, ɗaɗa n tsu kucikpa n yaꞋan.

Amma mi baci a kuyaꞋan ili i na n cigai kuyaꞋan ba, mayun mpa ɗa vuza na wi a kuyaꞋan ili ya ba. Unushi u na wi punu wa̱ va̱ u ɗa wi a kuyaꞋan i ɗa.

Kuyeve ku ukuna u wuma ku yotsongu mu ta̱ a na ili i yoku yi punu wa̱ va̱, i ɗa i sa̱nka̱i mu kuyaꞋan ili i na n yevei yi derere. Ka̱ɗu ka̱ va̱ ka yaꞋan ta̱ ma̱za̱nga̱ adama a̱ wila̱ u na wu uta̱i a̱ Ka̱shile.

N yeve ta̱ a na ili i na mi a kuyaꞋan derere ɗa ba, na va ta na u yotsongu ta̱ a na mu ushuki Wila̱ wi ta̱ n ugaꞋin.